नायिका मेनुका प्रधानको एउटा विशेषता छ । उनी कुनै पनि सार्वजनिक कार्यक्रममा निक्कै हाँस्छिन् । उनको यो स्वभावले कतिपय स्थानमा उनको आलोचना पनि भैरहेको छ । यतिसम्म कि, मञ्चमा कुनै अतिथीले भाषण गर्दा उनी छेउमै बसेर हाँसी रहेकी हुन्छिन् ।
तर, मेनुकालाई अहिले दर्शक र चलचित्रकर्मीले उत्कृष्ट अभिनय गर्ने कलाकारको रुपमा चिन्न थालेका छन् । वुधबार मात्र पि्रमियर गरिएको चलचित्र ‘पुरानो डुङ्गा’ हेरेपछि धेरैले उनको अभियनको प्रशंसा गरे ।
दम रोगले ग्रसित एक महिलाको भूमिकामा उनले मन छुने अभिनय गरेकी छिन् । चलचित्र ‘रेशम फिलिली’मा आधुनिक यूवतीको भूमिकामा पनि उनलाई दर्शकले रुचाएका थिए ।
मेनुका नेपाली चलचित्रमा सो-पिस नायिका भन्दा पनि अभिनयका कारण चम्कने संभावना धेरै छ ।
तस्बिरः कमल प्रसाई