१० कात्तिक, काठमाडौं । मुख्य चोक र सडकभरि सौर्यउर्जाबाट बत्ती बाल्न पोखरा उपमहानगरपालिका र चीनको तिव्व्त सरकारबीच सम्झौता भएको छ ।
तिब्बतको वैदेशिक मामला विभागमा उपमहानिर्देशक मा क्विनसिन र पोखराका कार्यकारी अधिकृत नवराज ढुंगानाले सोमबार सम्झौतामा हस्ताक्षर गरेका हुन् ।
१५ करोड रुपैयाँको लागतमा पोखराका सडक र चोक उज्यालो पार्ने यो सम्झौता गर्न चिनियाँ पक्षसँग पोखरा उद्योग वाणिज्य संघका अध्यक्ष विश्वशंकर पालिखेले सहजीकरण गरेका अाजको अन्नपूर्णमा समाचार छ ।
पोखरासँग भगिनी सम्बन्ध गाँसिएको तिव्वतको लिन्झी सहरका मेयरको पहलमा यो सम्झौता हुन सकेको पालिखेले बताए ।
पोखरा उपमहानगरका अनुसार पोखराको पवेशद्धार विजयपुरादेखि पृथ्वीराजमार्ग हुँदै पर्यटकीय केन्द्र लेकसाइडसम्मको सडकमा पहिलो चरणमा सौर्य उर्जाका बत्ती राखिनेछ ।
