नीशा अधिकारी भन्ने वित्तिकै धेरैलाई याद हुन्छ, पत्रकारसँग झगडा गर्ने नायिका । सामान्य भन्दा सामान्य बिषयमा पत्रकारसँग लफडा गरिहाल्ने, फेसबुकमा आक्रोश पोखिहाल्ने बानीका कारणले नीशा चर्चामा थिइन् । पछि उनको चर्चा क्रिकेटर शरद भेष्वाकरसँगको प्रेमका कारण पनि भयो ।
तर, अहिले नीशा अधिकारीमा बदलाव आएको छ । नीशा र शरदको प्रेम पनि टुटिसकेको छ । करिअरमा फोकस भएपछि नीशा यस्ता विवादस्पद कामबाट टाढा देखिन थालेकी छिन् ।
एकपछि अर्को प्रोजेक्टमा व्यस्त यी नायिकाले अहिले शरीरको वजन पनि घटाएकी छिन् । पर्दामा मोटी देखिएको आरोप नीशालाई लाग्दै आएको थियो । अहिले आफू पूर्ण रुपमा करिअरमा फोकस भएको नीशाले बताउँदै आएकी छिन् ।
‘कुम्भकरण’पछि ‘रोमियो’ चलचित्रमा व्यस्त हुन लागेकी नीशा स्टारडम फर्काउन चाहन्छिन् ।
तस्बिरः कमल प्रसाई