६ कात्तिक, काठमाडौं । अख्तियार प्रमुख लोकमान सिंह कार्कीविरुद्ध संसदमा दर्ता भएको महाअभियोग प्रस्ताव पास गर्न दबाव दिन डा. गोविन्द केसीका समर्थकले राजधानीमा प्रदर्शन गरेका छन् ।
सोलिडारिटी फर डा. केसी एलाइन्सको आहृवानमा भएको प्रदर्शन माइतीघर मण्डलाबाट सुरु भएर बानेश्वर पुगेको थियो । प्रदर्शनमा सहभागीहरुले ‘डाक्टर केसीको माग पुरा गर’, ‘विदेशीका मतियार, सबै होऔं होसियार’ लगायत नारा लगाएका थिए ।
प्रदर्शनको अग्रभागमा एक व्यक्ति थिए, जसको छातिमा लोकमान सिंह कार्की लेखिएको कागज टाँसिएको थियो र उनले घैंटो बोकेका थिए ।
यो घैंटोमा ‘लुटतन्त्र’ भनेर लेखिएको थियो । प्रदर्शन बानेश्वरमा पुगेपछि डा. केसीले लोकमानले लुट मच्चाएको भन्दै उक्त घैंटो फुटाएका छन्।
२०७३ कार्तिक ६ गते १५:४३ मा प्रकाशित
