नेपाली चलचित्र क्षेत्रमा नयाँ नयाँ अनुहार भित्रिएका छन् । विशेषगरि, नायक भन्दा नायिकाको आगमन चलचित्र क्षेत्रमा अहिले बढेको छ । निर्माता माधव वाग्लेले चलचित्र ‘लालपुर्जा’मा नव-नायिकालाई भित्राए । मिरुना मगर नाम गरेकी सुन्दरी अहिले चलचित्रको छायांकनमा व्यस्त छिन् ।
हुनत, मेनुका प्रधान र श्रृष्टी श्रेष्ठ जस्ता चिनिएका अनुहार पनि भएकाले मिरुनालाई चुनौती त छ । तर, उनी आफू आफ्नो तर्फबाट शतप्रतिशत दिन तयार भएको बताउँछिन् । 
एउटा चलचित्र खेलेर हराउने नायिकाको कमी नेपाली चलचित्रमा छैन । चर्चित ब्यानरबाट डेब्यू गर्दै गरेकी मिरुनाको करिअर कसरी अगाडि बढ्ला, चलचित्र प्रदर्शनसम्म प्रतिक्षा गरौ । 
तस्विरः श्रीधर पाैडेल
