मंगलबार, १६ जेठ, २०७४
OnlineKhabar.com

चरम बेरोजगारीको नतिजाः ‘थ्री डी’ काममा विदेशिने नेपाली बढे

५ महिनामै साढे २ लाख बढी विदेशिए

रविन्द्र घिमिरे

3d-works-worker-2

२२ पुस, काठमाडौं । बेरोजगारीले एउटा जल्दोबल्दो युवालाई ‘गर या मर’ को स्थितिमा पुर्‍याएपछि के गर्नु ? यही अवस्थाले अहिले विदेशिने नेपालीलाई ‘जस्तो काम भएपनि गर्छु’ भन्ने बनाउँदै लगेको छ ।

म्यानपावर व्यवसायीका अनुसार यसअघि विदेश जाने नेपालीहरु तुलनात्मकरुपमा सजिलो काम खोज्थे । तर, हिजोआज म्यानपावरहरुमा ‘जस्तो काम भए पनि, जति तलव पाएपनि उड्छु’ भनेर पुग्नेहरुको संख्या बढ्दोे छ ।

समग्र संख्यमा गत आर्थिक वर्षकोभन्दा चालु आर्थिक वर्षमा विदेशिने युवाको संख्या उच्च दरमा बढेको छ । चालु आर्थिक वर्षको पहिलो ५ महिनामा विदेशिने युवाको संख्या गतवर्षको भन्दा ३२ प्रतिशतले बढेको छ ।

म्यानपावर ब्यवसायीले विदेशमा जोखियुक्त मानिने काममा पनि युवाहरु सजिलै जान तयार हुँदा यो संख्या बढ्न पुगेको बताउँछन् । भूकम्पपछि खल्बलिएको मानसिकता फेरि ‘रिकभर’ हुँदा पनि यो अवस्था आएको दावी उनीहरुको छ ।

वैदेशिक रोजगार विभागले सार्वजनिक गरेको तथ्यांकअनुसार मंसिर महिनासम्म पोहोर सालको सोही अवधिभन्दा ८४ हजारले बढी बाहिरिएका छन् ।

यसवर्ष आर्थिक वर्षकै सुरुवातमा कामका लागि विदेशिनेको संख्या गतवर्ष भन्दा ८४ हजार ६ सय ७४ बढी देखिएको छ

कति बाहिरिए ?

गत आर्थिक वर्षको मंसिर महिनासम्म १ लाख ७४ हजार ९ सय २६ जना विदेशिएका थिए । तर, यो वर्ष बढेर २ लाख ५९ हजार ६ सय पुगेको वैदेशिक रोजगार विभागकी प्रवक्ता रमा भट्टराईले जानकारी दिइन् ।

गतवर्ष भूकम्प र त्यसपछिको नाकाबन्दी तथा फि्र भिसा तथा टिकेटको कार्यान्वयनमा देखिएको जटिलताका कारण विदेशिने युवाको संख्या यो अवत्रिमा निकै न्युन थियो । तर, यसवर्ष आर्थिक वर्षकै सुरुवातमा कामका लागि विदेशिनेको संख्या गतवर्ष भन्दा ८४ हजार ६ सय ७४ बढी देखिएको छ ।

खाडी राष्ट्रमा आर्थिक संकट बढिहे पनि युवाहरुले त्यसको विकल्प पाउन सकेका छैनन् । त्यसैले बेरोजगार युवाहरु विदेशिने क्रम कुनैपनि बाहनामा घट्ने अवस्था नरहेको वैदेशिक रोजगार विज्ञहरु बताउँछन् । मलेसिया र साउदीमा आर्थिक संकट चुलिएपनि विदेशिन चाहानेको संख्या अब फेरि पुरानै अवस्थामा फर्किने देखिएको छ । गत वर्ष विदेशिने युवाको संख्या निकै घटेको थियो ।

मंसिरमा विदेशिने धेरै

यो वर्षको मंसिर महिनामा सबैभन्दा धेरै ६५ हजार ८ सय ९१ जना बाहिरिएका छन् । गतवर्षको मंसिरमा ३८ हजार ३ सय ५० जना मात्रै बाहिरिएका थिए ।

यस अघि कात्तिकमा ५८ हजार १ सय ८२, असोजमा ४२ हजार २ सय ८, भदौमा ४९ हजार २ सय १२, साउनमा ५१ हजार १ सय ७ जना युवा काम खोज्दै बाहिरिएका थिए । गत आर्थिक वर्षको यस्तै अवधिमा विदेशिने युवाको संख्या निकै ओरालो लगेको थियो ।

म्यानपावर व्यवसायीहरु गत वर्ष भूकम्पका कारण विदेशिने युवाको संख्या घटेकाले यो वर्ष बढ्दो क्रममा देखिनु समान्य भएको बताउँछन् ।

वैदेशिक रोजगार ब्यवसायी संघका महासचिव रोहन गुरुङ पछिल्लो समयमा नेपाली श्रम बजारमा कामको तीब्र अभाव देखिँदा विदेशिनेको संख्या बढेको बताउँछन् ।

‘गत वर्ष भूकम्पका बेलामा धेरैले परिवार छोड्न चाहेनन् । तर, अब फेरि मान्छे पुरानै मनोविज्ञानमा फर्किएका छन् । त्यसैले पनि कामदारहरु विदेशिने क्रम बढेको हो’ गुरुङ भन्छन्,’गतवर्ष नविदेशिएका पनि अब म्यानपावर कम्पनीमा धाउन थालेका छन् ।’

‘थ्री डी’मा नेपाली तयार

3d-works-worker

उनले पछिल्लो समयमा नेपालीहरु जतिसुकै जोखिमयुक्त काम भए पनि जान थालेको बताउँछन् । ‘थ्री डी’ डर्टी, डिफिकल्ट, डेन्जरस कामममा पनि नेपाली युवा निसंकोच जान थालेको उनको भनाइ छ । यस्ता कामका लागि म्यानपावरहरुले पनि आजभोलि प्रशस्तै डिमान्ड ल्याएका छन् ।

तराई तथा उच्च पहाडी क्षत्रेमा युवा ‘थ्री डी’ मानिने कामलाई पनि स्वीकारेर विदेशिने क्रम बढेको छ । ‘यसअघि मलेसियामा रुख काट्ने काममा हत्तपत्त नेपालीहरु जान मान्दैनथे । रोडहरुको कन्स्ट्रक्सनको काम पनि नेपाली युवाले अस्वीकार गर्थे’ महासचिव गुरुङ भन्छन्-‘अब जस्तो काम भएपनि जान्छु भनेर युवाहरु शहरमा आएका छन् । अब उनीहरुका लागि म्यानपावरले डिमान्ड ल्याएर नदिने भन्ने हुँदैन ।’

पछिल्लो समयमा विदेश जान भनेर म्यानपावर धाउने सबै युवाले विदेशमा पनि अवसर नपाउने स्थिति आएको ब्यवसायीको दावी छ । युवाको चापअनुासर डिमान्ड ल्याउन नकसकेको अर्को दावी उनीहरुको छ ।

२०७३ पुष २२ गते १९:३३ मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
३ प्रतिकृयाहरू प्राप्त
  • pardeshi लेख्नुहुन्छ    |   २०७३ पुष २३ गते ७:१३

    के गर्ने देशमा न जागिर छ, नेताहरुको भाषाण मात्रै , अरु केही छैन , ब्यापार ब्यावसाये गर्‍यो नोट मात्रै माग्नु आउछन , सरकारी कार्यलये गयो घुस मात्र खोज्छन , आफु सँग सबै कागज पत्र छ र पनि बिदेश जानु दिन्न , पैसाको सेटिङ् गर्‍यो भने तुरुन्तै

    1
    0
    Share

  • Ajay लेख्नुहुन्छ    |   २०७३ पुष २५ गते ११:४४

    Hamro bibas prasti ti ho hajur k gaene

    0
    0
    Share

  • Rabi khakurel लेख्नुहुन्छ    |   २०७३ पुष २८ गते १६:३३

    देशका यूवा िपढीलाइ िवदेशीन वाध्यता बनाउने अवस्था भनेकाे वास्तवीक दे्शलाइ माया गरनु परने भावनाकाे कमी भएका महान नेता, राज्यकाे अनुचीत िनतीले गरदा यस्ताे जाेखीम माेलेर दुइ छाक पेट भरन गएका छन् याे ठूलाे िवडम्बना हाे । िवदेहरूमा महान नेताहरूकाे जन्म भयाे देशमा परीवर्तन पनी अायाे तर हामी…….. परखाइमा छाैं अन्यथा हाम्रा युवाहरूले यस्तै दुःख भाेग्नु नीयती बनी सकेकाे छ ।

    0
    0
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this