Comments Add Comment

नेपालका प्रजिअ बिश्वकर्मा बाल्टिमोरमा नासो द्वारा सम्मानित

naso-1वाशिंगटन डीसी ।  नेपाली अमेरिकन सोसाईटी फर अप्रेस्ड कम्युनिटि (नासो )को आयोजनामा विजया दशमी,दीपावली, छठ पर्व तथा नेपाल सम्बतको अवसरमा शुभकामना आदन प्रदान तथा सांस्कृतिक साँझ कार्यक्रम मेरिल्याण्ड  राज्यको बाल्टिमोर शहरमा सफलता पूर्वक सम्पन्न भएको छ ।

उक्त कार्यक्रममा अध्ययनको क्रममा अमेरिका आएका नेपालका दलित तथा न्यायको आन्दोलनमा लामो समय देखि योगदान गर्दै आएका र हाल प्रमुख जिल्ला अधिकारीका रुपमा कार्यरत मान बहादुर विश्वकर्मालाई नासो कम्यूनिटि अमेरिकाले सम्मान गरेको छ ।

प्रमुख अतिथि समेत रहेका बिश्वकर्मालाई  विशिष्ट अतिथि मेरिल्याण्ड तथा पेन्सेलभेनिया राज्यका लागि महावाणिज्य दुत प्रेमराजा महतले नेपाली ढाकाको खादा लगाएर प्रजिअ विश्वकर्मालाई सम्मान गरेका थिए ।  सम्मानित भए पछि मन्तब्य राख्दै प्रमुख अतिथि को साथै सम्मान समेत हुन् पाईएकोमा नासो कम्युनिटीलाई बिशेष धन्यवाद दिए ।

महावाणिज्य दुत प्रेमराजा महतले मन्तब्यको क्रममा कस्तुरीले बास्ना खोज्न डाँडा काँडा काट्नु पर्दैन पेट भित्र नै छ भन्ने उदाहरण दिदै नासो भित्र नै राष्ट्र चलाउने र राष्ट्रलाई ममता गर्ने क्षमता छ भन्दै नासोले गरेको कामको प्रसंसा गरे ।

naso-7कार्यक्रममा प्रमुख अतिथि मान बहादुर बिश्वकर्मा ,महावाणिज्य दुत प्रेमराजा महत, गैरआवसीय नेपाली संघ,बाल्टिमोर ,अमेरिका नेपाली संघ (बाना), म्याग्दी समाज,नेपाली प्रवासी एकता मञ्च,जन सम्पर्क समिति लगायत वासिङ्गटन डि.सी महानगर क्षेत्र भित्रका विभिन्न नेपाली संघ संस्थाका पदाधिकारी तथा प्रतिनिधिहरुको बाक्लो उपस्थिति रहेको थियो ।

कार्यक्रममा बानाका अध्यक्ष कुलमणि आचार्य ,महासमिति तथा जनसंपर्क समिति केन्द्रीय सदस्य वेद खरेल तथा अन्य अतिथि वक्ताहरुले नेपाली कला संस्कृति र पहिचानका लागि नासो जस्ता संस्थाहरुको भूमिकाको विषयमा चर्चा गर्दै शुभकामना मन्तब्य राखेका थिए । कार्यक्रम नासोका केन्दीय अध्यक्ष गोपाल विश्वकर्माको अध्यक्षतामा सम्पन्न भएको थियो ।

naso-8सांस्कृतिक कार्यक्रममा बाल्टिमोरमा रहने चर्चित कलाकारहरु सिर्जना विरही थापा, अमृत रामदाम, मञ्जु थापा र सिर्जन ताम्राकार “ओकिली”का साथै न्यूयोर्कबाट उपस्थित भएका कलाकार प्रेम सेन्चुरीको विजोड प्रस्तुति रहेको थियो । अमेरिकामा पन्जेबाजाका लागि चर्चित एभरेष्ट व्याण्डले पन्चेवाजाको प्रस्तुती गरेका थिए ।

सन् २००४ मा डीसी महानगर क्षेत्रमा स्थापना भएको नासो कम्युनिटीको उद्देश्य समुदायको पहिचान तथा प्रबर्द्धन गर्नुको साथै यस समुदायको शिपलाई वृद्धि गर्दै सामाजीक आर्थिक उन्नति बारेमा अमेरिका तथा उत्तर अमेरिकामा ज्ञान गराउनुको साथै अन्तर सांस्कृतिक सामाजिक जीवनलाई एकिकृत गर्नु रहेको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment