९ कात्तिक, काठमाडौं । एमाले सांसद रविन्द्र अधिकारीले संवैधानिक निकायको प्रमुखले संविधान विपरित गरेको दादागिरी रोक्न महाअभियोग प्रस्ताव ल्याउनु परेको बताएका छन् ।
संवैधानिक पदाधिकारीलाई कारबाही गर्ने यो भन्दा अर्को विधि नभएको स्मरण गराउँदै उनले भने, ‘महाअभियोग अनियमितता र खराब आचरण रोक्न आएको हो, गठबन्धन र सत्तासमिकरणको विषय होइन ।’
सांसद अधिकारीले मुलुकमा कि अवैधानिक गतिविधि बढ्दा पनि टुलुटुल हेर्नुपर्ने या नियन्त्रण गर्नुपर्ने अवस्था आएको बताए ।
‘अख्तियारको गतिविधिबारे कसैले केही बोल्यो की अख्तियारको कारबाही भोग्नुपर्ने स्थिति आयो, जनता आफ्नै संबैधानिक निकायबाट प्रताडित बन्नुपर्यो,’ उनले भने, ‘यस्तो बेला टुलुटुलु हेरेर बस्न सकिएन ।’
