१५ भदौ, काठमाडौं । के तपाई नयाँ गाडी किन्ने बिचारमा हुनुहुन्छ ? यदि हुनुहुन्छ भने तपाईं लागि यो वर्षको सबैभन्दा सुनौलो अवसर आएको छ । किनभने मंगलबारदेखि राजधानीको भृकुटीमण्डपमा सुरु भएको नाटा अटो-शोमा छुटैछुटको अफर छ ।

अटो मेलामा एकातिर गाडी किन्दा छुट दिइएको छ भने अर्कातिर अटो-शो अवधिभर गाडी किन्ने ग्राहकलाई बैंकले अन्य समयमा भन्दो सस्तो र सजिलै ऋण उपलब्ध गराउने स्किम ल्याएका छन् ।

नेपाल अटोमोबाइल डिलर्स एसोसिएसनको आयोजनामा सुरु भएको अटो शो भदौ १९ गतेसम्म चल्नेछ । प्रदर्शनीमा ३६ ब्राण्डका गाडीहरु राखिएका छ । त्यसमध्ये जुन मनपर्छ र आफ्नो क्षमताले भ्याउँछ, तपाईँ त्यही गाडी किन्न सक्नुहुनेछ ।

गाडी किन्ने हैसियत भएका नेपालीहरुले दशैको बेला नै नयाँ गाडी किन्ने भएकाले प्रत्येक वर्ष भदौमा अटो मेलाको आयोजना गरिएको हो । सुरुसुरुमा विलासी बस्तुको रुपमा हेरिने गाडीलाई पछिल्ला वर्षहरुमा आवश्यकताको रुपमा हेर्न थालिएको छ ।

अटो शोमा निजी गाडी किन्नका लागि सबैभन्दा सस्तो व्याजदरमा सिभिल बैंकले स्किम ल्याएको छ । तर, बैंकले स्कोडा ब्राण्डका तीन मोडलका गाडीमा मात्रै ४.५ प्रतिशत व्याजदरमा ३ दिनमै ऋण उपलब्ध गराउने जनाएको छ ।

त्यसैगरी एनएमबी बैंकले ६.४९ प्रतिशत, माछापुच्छ्रे बैंकले ६.७५ प्रतिशत र हिमालयन बैंकले ६.५ प्रतिशत व्याजमा हायरपर्चेज कर्जा दिने जनाएका छन् । स्टान्डर्ड चार्टर्डले ६.२५ , ग्लोबल आइएमइले ६.९९ र जनता बैंकले ७ प्रतिशतमा ऋणा दिने जनाएका छन् ।

एक दर्जन बैंकहरुले प्रदर्शनीस्थल भृकुटीमण्डपमै स्टल राखेर अटो लोनको मार्केटिङ गरिरहेका छन् ।मेलामा स्टल नराखेका बैंकहरुले पनि सस्तो व्याजदरमा अटो लोनको स्किम ल्याएका छन् ।

बैंकहरुले कर्जाको ब्याज मात्रै कम गरेका छैनन् सामान्य अवस्थामा १ प्रतिशतभन्दा बढी लिइँदै आएको सेवा शुल्यक पनि कम गरेका छन् । अटो शो अवधिभर बैंकबाट ऋण लिएर गाडी किन्ने ग्राहकसँग बैंकहरुले ०.२५ देखि ०.७५ प्रतिशतसम्ममात्रै सेवा शुल्क लिने घोषणा गरेका छन् ।

के के चाहिन्छ काजजात ?

मेलामा बैंकबाट फाइनान्सिङ गराएर अर्थात् ऋण लिएर गाडी किन्दा सामान्य अवस्थाको भन्दा छोटो अवधिमै कर्जा उपलब्ध गराउने बैंकहरुले जनाएका छन् । बैंकहरुले प्रदर्शनी स्थालमा स्टल नै राखेर मार्केटिङ गरिरहेका छन् ।

मेलामा गएर तपाईले बैंकमा नाम लेखाउनुपर्ने हुन्छ अर्थात् तपाइँले फोन गरेरै पनि बैंकमा आफ्नो नाम टिपाउन सक्नुहुनेछ । त्यसपछि तपाईले आˆनो आयस्रोतको बैंक स्टेटमेन्ट, नागरिकताको फोटोकपी र पासपोर्ट साइजको एउटा फोटो बैंकलाई वुझाउनुपर्छ ।

स्थलगत फाइनान्सिङ

तपाईले बैंकमा बुझाएका कागजात ऋण लिनका लागि योग्य ठहरिएमा तपाइलाई बैंकले तपाईँलाई ३ दिनदेखि एक हप्तासम्ममा हायर पर्चेज कर्जा अन्तर्गत ऋण उपलब्ध गराउने जनाएका छन् । तर, एनआइसी एसिया बैंकले स्थलगत फाइनान्सिङ गर्ने जनाएको छ ।

यसकारण अटो लोनमा आकर्षण

राजनीतिक अस्थीरताका कारण लगानीमैत्र वातावरण बन्न नसक्दा उत्पादनशील क्षेत्रको विस्तार भएको छ । त्यसैले पछिल्ला वर्षहरुमा उद्योगीहरु पनि व्यावारतर्फ आकषिर्त भएका छन् ।

र, बैंकहरुले पनि व्यापारमा ऋण बढाउँदै आएका छन् । आम्दानीको स्रोत भएका मान्छेले गाडी किन्ने भएकाले बैंकहरुले अन्य कर्जाको तुलनामाभन्दा छोटो प्रक्रियामै अटो लोन उपलब्ध गराउँछन् ।

प्रायः गाडी किन्नका लागि दिएको ऋण लगानी नडुब्ने भएकाले बैंकहरु अआकषिर्त भएको नेपाल बैंकर्स संघका अध्यक्षसमेत रहेका एनएमबी बैंकका प्रमुख कार्यकारी अधिकृत उपेन्द्र पौडेल बताउँछन् ।

कति छ लगानी ?

राष्ट्र बैंकका अनुसार ०७३ असार मसान्तसम्ममा गाडी आयातका लागि बैंकहरुले १८ करोड ९४ करोड रुपैयाँ लगानी छ । त्यसको ठीक एक वर्षअघि अर्थात् ०७२ असार मसान्तमा गाडी आयात गर्न बैंकहरुले १४ अर्ब ३४ करोड रुपैयाँ मात्रै लगानी गरेका थिए ।

बैंकहरुले गाडी आयात गर्नका लागि व्यापारीलाई ऋण मात्रै दिँदैनन् । उनीहरुले सर्वसाधारणलाई गाडी किन्न पनि ऋण दिन्छन् । व्यापारीलाई गाडी आयात गर्न र सर्वसाधारणलाई गाडी किन्न दुबै शिर्षकमा अहिले बैंकहरुले १ खर्ब रुपैयाँ लगानी गरेका छन् । जबकी पाँच वर्षअघि यस्तो कर्जा तथा लगानी २५/३० अर्ब रुपैयाँ मात्रै थियो ।

कुन बैंकले कति ब्यादरमा अटो लोन दिँदैछन् ?