११ कात्तिक, काठमाडौं । नेपाल र भारतबीच विगतका सहमति तथा सम्झौताका विषयमा परराष्ट्रमन्त्रीस्तरीय बैठक बिहीबार हुँदै छ ।
आज हुने नेपाल र भारतका परराष्ट्रमन्त्री नेतृत्वको संयुक्त आयोगको बैठकमा नेपालका तर्फबाट परराष्ट्रमन्त्री डा. प्रकाशशरण महत तथा भारतका तर्फबाट विदेशमन्त्री सुष्मा स्वराजले नेतृत्व गर्नेछन् ।
बैठकमा दुवै देशका अर्थ वाणिज्इ, उद्योग जलश्रोत उर्जा मन्त्रालयका अधिकारीहरु सहभागी हुनेछन् ।
बैठक विगतमा भएका दुई पक्षीय सहमति र सम्झौताको चार बृहत् विषय कार्यान्वयमा केन्द्रित हुने परराष्ट्रमन्त्री डा. प्रकाशशरण महतले जनाए ।
सीमा विवाद एवं सीमाको व्यवस्थापन, व्यापार र वाणिज्य, उर्जा एवं जलश्रोत तथा संस्कृति तथा सञ्चारलगायतका विषयमा छलफल हुने जनाइएको छ ।
यसअघि बुधबार परराष्ट्रका सचिवस्तरीय छलफल भएको थियो ।