महाराष्ट्र नवनिर्माण सेनाले पाकिस्तानी कलाकार र अभिनेतालाई भारत छाड्न धम्की दिएको छ ।
एमएनएसको चित्रपट कर्मचारी सेनाका नेता अमीय खोपकरले भने, हामी सबै पाकिस्तानी कलाकार र एक्टरहरुलाई भारत छाड्न ४८ घन्टाको समय दिन्छौं ।’
यदि ४८ घन्टाभित्र भारत नछाड्ने कडा कदम चाल्ने उसले बताएको भारतीय सञ्चार माध्यमहरुले बताएका छन् ।
एमएनएसका महासचिव शालिनी ठाकरेले भनिन्, यदि ४८ घन्टामा नछाडे एमएनएसले उनीहरुलाई बाहिर फाल्छ । उनीहरु हाम्रो देशमा पैसा कमाएर पाकिस्तानलाई ट्याक्स तिर्छन् र त्यही पैसा प्रयोग गरेर हाम्रा मानिसहरुलाई मार्छन् ।’
पाकिस्तानी कलाकारले भारत नछाडे उनीहरुको सुटिङ रोक्ने र भारतमा फिल्म रिलिज हुन नदिने एमएनएसले बताएको छ । यो राज ठाकरेको पार्टी हो ।
