२३ मंसिर, काठमाडौं । फिफा अध्यक्ष जियानी इन्फन्टिनोले विश्वकपमा ४८ देशलाई सहभागी गराएर १६ समूह बनाउने आफ्नो इच्छा रहेको बताएका छन् ।
इन्फन्टिनो गत फेब्रुअरीमा फिफा अध्यक्ष बनेका हुन् । र, यसले यसअघि विश्वकपमा ३२ टिमबाट ४० बनाउनु पर्ने बताएका थिए ।
अब उनले विश्वकपमा ४८ देशलाई सहभागी गराउने योजना अघि सारेका छन् । जसलाई १६ समूहमा विभाजन गरिनेछ र शीर्ष दुई टिम अन्तिम ३२ को नकआउट चरणका लागि छनौट हुनेछन् ।
जबकी अहिले विश्वकपमा ३२ देशले भाग लिन्छन् र चार चार देशको ८ समूह हुन्छ, जसका शीर्ष दुई टिम क्वार्टरफाइनल पुग्छन् ।
यसबारे आगामी जनवरीमा निर्णय हुन सक्छ । तर, २०२६ को विश्वकप अगाडि यो परिर्वतन सम्भव देखिएको छैन । अध्यक्ष इन्फन्टिनोको प्रस्तावबारे फिफा काउन्सिलमा जनवरी ९ मा छलफल हुनेछ । यो प्रस्ताव उनको चुनावी घोषणा पत्र अनुसार आएको हो र, उनी विश्वकपमा धेरै देशलाई सहभागी गराउन चाहन्छन् ।
यसबारे काउन्सिलका सदस्यहरुले प्रस्ताव पाएका छन् । जसमा हाल कायम ३२ टिमलाई निरन्तरता दिने, ४० टिम बनाउने लगायतका विकल्पहरु समेत रहेको समाचारहरुमा उल्लेख छ ।
सन् १९९८ मा विश्वकप खेल्ने टिमको संख्या २४ बाट ३२ बनाइएको थियो ।
