६ कात्तिक, काठमाडौं । माओवादी केन्द्रका नेता गोपाल किरातीले केन्द्रीय कार्यालबाट राजिनामा दिएका छन् ।
केन्द्रीय कार्यालय चुस्त बनाउन राजिनामा दिएको भन्दै सबै नेताहरुलाई एक तह घटुवा गर्न किरातीले प्रचण्डसँग माग गरेका छन् ।
आफूले भदौं २५ गते नै संगठन विभाग इन्चार्ज बादललाई राजिनामा बुझाए पनि स्विकृत नगरेकाले यसलाई सार्वजनिक गर्नुपरेको किरातीले अनलाइनखबरलाई बताए ।
‘मैले भदौं २५ मै संगठन विभाग इन्चार्ज बादललाई राजिनामा बुझाएको थिए, तर स्वीकृत नभएपछि सार्वजनिक गर्नुपर्यो’ किरातीले अनलाइनखबरसँग भने ।
किरातीले सचिवालयमा बसेर प्रदेशको जिम्मेवारी समाल्ने बताएका छन् । राजिनामा सार्वजनिक गर्दै उनले अध्यक्ष प्रचण्ड बाहेका सवै नेताको एक एक तह घटुवाको माग समेत गरेका छन् ।