भारतका पूर्व विश्व सुन्दरी ऐश्वर्या राय, प्रियंका चोपडादेखि अहिलेका चर्चित नायिका दीपिका पादुकोण, आलिया भट्ट लगायतमाथि उनीहरुको शरीरको आकार, रंग, तौललाई लिएर आलोचना भैसकेको छ । एक अनलाइनलाई दिएको अन्र्तवार्तामा नायिका सोनम कपुरले भनेकी छिन्-‘मलाई मेरा केही आफन्तले यति अग्ली, काली केटीसँग कसले बिहे गर्ला भन्थे ?’
सोनमले भनेकी छिन्-‘हरेक यूवती जस्तै मैले पनि वेडरुम अगाडिको ऐना धेरै पटक हेरेकी छु र अनिदो रात बिताएकी छु ।’ सोनमले आफूले ‘आफ्नो शरीर किन यस्तो देखिन्छ ? मेरो पेट किन बाहिर निक्लिएको छ ? म यति धेरै मोटी किन छु ? म गोरी किन छैन ?
मेरो आँखाको तल किन कालो धब्बा छ ? म आफ्नो उमेर भन्दा ज्याद अग्ली किन छु ? के मेरो आँखाको दाग जाला ?’ जस्ता कुरा सोचेर कैयौ रात अनिदोमै बिताएको बताइन् ।
जब सोनम १८ बर्षकी थिइन् । उनी कुनै एक यूवकसँग डेटमा गएकी थिइन् । तर, त्यो डेट खासै राम्रो भएन । पछि त्यो यूवकले सोनमको बिषयमा टिप्पणी गर्दै भनेका थिए-‘सोनम निकै मोटी छिन् ।’ त्यसदिन देखि आफूले खान र पिउन छाडेको सोनमको भनाई छ ।
१३ बर्षको उमेरमा गोवा जाँदा ऐश्वर्या राय परिवारसँग बिदा मनाउन त्यहाँ पुगेकी थिइन् । ऐश्वर्यालाई देखेर आफू मोहित भएको सोनमको भनाई छ ।
