२२ मंसिर, काठमाडौं । साफ च्याम्पियनसीपको तयारीमा रहेको नेपाली राष्ट्रिय महिला फुटबल टोलीले आगामी पुस २ गते मलेसियाको राष्ट्रिय टोलीसँग अन्तर्राष्ट्रिय मैत्रीपूर्ण फुटबल खेल्ने भएको छ ।
नेपाल र मलेसियाबीचको खेल सातदोवाटोस्थित एन्फा कम्प्लेक्सको मैदानमा हुनेछ । खेल दिउँसो २ बजेदेखि सुरु हुनेछ ।
नेपालको प्रस्ताव स्वीकार गर्दै मलेसियाली टोली नेपालसँग फुटबल खेल्न मंसिर ३० गते काठमाडौं आइपुग्ने एन्फाले जानकारी दिएको छ ।
नेपाली राष्ट्रिय टिमका तीस खेलाडीहरु दिनको दुई सत्रको अभ्यासमा छन् । मूख्य प्रशिक्षक कुमार थापा र सहायक प्रशिक्षक अमृता खवास छन् ।
आगामी पुस ११ गतेदेखि सिलीगुडीमा हुने महिला साफ च्याम्पियनसीमा नेपालले सहभागिता जनाउँदैछ ।