११ असोज, काठमाडौं । बाँसले बारेर खरले छाएको झुप्रोमा श्याम बनकरिया दिउँसो छोरो सुताउँदै थिए । उनकी श्रीमती पार्वती खाना पकाउँदै थिइन् ।
अकाश धमिलो हुदै गयो । दुई वर्षअघि खरले छाएको छानोले वर्षाको पानी थेग्न छाडेको रहेछ ।
दुई वर्षीय छोरालाई झोलुंगोमा सुताउँदै गरेका श्यामले भने ‘आफै घर बनाउँ पैसा छैन, सरकारले घर बनाइदिने भनेको उखानजस्तो भयो ।’
हेटौंडा हाँडीखोला १ ट्याङग्रास्थित धापमा बसोबास गर्दैै आएका केहीले स्थानीय साना किसान सहकारीमा ऋण लिएर घर बनाएका छन् । तर धेरैको अवस्था अहिले पनि श्यामको जस्तै रहेको आजको अन्नपूर्णमा समाचार छ ।
२०७१ असार दोस्रो साता सहरी विकास मन्त्रालयले जनता आवास कार्यक्रम अन्तर्गत बनकरिया समुदायलाई घर निर्माणका लागि प्रतिघर दुई लाख चार हजार रुस्पैयाँ छुट्याएको थियो । उक्त सयमयमा १४ घर बनकरिया परिवार रहेकोमा हाल परिवार संख्या बढेर २० पुगेको छ ।
