उमेरको हिसाबले आठ दशक पार गरिसकेका गायक प्रेमध्वज प्रधानको स्वरमा समावेश ‘ती आँखामा को छ’ गीत सार्वजनिक गरिएको छ । अहिलेका पुस्तासँग गीत गाउन पाउँदा खुसी लागेको गायक प्रधानले बताए । सरल र मिठास गीत पाएमा आउँदो दिनमा पनि गीत रेकर्ड गराउने योजना उनको छ । यो गीतलाई डब्बु क्षेत्रीले रचना गरेका हुन् ।
प्रेमध्वज प्रधान र केन्जुमा सुब्बाको स्वर यो गीतमा समावेश छ भने जुगल डंगोलले गीतमा संगीत दिएका छन् । गीतको भिडियो पनि सोही कार्यक्रममा सार्वजनिक गरियो ।
मोहनराज अधिकारीले निर्देशन गरेको भिडियोमा विकाश लामिछाने र बिनिता ओलीले मोडलिङ गरेका छन् । अमृत सुनुवारको छायांकन रहेको यो गीतको भिडियोलाई माधव वेलवासेले सम्पादन गरेका हुन् ।
