१४ असोज, काठमाडौं । नेकपा एमालेका नेता रविन्द्र अधिकारीले दशैको समयमा सवारी व्यवस्थापन गर्नुको सट्टा सरकार मुखदर्शक बनेको आरोप लगाएका छन् ।
शुक्रबारको संसद वैठकमा नेता अधिकारीले दशैंमा घर जानको लागि नागरिकहरु टिकट खोजिरहेपनि व्यवसायीको दादागिरीका कारण टिकट पाउन नसकेको बताए ।
नेता अधिकारीले सिटभन्दा धेरै यात्रु चढाउन नपाए गाडी नचलाउने भन्ने व्यवसायीलाई सरकारले कारबाही गर्न नसकेको भन्दै सरकार र व्यवसायीको मिलेमतो रहेको आरोप लगाए ।
उनले भने ‘जो व्यवसायीहरुले गाडी चलाउन मान्दैनन् उनीहरुको दर्ता र रुटपर्मिट खारेज गर्न सरकार किन सक्दैन ?’
नेता अधिकारीले दशैको समयलाई लक्षित गर्दै खोलिएका सुपथ मुल्य पलसलाई नौंटंकिको संज्ञा दिदै त्यसका नाममा सरकारले कालोबजारीलाई प्रोत्साहन गरेको आरोप लगाए ।