बुधबार, १६ चैत, २०७३
OnlineKhabar.com

‘राष्ट्रिय एकताको प्रतीक मास्न क्रिश्चियनहरु लागेका छन्’

अनलाइनखबर

dr-ramesh-dhungel_810

लोकतन्त्र आएपछि सरकारले औपचारिक रुपमा पृथ्वी जयन्ती तथा राष्ट्रिय एकता दिवस मनाउन छाड्यो । यो वर्ष पनि सरकारले कुनै औपचारिक कार्याक्रम गरेन । तर, क्रिसमसमा विदा दिने सरकारले पृथ्वी जयन्तीलाई चटक्कै विर्सिएको भन्दै आलोचना भएको छ ।

यसै सन्दर्भमा पृथ्वी जयन्ती तथा राष्ट्रिय एकता दिवस नागरिक समारोह समितिका सह-संयोजक समेत रहेका इतिहासविद् तथा संस्कृतिविद् डा. रमेश ढुंगेलसँग अनलाइनखबरका लागि जोतारे धाइबाले गरेको कुराकानीः

पृथ्वीनारायण शाहबारे हामीकहाँ वस्तुगत मूल्यांकन कत्तिको भएको छ ?

– हुँदै नभएको त होइन । एक तप्काबाट भएको छ । तर, राष्ट्रिय स्तरमा धेरै कुरा चिन्तन नै नगरीकन भावावेश र हुलमुलमा बिगार्ने हाम्रो प्रवृत्ति बढेको छ । विगत एक-दुई दशयताको राजनीतिक परिवर्तनको क्रममै यस्तो भयो । एउटा तप्काले पृथ्वीनारायण शाहको योगदानलाई भुल्नु हुँदैन भनेर आवाज उठाइरहेको छ । तर, राष्ट्रले हुलमुलवादलाई प्रश्रय दियो । जनतामा बहसै नगरीकन पृथ्वी जयन्ती र एकता दिवस हटाइयो ।

युद्ध र आन्दोलनको बेला पृथ्वीनारायणलाई नै मुख्य तारो बनाएर सालिकहरु ढालियो । जसले राष्ट्र निर्माण गर्‍यो र हामीलाई हाम्रो देश भन्ने जग दियो, त्यो जग नै भत्काउन थालियो । जुन राष्ट्रियताको लागि घातक थियो । पृथ्वीनारायण शाह ऐतिहासिक आवश्यकता थिए, उनी राजा मात्र नभई राष्ट्रनिर्माता थिए भन्ने व्याख्या पहिल्यैदेखि हुनुपथ्र्यो । जुन नहुँदा आज इतिहासको अपव्याख्या गर्ने ठाउँ बनिरहेको छ । एकता दिवस नै नामेट पार्ने काम भएको छ ।

नेपाल देश नरहोस् भन्नेले जरामा धमिरा छोडेको छ, पृथ्वीनारायणलाई सम्झिनु भनेको त्यो धमिरा मार्नु हो

उनी एकीकरणका अभियन्ता र राष्ट्रनिर्माता हुन् कि होइनन् भनेर पछिल्लो समय बहस भइरहेको छ, यो अवस्थामा राष्ट्रिय एकता दिवस मनाउनुपर्छ भन्ने आधारहरू के छन् त ?

– पृथ्वीनारायणलाई सम्झनु र उनलाई सम्मान गर्दै राष्ट्रिय दिवस मान्नु भनेको अहिले धमिरा लाग्दै गरेको नेपाली राष्ट्रियताको जुन जरा छ, त्यसमा फेरि नयाँ अंकुरण गराउनु हो । विरोधी तत्वहरुले त्यही कुरा बुझेर विरोध गरिरहेका छन् । नेपाल देश नरहोस् भन्नेले जरामा धमिरा छोडेको छ, पृथ्वीनारायणलाई सम्झिनु भनेको त्यो धमिरा मार्नु हो । त्यसैले धमिरा लगाउने तत्वले अनेक बहाना गरेर भरिशक्य अवरोध गर्छ । तर, हामीले एकता दिवसको मर्म छोड्नु हुँदैन । हामीले छोड्यौं भने नेपाल राष्ट्रको मुख्य जग नै बिर्से जस्तो हुन्छ । त्यो नभई न आजका हामी रहन्थ्यौं, न विभिन्न दलहरु हुन्थे, न त आजको अग्रगामी राजनीतिक फड्को मानिएको गणतन्त्र नै आउँथ्यो ।

कुनै देशलाई चट पार्नु छ भने सबैभन्दा पहिले त्यहाँको सांस्कृतिक र धार्मिक धरोहरमाथि नै आक्रमण हुने हो । त्यही कुरा अहिले भइरहेको छ । त्यसभित्रका संवर्द्धनकर्ता र निर्माणकर्ता पृथ्वीनारायण भएकाले उनीमाथि प्रहार भइरहेको छ ।

पृथ्वीनारायणको सालिक भत्काउने र एकता दिवसै नमान्ने कुरा के बाट प्रेरित भए जस्तो लाग्छ ?

– मानव स्वभाव परिवर्तन चाहन्छ, जुन स्वाभाविक पनि हो । दुई सय ५० वर्षयता धेरै शासकहरुले शासन गरे । मान्छेहरुमा एक किसिमको मनोटोनस पैदा भयो । शासकहरु नै खराब भएर देशको विकास भएन, हामी गरिब भयौं भन्ने धेरैलाई लाग्यो । विरोधमा व्यक्ति, समूह र राजनीतिक पार्टी आन्दोलित भए ।

परिवर्तन खोज्ने क्रममा पहिले गरेको योगदानलाई हुलमुलमा पारेर बिर्सने काम भयो । सोच्दै नसोची आज पृथ्वी जयन्ती बन्द गर्दिउ“m, भोलि पशुपतिनाथमा पूजारी फेर्दिउ“m, बहुमत भएको जातजातिलाई शासकसँग लगेर तिनीहरुको गलत परिभाषा जोडिदिऊँ भन्ने लहर चल्यो । सबै दोष शासक र तिनको संस्थापकमा लगेर हाल्दिने प्रवृत्ति हावी भयो । त्यही घानमा पृथ्वीनारायण परे । जुन पूर्णरुपमा गलत हो । सोचविचार तथा अध्ययन नगरी र इतिहास नबुझी गरियो । त्यसमा हामीले पुनर्विचार गर्नुपर्ने अवस्था छ ।

हामीले पृथ्वीनारायणलाई सम्झिनुपर्ने कारणहरु चाहिँ के हुन् ?

 – पृथ्वीनारायण शाह नभएको भए अहिलेको नेपाल हुन्थ्यो कि हुँदैनथ्यो भन्नेमा जानुपर्ने हुन्छ । जन्मन त अर्को कोही जन्मन्थ्यो होला, कहिले जन्मन्थ्यो, धेरै समय पनि लाग्न सक्थ्यो । उनी सुरुमा त ठूलो देशको राजा हुन्छु भन्ने सोचले नै महत्वाकांक्षी भएर राज्य विस्तारमा निस्किए । सामन्ती युगमा त्यस्तो आवश्यकता थियो । तर, स्रोतहरु अध्ययन गर्दा उनी त तुलनात्मक रुपमा सन्तुलित, पक्षपातरहित देखिन्छन् ।

पाँच दर्जनभन्दा धेरै भुरेटाकुरे राज्यमा गोर्खा त जम्मा १२ हजार घर भएको सानो राज्य थियो । त्यति सानो राज्यले आफू हाराहारीको र आफूभन्दा ठूला राज्यलाई जित्दै जाने भिजन निकाल्यो । पछि राज्य विस्तार हुँदै जाँदा पृथ्वीनारायणलाई यसरी त राज्य ठूलो र बलियो बन्ने रहेछ, यो क्षेत्रका धर्म-संस्कृति र सभ्यताहरु पनि बच्ने रैछन् भनेर सोच आएको देखिन्छ ।

उनी निश्चित धर्म र जातिको मात्र रक्षक बनेनन् । लडाइँका क्रममा आफ्नै सगोत्री समेत मार्नुपर्छ भनेर उनले आफ्नो गोत्र समेत परिवर्तन गरेका थिए । फेरि एकीकरणको अभियानमा उनको मार्ने र मिच्ने मात्र प्रवृत्ति थिएन । मेरो छत्र मान्नू, स्थानीय अधिकार तिमीहरुकै हुन्छ भनेर उनले सम्झौताको नीति पनि अपनाए । यस्ता भयंकर भिजन लिएर नेपाल राष्ट्र निर्माण गरेकोले उनको योगदान उच्च छ ।

सारा विश्वमा नै सामन्ती र साम्राज्यवादी शासन व्याप्त भएको समयमा पृथ्वीनारायण चाहिँ कसरी फरक थिए ?

– सामन्त युगमा तुलना गर्‍यो भने उनी साझा संस्कृतिका परिचायक थिए । उनले मसँग खस छन्, खाँडहरु छन्, मगर छन्, गुरुङ छन्, यिनैलाई सदाएर मैले राज्य अघि बढाउनुपर्छ भनेका छन् । जो पहुँचमा छन्, उनीहरुलाई नै प्रयोग गर्ने हो । उनले गोर्खाबाट राज्य विस्तार अभियान सुरु गरे, त्यतिखेर एकैचोटि किराँत वा नेवारलाई सेना नायक त कसरी बनाउँथे ?

काठमाडौं उपत्यका जितेपछि यहाँ नेवारहरुको संस्कृतिको सबैभन्दा प्रशंसा गर्ने उनै हुन् । उनले राजनीतिक रुपमा विजय हासिल गरे पनि र सांस्कृतिक रुपले आत्मसमर्पण गरे । डबलीमा बोलाएर भारदारहरुले तीन वटै शहरका झाँकीहरु हेर्नू, मुजरा हेर्न नजानू भन्थे । सबै संस्कृति जस्ताको तस्तै संरक्षण गरेर राख्दिएको हुनाले उपत्यकाको नेवारी सभ्यता जीवित रह्यो ।

कुमारी प्रथा, सम्यक पूजा, कार्तिक नाच लगायतका कुरामा फेरबदल गरेनन् । सांस्कृतिक क्षेत्रमा जस्तै आर्थिक क्षेत्रमा पनि उनले आत्मनिर्भरतामा जोड दिए । बरु उनका पछिका सन्तानबाट केही कमजोरी भएका छन् । उनी साझा संस्कृतिकै परिचायक हुन् ।

त्यसो भए उनलाई निश्चित जातिको पृष्ठपोषक भए भनेर किन आरोप लगाइन्छ त ?

– त्यो त पछिल्लो समयमा अध्ययन बिना लगाइएको आरोप हो । पृथ्वीनारायणले राज्य विस्तार गर्ने क्रममा सबैभन्दा पहिले आफ्नै गोत्रको राजामाथि युद्ध गर्दै सुरु गरे । पहिले मकवानपुरको सेन राज्य जितेका हुन्, जुन उनको आफ्नै ससुराली थियो । त्यस क्रममा आफ्नै जेठान दिगबन्धन सेनलाई मारे । उनले पहिले नेवार र किराँत राज्य त जितेका होइनन् । कुनै पनि जातीय राज्य जितेका होइनन् । किराँत राज्य भन्ने नै थिएन, त्यो त सेनहरुले पहिल्यै लिइसकेका राज्य थिए । त्यतिबेला कुनै जातीय राज्य नभई चौदण्डी, विजयपुर, मकवानपुर जस्ता राज्य थिए । त्यही राज्य जितेका हुन् उनले ।

कीर्तिपुरमा उनले गोर्खाको विरोध गर्‍यो भने यस्तै हुन्छ भनेर देखाउन केहीको नाक काटेकै हुन्, यति धार्नी भयो भन्ने फाल्तु कुरा चाहिँ क्रिश्चियनहरुले फैलाएको अतिशयोक्ति हो, किनकि क्रिश्चियनको साँच्चै विरोधी थिए पृथ्वीनारायण

हाम्रो राज्य खोसियो, हामीलाई दमन गरियो भनेर अपव्याख्या गरिएकै हो । अन्तर्राष्ट्रिय जगतमा अपव्याख्या पनि भएको छ यहाँ । नेपालको अपव्याख्या गर्न युरोप र अमेरिकासम्मका विश्वविद्यालयका फोरमहरु प्रयोग गरिएको छ । अहिले पृथ्वीनारायणले जातीय हिसाबमा मान्छे मार्दै हिँड्यो भन्ने कुराको जवाफ खोज्नुपर्छ हामीले । इतिहास कसैको मनपरी गर्ने ठेक्का होइन । यसमा त वास्तविकताको विश्लेषण गरिनुपर्छ । उनीबारे बोल्न हामीले सेन्टिमेन्टल हुनु जरुरी छैन, प्रमाण र प्रमेयले नै स्पष्ट बोल्छन् ।

उनीबारे अफवाह फैलिनुको कारण के हो ?

– उनले कीर्तिपुरेको नाक काटे, जातीय रुपमा थिचोमिचो गरे भनिएको पाइन्छ । कीर्तिपुरमा उनले गोर्खाको विरोध गर्‍यो भने यस्तै हुन्छ भनेर देखाउन केहीको नाक काटेकै हुन् । यति धार्नी भयो भन्ने फाल्तु कुरा चाहिँ क्रिश्चियनहरुले फैलाएको अतिशयोक्ति हो । किनकि क्रिश्चियनको साँच्चै विरोधी थिए पृथ्वीनारायण । उतिबेला क्रिश्चियनहरुलाई सात दिनभित्र निस्किएर जान उनले आदेश दिएका थिए ।

यहाँ कति क्रिश्चियन पनि बनेका थिए, उनीहरु पनि सँगै भागेका थिए । त्यसपछि नै क्रिश्चियनहरु शाह राजाको विरोधमा लागेका हुन् । अहिले पनि नेपालमा इसाईकरणको प्रयास स्पष्ट देखिन्छ । त्यो चाहिँ नेपालको दुर्भाग्य हो ।

त्यसको अर्थ पृथ्वीनारायणप्रति पूर्वाग्रही भावना विकास हुनुमा पश्चिमा मुलुकहरुको पनि हात छ ?

– क्रिश्चियनहरुमा क्याथोलिकहरु आफूभित्रै रमाउने खालमा भए पनि प्रोस्टेस्टेन्टहरु चाहिँ संसारै क्रिश्चियनको साम्राज्य हुनुपर्छ भनेर कुदिरहेका छन् । क्रिश्चियानिटी भनेको मिसिनरी रिलिजन हो ।

dr-ramesh-dhungel

हिन्दूहरुलाई तल-वितल पार्ने क्रिश्चियनहरुको सोच पक्कै छ । प्रोस्टेस्टेन्ट अन्तर्गत नयाँ किसिमका खेलहरु भइरहेका छन् । यहाँनेर चर्चहरु सशक्त छन् । तिनले पृथ्वीनारायणलाई एउटा शत्रुका रुपमा लिए । नेपालमा र भारतमा रहेका हिन्दूका संस्थाहरुलाई निशाना बनाए ।

युरोपेली सभ्यतामा विकास भएका कुरा हाम्रो न्याय प्रणालीमा पसेका छन् । हाम्रो परम्परा, स्थानीय मान्यता, हिन्दू धर्मका कुरा अब कम हुँदै गए । तिनलाई अझ मास्न क्रिश्चियनहरुको भित्रभित्रै जोड छ । अंग्रेजको शासनले भारतमा धर्म-संस्कृतिको गि्रप कमजोर भए पनि नेपालभित्र भने गि्रप बाँकी छ भनेर तहसनहस पार्न उनीहरु लागेका छन् ।

त्यसमाथि पृथ्वीनारायण राष्ट्रिय एकता र सांस्कृतिक धरोहरका प्रतीक भए । उनी हिन्दुपति नभए पनि ‘यो त असली हिन्दुस्ताना रहेछ’ भनेर क्रिश्चियनबाट पीडितहरु यहाँ आऊ, ओत पाउँछौ भने । त्यसैले क्रिश्चियनहरुले विभिन्न जातजातिमा उनी नै मुख्य शत्रु हो, उनले आक्रामक नीति लिएर तिमीहरुलाई दमन गरेर खाए भन्ने व्याख्या गरे । जनता परिवर्तनको क्रममा भएको बेला त्यस्तो भ्रम पारियो । त्यसबाट उनी आक्रमणको तारोमा परे ।

क्रिश्चियनहरुको प्रभाव बढिरहँदा राजनीतिक परिवर्तनको क्रममा हाम्रो इतिहास मेट्न यहाँका नेताहरु पनि प्रयोग भएको देखिन्छ ?

– अवश्य भए र प्रष्ट रुपमा भए । कतिपय नेता त क्रिश्चियनको पैंतालाको धूलो भइरहेका छन् । यहाँ त क्रिश्चियनहरुको जग्गा जमिन किन्दिनुपर्‍यो भने उनीहरु नै पछि-पछि लाग्छन् । ठूला-ठूला पदमा र पोलिसी मेकिङमा पुगेका मान्छेहरु प्रष्ट रुपमा बिकेका छन् यहाँ । यो देशलाई धर्म निरपेक्ष भनेर राख्नु त्यसैको एउटा उपक्रम हो । नत्र किन धर्मनिरपेक्ष भनेर संविधानमा राख्नुपर्‍यो ?

पृथ्वीनारायणले पनि त्यही साझा संस्कृतिकै कुरा गरेका थिए । क्रिश्चियनले पैसा दिएर, बोकेर मन्त्री बनाइदिन्छन् यहाँ । अनेकथरि ढाँट र छलका समूहको नाम दिएको छ, भित्रभित्रै क्रिश्चियनको गतिविधि छ । कुनै भोटै नआउने पार्टी बनाइदिएको छ, त्यसबाट फुतुफुतु फुल मन्त्री भएर खाए अस्तिसम्म । तिनको काम के छ भने, क्रिश्चियन फैलाउने, चर्च बनाउने ।

अहिले जातीय-सांस्कृतिक विविधताको एकता खलबलिएको जुन अवस्था छ, यो बेला पृथ्वीनारायणलाई सम्भिmनुपर्ने आवश्यकता झन् प्रबल भएको हो ?

– हो । उनले ‘चारै वर्ण छत्तीसै जातको साझा फूलबारी हो, चेतना भया’ भनेर दिव्योपदेशमा भनेका छन् । चेतना भया भनेर उनले आदेश पनि दिएका हैनन् । कतिले अपव्याख्या गर्छन् । यदि तिमीलाई यो देशप्रति अलिकता गम्भीरता छ भने यो देश चारै वर्ण छत्तीस जातको साझा फूलबारी हो भनेको हो ।

पछिल्लो समय जनजाति भन्ने शब्दलाई गलत रुपमा प्रयोग गरिएको छ । जनजाति टर्म बाह्य शक्तिबाट निर्देशित हो । जन भनेको जनता, जाति भनेको आम समुदाय भएकोले हामी सबै जनजाति हौं । पहिलेको समयमा एउटा रुलिङ क्लास हुन्थ्यो, अर्को जनता हुन्थ्यो । जनजाति भनेको त्यही थियो । अहिले चाहिँ क्षेत्री, बाहुन र ठकुरीलाई सर्लक्क झिकेर अलग्याएपछि बाँकी जनजाति हुने भए । कलुषित दृष्टिकोणले बनाइएको हो त्यो चिज । अरु चाहिँ शासक हुन् त ? त्यसलाई बकाइदा छाती खोलेरै संविधानमै उल्लेख गर्न थालियो । गलत त्यहीँ छ । पृथ्वीनारायणको सालिक ठोक्न थालियो, गलत त्यहीँ छ ।

उनले विभिन्न जातलाई हाने भनिएको पाइन्छ । त्यसको लागि कसैले प्रमाण अघि सारोस् । उनले आफ्ना जात च्यापेर अरुलाई पूर्वाग्रहवश हानेका छैनन् । उनले त आफ्नै ससुरालीलाई पनि बाँकी राखेनन् । बरु किराँत र लिम्बूसँग सम्झौता गरे । कुनै पनि एउटा जातलाई थिचोमिचो गरौं भन्ने उनको सोच थिएन । त्यो बेकारको कुरा हो । सबैको साथ लिएर एकता अभियान सफल पारेकोले अहिलेको संवेदनशील समयमा त्यो मर्म झन् महत्वपूर्ण भएको छ ।

अहिले नयाँ परिवर्तनकारी उनले गरेको भूराजनीतिको व्याख्यालाई गलत व्याख्या गरेर नेपाल भनेको त दुई ढुंगाको बीचको डाइनामाइट हो भने

पृथ्वीनारायणले ‘नेपाल दुई ढुंगा बीचको तरुल रहेछ’ भनेका छन् । यसबाट उनमा भूराजनीतिक चेत कस्तो रहेछ भन्ने बुझिन्छ ?

– उनले राज्य जितेर विस्तार गर्दै गए । जित्दै जाँदा कतिसम्म फैलिने भन्ने कुरा आयो । कतिसम्म जाने र बनाएको कुरालाई कसरी बचाएर लैजाने भनेर उनीभित्र प्रश्न उठ्न थाल्यो । उनले सोचे, उत्तरमा त्यत्रो ठूलो बादशाह छ, सजग भएन भने नेपाललाई सर्लक्कै किचिदिन सक्छ । दक्षिणको बादशाह अंग्रेज झन् महाचतुर छ, छुद्र बुद्धि लगाएर खाइदिन सक्छ भनेका छन् उनले ।

यी दुइटा ठूला ढुंगा हुन्, ढुंगो लड्यो भने तरुल त किचिन्छ । तर, तलकोसँग सजग भयो र माथिको सँग पनि जोगिएर बस्यो भने तरुल बाँचे जस्तो बाँच्न सकिन्छ भन्ने धारणा उनले बनाए । उनमा भूराजनीतिक स्थितिको ज्ञान रहेछ । आज पनि अंग्रेजले उपनिवेश बनाएको दक्षिणको छिमेकीसँग सावधान भएर बस्नुपर्ने अवस्था छ ।

डाइनामाइट भएर चीन र भारतलाई पनि समस्या सिर्जना गरिदिनु त दुस्साहस मात्र हो, हामी आफैंलाई भष्म बनाउने कुरा हो

अहिले नयाँ परिवर्तनकारी उनले गरेको भूराजनीतिको व्याख्यालाई गलत व्याख्या गरेर नेपाल भनेको त दुई ढुंगाको बीचको डाइनामाइट हो भने । माओवादीबाट सुरु भएको डाइनामाइट भन्ने कन्सेप्ट निकै क्याची भयो । डाइनामाइट भएर दुइटै ढुंगालाई फोडेर हामी त विशेष हुन सक्छौं भनेर धेरैले गजब माने । तर, अहिलेको युगमा त्यसमा पनि यति सानो मुलुक डाइनामाइट हुन सम्भव छैन । डाइनामाइट भएर चीन र भारतलाई पनि समस्या सिर्जना गरिदिनु त दुस्साहस मात्र हो । हामी आफैंलाई भष्म बनाउने कुरा हो । अहिले कूटनीति चल्छ । कूटनीतिमा डाइनामाइटको नीति चल्दैन । पृथ्वीनारायणले चाहिँ सुरक्षा र संवर्द्धन गर्ने कुरा गरे । उनकै नीति बरु उपयोगी हुन्छ ।

उनी साम्राज्यवादी शक्ति विरुद्ध लडे, उनलाई नै साम्राज्यवादी पनि भनियो । साम्राज्य खडा गर्ने उनको त्यस्तो योजना देखिन्छ ?

– एकदम अन्याय हो त्यो आरोप । त्यतिबेलाको दृष्टिकोणबाट हेरौं, यदि पृथ्वीनारायणले स-साना भुरे टाकुरे राज्यलाई एकीकरण गर्ने अभियानको सूत्रपात नगरेको भए तिनलाई टुक्रा-टुक्रा गर्दै अंग्रेजले खाइदिन सक्थ्यो । राज्यहरुको बीचमा आन्तरिक द्वन्द्व थियो । एउटाको झुन्ड बटुलेर अर्को राज्यमा पाकिरहेको धान लुट्न जान्थे, त्यस्तो तल्लो स्तर थियो । कुनै जनता सुरक्षित थिएनन् । जनताले नै एउटा भरपर्दो र बलियो शासक खोजिरहेको अवस्था थियो । एकातिर आफैंभित्र द्वन्द्व थियो भने अर्कोतिर त्यस्तो कमजोर अवस्थामा बाहिरको ठूलो शक्ति सहयोग गर्न राज्यहरुमा पसिरहेको थियो ।

पृथ्वीनारायणले दूरदर्शिता देखाएर अंग्रेज फौज राज्यहरुमा पस्नु अगावै आक्रमण गरेर भगाए । अंग्रेज फौज पसेको भए आजको नेपाल नरहन सक्थ्यो । अहिलेको जस्तो नेपाल कुनै हालतमा बन्ने थिएन । इतिहास नै अर्कै हुन्थ्यो ।

२०७३ पुष २७ गते १४:२५ मा प्रकाशित (२०७३ पुष २८ गते १३:४४मा अद्यावधिक गरिएको)
अनलाइनखबरको एन्ड्रोइड एपका लागि यहाँ क्लिक गर्नुहोस् । तपाईं हामीसंग फेसबुकट्वीटरमार्फत् पनि जोडिन सक्नुहुन्छ ।
५७ प्रतिकृयाहरू प्राप्त
  • Ajaya Pradhan लेख्नुहुन्छ    |   २०७३ पुष २७ गते १३:२८

    पृथ्वीनारायण शाहलाइ गालि गर्नु र उनको योगदानलाई भुल्नु भनेको जिरो दिमाग को उपज मात्र हो ,, जसले ज्ञानेन्द्र र पृथ्वीनारायण शाहलाइ एउटै नजरले हेर्छ , बुझ्छ त्यो भन्दा घामट अरु यो दुनियाँमा कोहि छैन ,, अहिलेका जस्ता नेता त्यो बेला हुँदा हुन् त ..नेपाल बन्ने कुरो त् परे छोडौं ,, हाम्रो हातमा नेपाली नागरिकता नै हुने थिएन ,, यो बुझ्नलाई एकीकरण र विस्तारवाद बारे बुझ्न र अध्ययन गर्न जरुरि छ ,, तर हामीसंग त्यो इच्छा शक्ति र समय नै छैन ,, अनि त खालि बक बक मात्र गर्छौं |

    101
    9
    Share

  • Aakrosh लेख्नुहुन्छ    |   २०७३ पुष २७ गते १३:४९

    सत्य र यथार्थ यहि हो ।

    58
    19
    Share

  • Bindu लेख्नुहुन्छ    |   २०७३ पुष २७ गते १३:५५

    हिजोको पु स्ताले राष्ट्र निर्माता श्री ५ बडा महाराज धिराज प्रिथिबी नारायण शाहको
    नाम गर्बले लिन्थ्यो , सम्झन्थ्यो ।आजको पुस्तालाई भ्रममा पार्ने कुचेस्टा भईरहेको छ । भोलिको पुस्ताले बिर्सने छन् । आस्था सद्भाब बिथोलिएको घरको के माया — नेपाल राष्ट्रको हालत यस्तै हुँदै गैइरहेको छ — आजको दिन सम्म त मन दु खाएर आसुँ झार्नेहरु छन् — भोली के पो हुने हो थाहा छैन ।
    बिन्दु प्याकुरेल , बेल्जियमबाट .

    74
    9
    Share

  • बि पी खनाल लेख्नुहुन्छ    |   २०७३ पुष २७ गते १४:१२

    जहाँ जे भयो, जसरी भयो र जसले गरेर भयो ती सबैको निम्ति नेपाली ख्रीष्टियन समुदायमाथि अाक्षेप लगाउने मनोदशा पाल्ने कथित विज्ञहरूलाई के भन्ने ? तर राज्यको कुन निर्णायक तहमा ख्रीष्टियनहरू छन् र पृथ्वी जयन्ती नमनाउने निर्णय भयो भनेर पुष्टि गर्नुपर्दैन ? अझ अर्को प्रश्न, कुन ख्रीष्टियनले कहाँ, कहिले, किन पृथ्वी जयन्ती नमनाउने भन्यो त? पुङ् न पुच्छरको रडाको मच्चाएर समाजमा घृणा फैलाउने गलत अभिप्राय बोकेका स्वनामधन्य विद्वानहरूले चाहना गरेको जातीय – धार्मिक समुदायबीचको द्वन्द्व पूरा नहोस्, मेरो प्रार्थना ।

    83
    72
    Share

  • नेपाली ख्रीष्टीयन समाज लेख्नुहुन्छ    |   २०७३ पुष २७ गते १४:२०

    मलाई त यो सम्झेर हाँस उठेको छ कि तपाईलाई डाक्टर कसले बनायो ढुङ्गेलजी ख्रीष्टियन हरु राजाको कहिल्यै विरोधी छैनन नेपालमा धेरै ख्रीष्टियन खराब छन् म मान्छु उनीहरु पैसाको लागि धर्मको व्यापार गर्छन तर सबै ख्रीष्टियन एकनास हुँदैनन् म पनि ख्रीष्टियन हुँ र मैले कहिलै कुनै धर्मको विरोध गरिन म नेपाली हुँ र म यो देशको नागरिक हुँ मलाई गर्व छ म नेपाली भएको यो गर्व पृथ्वी नारायण शाह को कारणले नै हो । जो असल ख्रीष्टियन हुन उसले कहिलै धर्मलाई पैसामा दाँज्दैन ।
    दुई चार जना चोरहरुको काम देखेर सबै ख्रीष्टयन लाई गाली नगरीयोस् ।
    चेतना भया ।।।

    87
    83
    Share

  • शोनी शेर्चन, भोटेबहल, काठमाडौं लेख्नुहुन्छ    |   २०७३ पुष २७ गते १४:३७

    देशलाई तुक्रा तुक्रा गरी बेदेशिलाई बेच्न खोज्ने हत्यारा इे कुलाङार नेताहरुले राष्ट्र निर्माता एक्ता दिबस्मा के बीदा दिन्छ, एस्ता देश्द्रोही, हत्यार, लुटेरा, तथा बेदेशी दलाल्हरुले सोनिय गान्धिको जन्मदिन तथा राजिब गान्धीको जन्मदिन्मा बिदा दिन्छ र नेपाललाई सिक्किम्मी करण गर्न खोजेको त् होइन ? के कसो !

    82
    7
    Share

  • भरत लेख्नुहुन्छ    |   २०७३ पुष २७ गते १४:४०

    आदरणीय ढुंगेल सर !
    हजुरका छोरा बुहारी पनि क्रिश्चियन भएर देश निकाला भएका हुन् ? तपाईको नागरिकतामा पनिपो स*खा गर्दा रहेछन ….. भोजन गृहमा तपाईको पक्षमा कुरा गरेको झन्नै मारे ….के हो कुरा ??

    35
    42
    Share

  • suroj लेख्नुहुन्छ    |   २०७३ पुष २७ गते १४:४५

    “उनले कीर्तिपुरेको नाक काटे, जातीय रुपमा थिचोमिचो गरे भनिएको पाइन्छ । कीर्तिपुरमा उनले गोर्खाको विरोध गर्‍यो भने यस्तै हुन्छ भनेर देखाउन केहीको नाक काटेकै हुन् । यति धार्नी भयो भन्ने फाल्तु कुरा चाहिँ क्रिश्चियनहरुले फैलाएको अतिशयोक्ति हो । किनकि क्रिश्चियनको साँच्चै विरोधी थिए पृथ्वीनारायण । ”

    डा साहेबको यो भनाइले नै उहाँको इतिहास प्रतिको ज्ञानको कमीलाइ प्रष्टै पारीदिएको छ । डा साहेबलाइ विनम्र अनुरोध – आफ्नो देशको इतिहासबारे अरुलाइ बताउनु भन्दा पहिले त्यसको यथेष्ट ज्ञान आफुले पहिले हासील गर्ने कि ।

    जीन्दगीमा कत्ती पल्ट आफ्नो हार स्विकार्नु पनि व्यक्तिको महानता हुन्छ भन्ने कुरा पनि विचार गर्ने कि……

    36
    46
    Share

  • Kancha लेख्नुहुन्छ    |   २०७३ पुष २७ गते १४:५१

    Shiv Khu…type ko interview and Article. Thukka.

    16
    31
    Share

  • rajan लेख्नुहुन्छ    |   २०७३ पुष २७ गते १५:००

    You are a great devil.

    24
    46
    Share

  • Jitendra Tharu लेख्नुहुन्छ    |   २०७३ पुष २७ गते १६:०४

    Christian saitan harule paisa khuwaeka hunale yahan satttama baseka dalalharule Prithvi jayantima bida nadieka hun. Khabardar! Hamro dharma sanskriti dhwosta parnalageka dalalharu! Bholi chunabma badala line chhaun! Dharmik samrajyabad murdabad! Prithvinarayan amar rahun!

    39
    35
    Share

  • उदय भट्ट लेख्नुहुन्छ    |   २०७३ पुष २७ गते १६:३०

    म प्रिथवि नारायण साह को सर्धा गर्छुः तर इसाईकरण भएर देश खतम भयो भनेर दोषलगाउनु चाहिँ डाक्टर साबले राँची जानु पर्ने पो हो? हिन्दु धर्मका कारण भारतले हामीलाई हेपेर हाम्रो देश नै नरहनेपो होकी भन्ने डर लाग्दै छ.

    48
    31
    Share

  • हिराकाजी लेख्नुहुन्छ    |   २०७३ पुष २७ गते १७:१६

    हजुर जस्तो डाक्टर साहेबको बुद्बि त अझै १७ शताब्दिको छ । कसरी यो देश बिकास हुन्छ । करौडो अर्बौ भष्टाचार गरेर देशका महत्त्वपूर्ण भाग बेचेर खाने हिन्दु नेता चाहिँ चोखो छ अनि सोझा ईसाइलाइ चाहिँ गालि गर्नु पदिय हिसाबले पनि सुहाएन । बरू तपाइ भन्दा त ती सोझा दाजुभाई र दिदिबहिनीहरू नै राम्रो लाग्यो ।

    45
    32
    Share

  • अाकाश लेख्नुहुन्छ    |   २०७३ पुष २७ गते १७:१९

    ढुङ्गेल सर याे कुराे बुझिराख्नुहाेस् कि ख्रिष्टियनहरु याे देशकाे नागरिक हुन र तसर्थ साैतेनिअामाकाे छाेरा सरह तल्लाे दर्जामा नराख्नुहाेस् अनि अर्काे कुरा ख्रीष्टियनहरुले कहिल्यै पनि राजाकाे विरुद्धमा जादैनन्…चेतना भया ।

    41
    29
    Share

  • Saroj लेख्नुहुन्छ    |   २०७३ पुष २७ गते १७:२२

    Not all doctors possess scholarly ability. For example Dr. Tirth Khaniya, Dr. Ramesh Dhungel. Blame your leader, not christians. You are stupid ass.

    32
    24
    Share

  • Nava Raj Panta लेख्नुहुन्छ    |   २०७३ पुष २७ गते १८:२०

    नेपालमा दरबार कै सदस्यहरु मध्य स्व ज्ञानी शाह मिसनरि हुनु हुन्थ्यो ! बि स २००७ साल तिर न्युरोड चर्चमा राणाहरुको घुइचो हुन्थ्यो ! अहिले नेपालमा ३० लाख भन्दा बढी इसाइ छन ! पैसाले इसाइ भइन्छ भन्ने कुरा ठीक छैन ! यो आत्मिक कुरा हो ! अहिले भारतमा १५ करोड भन्दा बढी र चिनमा २० करोड भन्दा बढी इसाइ छन ! यो समयको माग र आत्मिक ज्ञानको कारणले आएको परिवर्तन हो ! हावादारी गफ नगरौ ! आफ्नो बिस्वास रोज्न पाउने अधिकार र स्वतन्त्रता सबैलाई छ ! सबै धर्मको सम्ममान गरौ !

    13
    15
    Share

  • Nava Raj Panta लेख्नुहुन्छ    |   २०७३ पुष २७ गते १८:५२

    नेपालमा दरबार कै सदस्यहरु मध्य स्व ज्ञानी शाह मिसनरि हुनु हुन्थ्यो ! बि स २००७ साल तिर न्युरोड चर्च मा राणाहरुको घुइचो हुन्थ्यो ! अहिले नेपालमा ३० लाख भन्दा बढी इसाइ छन ! पैसा ले इसाइ भइन्छ भन्ने कुरा ठीक छैन ! यो आत्मिक कुरा हो ! अहिले भारतमा १५ करोड भन्दा बढी र चिनमा २० करोड भन्दा बढी इसाइ छन ! यो समयको माग र आइत्मिक ज्ञानको कारणले आएको परिवर्तन हो ! हावादारी गफ नगरौ ! आफ्नो बिस्वास रोज्न पाउने अधिकार र स्वतन्त्रता सबै लाई छ ! सबै धर्म को सम्ममान गरौ !

    9
    8
    Share

  • Santosh लेख्नुहुन्छ    |   २०७३ पुष २७ गते १९:०३

    Euta manchhe le sajilai afno name ko agadi Dr rakhna sakdaina… waha le bhaneka kura ekdam thik chha… Christian harule desh khokro pareka xan. Yo desh ko sanskriti mathi akraman gareka chhan… Dr le bhannu vako xa Catholic cristian haru thik xan bhanera… Ma k k hu bhanne christian mitra le ne samjhaunus na dharma prachar ra bechbikhan gardai nahida vanera

    6
    13
    Share

  • Resham लेख्नुहुन्छ    |   २०७३ पुष २७ गते १९:१४

    यो कस्तो खालको डाक्टर हो? इतिहासलाई एकातर्फी रूपमा ब्याख्या गर्ने? कसरी इसाईले बिदा दिएन पृथ्वी नारायण शाहको जन्म दिनमा? के इसाईले सरकार चलाएको छ र देशमा? यो विशुद्ध राजनीतिक कुरालाई लिएर कसरी इसाईसँग जोडियो? हावा तालको कुरा गर्छ बा हैट ! हरेक राजनीतिक घटनाक्रमको दोष इसाई समुदायमाथि थोपरेर आपूm पानीमाथिको ओभानो बन्न नखोजौं । इसाईको बिरोध गरेर बिद्धान बन्न पनि नखोजौं । इसाईहरुले न राजाको बिरोध गर्छन न कुनै राजनीतिक दलको । सबैको निम्ति उनीहरुले प्रार्थना गर्छन । इसाईहरुले सबै वर्ग, जाति समुदायको निम्ति प्रार्थना गर्छन । कुन इसाईले पृथ्वी जयन्ती मनाउनु हुँद्न भनेर भनेको छ? हावा र हचुवाको भरमा मिडियामा इसाईहरुमाथि कपोल्कल्पित आरोप लगाउनुको पनि सीमा हुन्छ नि । हरेक कुराको लागि इसाई समुदायमाथि दोष लगाउनु पक्कै पनि बुद्धिमानी हुनेछैन । चेतना भया ।

    21
    10
    Share

  • दीपक लामिछाने लेख्नुहुन्छ    |   २०७३ पुष २७ गते १९:४९

    दुई पैसाको मुल्य नभएको विश्लेषण। साउने गोरुको जस्तो आँखा भएका ढुङ्गेलज्युलाई म सोध्न चाहन्छु, राज्यको कुनचाहिँ हस्तक्षेपकारी निकायमा नेपाली क्रीस्चियनहरूको उपस्थिति छ र नेपाली क्रीस्चियनहरूले क्रिसमसको बिदा आफूलाई मिलाएर पृथ्वी नारायण शाहको जन्म दिनको बिदा कटाइदिए?? यो देशमा क्रीस्चियनहरूप्रति यति पूर्वाग्रही सोच छ कि क्रीस्चियनहरूले २+२=४ भने भने पनि होइन २+२=५ हुन्छ भन्नेहरू प्रशस्त छन्। एक नेपाली नागरिक र क्रीस्चियनको नाताले नेपाली हुनुमा र पृथ्वीनारायणको योगदानप्रति गर्व छ। नेपालका कुनचाहिँ क्रीस्चियनले पृथ्वीनारायण शाहको योगदानलाई अवमूल्यन गरेका छन् प्रमाण देखाउन ढुङ्गेलज्युलाई चुनौती।

    18
    9
    Share

  • DB लेख्नुहुन्छ    |   २०७३ पुष २७ गते १९:५३

    ढुङेलजी, पृथ्वी नारायण शाह र नेपालको इसाईकारणलाई एकै ठाउँमा जोडेर हेर्नुलाई तेत्ती उपयुक्त मन्न सकिन्न । अहिलेसम्मको पृथ्वी नारायण शाहको जिवनी र नेपालको ईतिहास पढ्दा मैले कही कतै उहाले इसाईलाई देश निकला गरेको कुरा पाएको छैन । बरु लेखमा इसाई प्रती तपाईंको पूर्वग्राही मनासिक्तको उपच हो जस्तो लाग्छ र तपाईंले नै बरु धर्म धर्म बिच खडाल ख न्ने जामर्को गरेको जस्तो लाग्छ । म एउटा बुद्ध धर्मलम्बी भए पनि सबै धर्मलाई उत्तिकै सम्मन गर्ने ब्यक्ती हुं । कुनै पनि धर्म आफैमा नराम्रो छैन र हुँदैन पनि । आफ्-आफ्नो धर्म सबैलाई राम्रो र प्यारो लाग्छ नै । बस् चेतना भया ।

    15
    7
    Share

  • govinda लेख्नुहुन्छ    |   २०७३ पुष २७ गते १९:५४

    जुन लेखहरु हेरे पनि जुन कमेन्टहरु हेरेपनि जातकै कुरा छन् । यो अवस्था नेताहरुले अाफ्ना कार्यकर्ताहरुलाइ गतत Schooling गरेका कारण भएको हो । जातलाइ छोएर वाेल्ने व्यक्ति अाफैमा कमजोर छ । नत्र भने उसले वर्गको कुरा लेख्थ्यो ।

    10
    0
    Share

  • Ramesh Khatri लेख्नुहुन्छ    |   २०७३ पुष २७ गते २०:०८

    I agree with Dr, Dungel. in my view different power centers have been achieved their main mission that to spread the so called Eurocentric western hegemonic knowledges in Nepal. And they did exactly the same in such a fragile religious situation in Nepal, as they did in Africa during the colonization period.

    8
    14
    Share

  • मित्रराज लेख्नुहुन्छ    |   २०७३ पुष २७ गते २०:४६

    Dear Sir Dhengel, may God heal you completely all these thoughts that as you carrying against Chrisnity. We pray for your pure heart.

    9
    6
    Share

  • AKHANDA NEPAL ADHIRAJYA लेख्नुहुन्छ    |   २०७३ पुष २७ गते २१:०१

    पृथ्वीनारायण शाहलाइ गालि गर्नु र उनको योगदानलाई भुल्नु भनेको जिरो (sunya) दिमाग को उपज ani INGO/NGO bata paeko vatta pachaune dau मात्र हो

    12
    5
    Share

  • Amrit BK लेख्नुहुन्छ    |   २०७३ पुष २७ गते २१:०६

    राष्ट्रिय एकताका नाममा विभाजनको विउ रोप्ने रमेश ढुंगेलजस्ता तथाकथित विद्धानहरुको विचारले नै देशको यो हविगत भएको हो । पानीको वहाओसंगै आफनो गति फेर्ने अनि छेपारोले जस्तै रंग फेर्ने प्रवृतिका यस्ता विद्धानहरु आफुलाईमात्र जान्ने सम्झिन्छन कि क्या हो ? डा. ढुगेल कै कुल गोत्राका मान्छेहरुद्धारा इतिहांस जित्नेहरुको पक्षमा, विजेताहरुलाई खुशि पार्न उनिहरुकै वखान गरेर लेखिएको हो । आफ्नो राज्य विस्तार गर्न भए पनि उनले भुगोलको एकिकरण गरे तर समाजलाई,कसैको नाक कान काटेर, कसैलाई देश निकाल गरेर र समाजमा वर्ण र जातको विभाजन गरेर विभाजित त गरेकै हुन नि । निकालिएकाहरु मध्येमा क्रिश्चियनहरु प्नि पर्छन तर कुन चाहिं इतिहांसमा लेखिएको छ कि देश निकाल गरिएका क्रिश्चयनहरु शहवंहको विरुद्धमा लागेका र राष्ट्रिय एकताका वाधक वनेका । शाहवंशका वरिपरि डा. ढुंगेलकै जात र धर्मका मान्छेहरु थिए, सत्ता, शासन, प्रशासन जता ततै एकल जात र धर्मकै प्रभुत्व छ क्रिश्चियनहरु हालसम्म राष्ट्रको निर्णायक तहमा पुगेका छैनन् । इसाईहरको पैसाले कोहि मन्त्रि वनेका छन या पोलिसी मेकरहरु पैसामा विकेका छन भने विक्नेहरुलाई कार्वहि गर्नु नि किन इसाइहरुलाई दोष दिनु ? त्यति सारो इतिहांस सिकाउने मान्छेले उनका सहयोगिहरु विसे नगर्ची, मनिराम गाइने, वांगे सार्की र जस्वीरे कामीका वारेमा पनि केहि वोल्नु नि । नामका अगाडी डा. झुण्डिएका व्यक्तिहरुले तथ्य र तर्कलाइ ख्याल नै नगरि यस्तो विचार पोख्नु भनेको वौद्धिक मोटोपनाको भद्दा प्रदर्शन हो ।

    15
    8
    Share

  • तपराज भट्ट लेख्नुहुन्छ    |   २०७३ पुष २७ गते २१:३७

    ख्रिष्टियनहरु याे देशकाे नागरिक हुन र तसर्थ साैतेनिअामाकाे छाेरा सरह तल्लाे दर्जामा नराख्नुहाेस् अनि अर्काे कुरा ख्रीष्टियनहरुले कहिल्यै पनि राजाकाे विरुद्धमा जादैनन् किनकि ख्रीष्टियनहरुपनि यो देशका नागरिक हुन मलाई गर्व छ म नेपाली भएकोमा, यो गर्व पृथ्वी नारायण शाहले नेपाल एकीकरण गरेको कारणले नै सम्भब भएकोहो।

    15
    7
    Share

  • kumar लेख्नुहुन्छ    |   २०७३ पुष २७ गते २२:०१

    Dear Dhungel, I read your interview and view. I realized that your doctorate degree should be under suspension. I think your degree is purchased from any where………

    15
    6
    Share

  • rajmacha लेख्नुहुन्छ    |   २०७३ पुष २७ गते २२:०४

    Dont blame on others! we are the one who r responsible for it. If we haven’t elected such a cheap people, there would have better Nepal. We have sent foxes and donkeys to rule our beautiful country. We have back-warded our country centuries behind. why not we reunion for better Nepal.Jay Desh

    7
    0
    Share

  • sunil लेख्नुहुन्छ    |   २०७३ पुष २७ गते २२:१६

    म पनि यो देशको नगरिक हु र क्रीस्चियन पनि । यो देश्लाई माया गर्न कुनै क्रीस्चियन लाई सिकैरनु पर्दैन । राजा पृथ्वी नारायण शाह ले त्यो समयमा नेपाल लाई एकिकारण गर्न ठुलो योगदान दियका थिया ।

    12
    5
    Share

  • sunil लेख्नुहुन्छ    |   २०७३ पुष २७ गते २२:१८

    म पनि यो देशको नगरिक हु र क्रीस्चियन पनि । यो देश्लाई माया गर्न कुनै क्रीस्चियन लाई सिकैरनु पर्दैन । राजा पृथ्वी नारायण शाह ले त्यो समयमा नेपाल लाई एकिकारण गर्न ठुलो योगदान दियका थिया ।

    8
    3
    Share

  • Buddhist लेख्नुहुन्छ    |   २०७३ पुष २७ गते २३:२२

    Praman bina jathavaabhi bolera bidwaan palteka mahaasaya, Nepal ko saampradaayik sadhvaab bitholne kaam kadaapi nagarnu hola, India ma hindu temple ma Gaai ko taauko ra masjid ma sungur to taauko faalera Hindu Muslim dangaa garayera taali pitne jasto neech kaam tapaile Nepal ma garna khojnu atyantai ghrinit aparaadh ho, khabardaar… Nepal lai shantipoorna basna dinus

    7
    4
    Share

  • राम लेख्नुहुन्छ    |   २०७३ पुष २७ गते २३:३४

    नेपालि नेताहरु आफ्नो बलबुता उभिएका छैनन् भन्ने प्रस्ट हुन्छ पश्चिमा हरुको एजेन्ट को रुपमा काम गरिरहेका छन जनता समयमै होसियार नभए नेपालको अस्तित्व समाप्त पार्ने पक्का छ ई नेता ले |

    7
    5
    Share

  • ProfShyam Sundar Sherpa लेख्नुहुन्छ    |   २०७३ पुष २७ गते २३:३८

    इतिहासविद् तथा संस्कृतिविद् डा. रमेश ढुंगेलज्यू, पृथ्वीनारायणको आदेशमा कीर्तिपुरेहरुको धार्नीका धार्नी नाक काटिएकोले कीर्तिपुरलाई ‘नकटापुर’ भनिन्थ्यो भन्ने विदेशी इतिहासकारहरुलाई फाल्तु अतिशयोक्ति फैलाउने क्रिश्चियनहरु भनी गाली गरेर झूट बोल्ने अधिकार तपाईंंलाई कसले दियो ? आदिवासी तथा जनजातिहरुलाई तपाईंंले यसको जवाफ दिन सक्नु हुन्छ ? होइन भने, तपाईंंलाई आदिवासी तथा जनजातिहरुले छोड्दैनन्- होसियार !!!

    8
    7
    Share

  • दलित समाज नेपाल लेख्नुहुन्छ    |   २०७३ पुष २८ गते ०:३६

    हिन्दु धर्मले मान्छेलाई निच बनाएको छ , मानवता भन्ने कुरा गुमाएको छ ! इतिहासमा मान्छे मारिन्थ्यो अहिले पनि त्यहि गर्दै हिड्ने हो त ? युद्ध हुन्थ्यो , युद्ध नै गर्ने हो त ? गाइ र गोरु खायो भनेर तल्लो जातको संज्ञा दियो अहिले अमेरिका ,युरोप क सबै ले खाने गर्छन के ति सबै दलित? इतिहास मा सुनौलो कुरा पनि छ अनि नराम्रो पनि ! Christian लाइ टाढा देख्ने ले Buddha लाइ पनि हिंसा गर्ने छन् ! खबरदार ! खबरदार ! खबरदार !

    14
    12
    Share

  • दलित समाज नेपाल लेख्नुहुन्छ    |   २०७३ पुष २८ गते ०:३८

    हिन्दु धर्मले मान्छेलाई निच बनाएको छ , मानवता भन्ने कुरा गुमाएको छ ! इतिहासमा मान्छे मारिन्थ्यो अहिले पनि त्यहि गर्दै हिड्ने हो त ? युद्ध हुन्थ्यो , युद्ध नै गर्ने हो त ? गाइ र गोरु खायो भनेर तल्लो जातको संज्ञा दियो अहिले अमेरिका ,युरोप क सबै ले खाने गर्छन के ति सबै दलित? इतिहास मा सुनौलो कुरा पनि छ अनि नराम्रो पनि ! Christian लाइ टाढा देख्ने ले Buddha लाइ पनि हिंसा गर्ने छन् ! खबरदार ! खबरदार ! खबरदार !

    6
    6
    Share

  • Anand Rai लेख्नुहुन्छ    |   २०७३ पुष २८ गते १:१२

    This racist pist shud be reported to facebook and get blocked

    4
    4
    Share

  • Nima Ghising लेख्नुहुन्छ    |   २०७३ पुष २८ गते १:२८

    Khagendra Sangraula को वालबाट साभारः

    मेरो इतिहास मेटाएर
    तिम्रो मात्र नलेखाएको भए
    म पनि तिमीसँगै
    फूलमाला लिएर उभिने थिएँ
    एकताको दिवस मनाउने थिएँ
    मेरो पुर्खालाई नरसंहार गरी
    त्यसैको चितामा खुसियाली मनाई
    बाँचेका पुर्खालाई
    दास नबनाएको भए
    तिमीसँगै उभिने थिएँ
    एकताको दिवस मनाउने थिएँ
    जितको उन्मादले मातेर
    नाक, कानको धार्नी नपुराएको भए
    अवोध नारीको अस्मिता नलुटिएको भए
    तिमीसँगै उभिने थिएँ
    एकताको दिवस मनाउने थिएँ
    युद्ध नजितेकासँगको बाचा
    तिम्रा सन्तानले नबिर्सिएको भए
    लेखिएका सम्झौता
    नतोडिएको भए
    तिमीसँगै उभिने थिएँ
    एकताको दिवस मनाउने थिएँ
    आफू माथि रहन
    आफ्नो भाषा, संस्कार आदि
    अरुलाई नलादेको भए
    तिम्रो जंगली असभ्य
    हाम्रो सभ्य नभनेको भए
    तिमीसँगै उभिने थिएँ
    एकताको दिवस मनाउने थिएँ
    बहुलतालाई स्वीकार नगरी
    एक भाषा एक भेष
    जबरजस्ति नलादेको भए
    जगेर्ना नगरे नि
    उपेक्षा नगरेको भए
    तिमीसँगै उभिने थिएँ
    एकताको दिवस मनाउने थिएँ
    त्यसैले यो विभेदकारी
    एकता दिवस
    म मनाउन सक्ने छैनँ
    अर्काको अस्तित्व स्वीकार नगर्ने दिवस
    म मनाउने छैन
    जबरजस्ती एकताको मालामा
    म गाँसिने छैन ,,,,,,,,,,,

    11
    9
    Share

  • शेरचन वल तामाङ लेख्नुहुन्छ    |   २०७३ पुष २८ गते १:३८

    क्रिस्चियनहरुको के कुरा गर्नुहुन्छ? आफ्नै आँखा अघी हेरम न| तामाङ् जातिलाई प्रिथ्वीनारायणको नीति र ब्यवहारले घरको न घाट स्थितिमा पुर्याउन खोजे| आज आएर साँचो कुरा बुझेका ब्यक्ती तामाङ् जातिमा कोही छैन जसले प्रिथ्वीनारायणलाई एकिकरणकर्ताको रुपमा स्वीकार्न सक्नेछन| उनले भुरेटाकुरेलाई बाइसे र् चौबिसे राजा मानिलिए तर तेमालका राजा रिन्छिन दोर्जेको छलपूर्ण हत्यापछी कसरी दुई शताब्दी अधिक तामाङ जाति धर्म, भाषा र सन्स्क्रिती नै मास्ने तर्फ लागे| स्तुतिकर्ताहरुले पुर्वाग्रही रुपमा नेपालको ईतिहास भनेर लेखिन्छ, तामाङ जातिको उल्लेखै हुँदैन| के तामाङ जाति नेपाली होइनन? के तामाङ जाति बसोबासो गर्ने भुभाग नेपाल मुलुक भित्र पर्दैन? अहिले आएर तपाईंले जनजाती भनेको यो हो त्यो हो जे व्याख्या अपव्याख्या गरे पनि उही कुरो बंगाइ टेढाई भन्ने प्रबित्ती न हावी भएको हो| जसका लागि प्रथ्वीनारायणले गरे उनको लागि प्रभु र् एकिकरणकर्ता सबै होला तर साधारणत जनजातीका लागि र् बिशेषत उपत्यका र वरपर बसोबास गर्ने अनि मुलुकको जनसन्ख्याको एउटा ठुलो हिस्सामा रहेका तामाङ जातिका लागि प्रीथ्वीनारायण कदापी एकिकरणकर्ता हुन सक्दैनन| उनी नभएको भए नेपाल बन्दैन थिए र हामी रहने थिएनौ भन्नु अंग्रेजले भारतमा शासन नगरेको भए भारत रहने थिएन र् फलानाको बाबुले फलनासँग विवाह नगरेको भए तेलानाको जन्म हुने थिएन भनेर वाहियात कुरा गर्नु बराबर हो|

    तपाईं ईतिहासको प्रोफेसर भनाउदाको यस्तो मानसिकता देख्दा अचम्भ लागेन तर दु:ख लागिरहेछ|
    चेतना भया, वेदना भया|

    21
    8
    Share

  • chhimaabu लेख्नुहुन्छ    |   २०७३ पुष २८ गते ४:४३

    siri 5 bada maharaj dhiraj prithivi narayan shaha swayam bhagawan bishnu ko awataar hoibaksinthyo. mausuf sarkaar ahile baikunthama birajman hoibaksanchha.

    4
    4
    Share

  • Pakhanbhed लेख्नुहुन्छ    |   २०७३ पुष २८ गते ५:१२

    मैले जे देखे ……मैले नबुजेको पनि हुन सक्छ ,नेपालको गाऊ गाऊमा , एकातिर क्रिस्टियनहरुले गरिब,पछाडी पारिएको समाजका केहि दलित ,प्रजा,जन जातिमा रोग निको पार्छु भनेर मण्डलीमा गएर विश्वास गरे ठिक ,सबै रोग ठिक पfर्छु भनेर धर्म परिबर्तन गराए छाडे .पति हिन्दु , श्रीमती क्रिस्टियन ,, .यो घटना एक वर्षा भयो . अन्त्यमा होस्पितालमा लैजादा मेन्टल लक्ष्छन ,हाल उनि औसधि खान्छिन . मलाई बुजी नसक्नु लाग्यो .अर्को केहि महिना पछि पुन अर्को बिरामी भयो ,नजिकै घर राती बिरामी परे ,भोलिपल्ट बिसाव्स गर्नुस येशु को सबै रोग ठिक हुन्छ भनि आए . के के हो उपचार गरे …,मैले होस्पितल लैजानु न ढिलो भयो भने झन् गारो हुनछा भन्दा ,दाजु अब विश्वास गरे ठिक हुनछा , म बिहान बेलुकी आएर रोग ठिक पार्छु भनेर गए केहि महिना पछि ,नदिमा डुबाए , कसम खुवए , पछि मेडिकल आए ,धाए उनिको रोग एड्स ….. डैगोनिस … मेरा एक मित्र अब पनि त भनि सोधे , अब मण्डली होइन ,मेडिकल खोलू ,मेडिकल गाऊ गाऊ मा, चर्च ,मन्दिर मात्र होइन ?? मैले मेरो रूम पार्टनर संग सोधे होस्पितल किन चाहियो त ? सबै पुजारी ,पास्टर नै डाक्टर भएपछी ? अब धर्म परिबर्तन भन्दा पनि मन परिबर्तन तिर लागु होला . मेरा पास्टर मित्र हजुरलाई डाक्टर मित्र भन्न पाइयोस ?

    12
    8
    Share

  • Basalts लेख्नुहुन्छ    |   २०७३ पुष २८ गते ८:०५

    No one can erase facts. PNS unified Nepal and we are now Nepali so PNS deserves our regard and respect. If we ignore our Nepalese status, I have nothing to say.

    8
    2
    Share

  • dinesh लेख्नुहुन्छ    |   २०७३ पुष २८ गते १२:५१

    आफ्नो धर्म छोडेर अर्काको धर्म लाई सर्बोपरी मान्ने, आफ्नो फाईदाको लागि परापुर्ब काल देखी चल्दै आएको आफ्नो धर्म बेच्ने ले भोली आफ्नो फाईदाको लागि जे पनि गर्न सक्छ तेस्कारण धर्म बेच्नेले गरेको लेख प्रतिको बिरोध को कुनै तुक छैन । लेख अत्यन्त सान्दर्भिक छ ।

    15
    16
    Share

  • Iman sapkota लेख्नुहुन्छ    |   २०७३ पुष २८ गते २१:४६

    डा. रमेश ढुंगेल ब्रिटिश साम्रज्यवादको बचाउमा साम्राज्यवाद विरोधी भीमसेन थापा विरुद्ध अनर्गल आगो ओकल्न फिरंगीहरुले पाउण्ड दिएर लण्डनमा पालेको मान्छे हो । रमेश ढुंगेलले पृथ्वीनारायण शाहको पक्षमा लेखेजस्तो गरेपनि वास्तविक रुपमा यी ढूंगेल बेलायतीहरुको भित्रीया हुन् । यी खतरानाक मान्छे हुन । सबैले समयमै चिनौँ । रमेश ढुंगेल खतरानाक ब्रिटिश कारिन्दा हुन् । अहिले पनि यी बेलायतमै बस्छन् ।

    3
    7
    Share

  • kriparam लेख्नुहुन्छ    |   २०७३ पुष २९ गते १:०५

    yi lekhak laai rana kaal samma purba ka pranta harulai wallo kirat, maajh kirat ra pallo kirat bhaninthyo bhanne thaha chhaina ki bujhpachayeka hun!

    2
    1
    Share

  • Rupesh Baram लेख्नुहुन्छ    |   २०७३ पुष २९ गते ४:२७

    यो कस्तो खालको डाक्टर हो? इतिहासलाई एकातर्फी रूपमा ब्याख्या गर्ने? कसरी इसाईले बिदा दिएन पृथ्वी नारायण शाहको जन्म दिनमा? के इसाईले सरकार चलाएको छ र देशमा? यो विशुद्ध राजनीतिक कुरालाई लिएर कसरी इसाईसँग जोडियो? हावा तालको कुरा गर्छ बा हैट ! हरेक राजनीतिक घटनाक्रमको दोष इसाई समुदायमाथि थोपरेर आपूm पानीमाथिको ओभानो बन्न नखोजौं । इसाईको बिरोध गरेर बिद्धान बन्न पनि नखोजौं । इसाईहरुले न राजाको बिरोध गर्छन न कुनै राजनीतिक दलको । सबैको निम्ति उनीहरुले प्रार्थना गर्छन । इसाईहरुले सबै वर्ग, जाति समुदायको निम्ति प्रार्थना गर्छन । कुन इसाईले पृथ्वी जयन्ती मनाउनु हुँद्न भनेर भनेको छ? हावा र हचुवाको भरमा मिडियामा इसाईहरुमाथि कपोल्कल्पित आरोप लगाउनुको पनि सीमा हुन्छ नि । हरेक कुराको लागि इसाई समुदायमाथि दोष लगाउनु पक्कै पनि बुद्धिमानी हुनेछैन । चेतना भया ।

    4
    4
    Share

  • Rupesh Baram लेख्नुहुन्छ    |   २०७३ पुष २९ गते ४:३१

    डा साहेबको यो भनाइले नै उहाँको इतिहास प्रतिको ज्ञानको कमीलाइ प्रष्टै पारीदिएको छ । डा साहेबलाइ विनम्र अनुरोध – आफ्नो देशको इतिहासबारे अरुलाइ बताउनु भन्दा पहिले त्यसको यथेष्ट ज्ञान आफुले पहिले हासील गर्ने कि ।
    जीन्दगीमा कत्ती पल्ट आफ्नो हार स्विकार्नु पनि व्यक्तिको महानता हुन्छ भन्ने कुरा पनि विचार गर्ने कि……

    3
    3
    Share

  • Rupesh Baram लेख्नुहुन्छ    |   २०७३ पुष २९ गते ४:३३

    यो भनाइले नै उहाँको इतिहास प्रतिको ज्ञानको कमीलाइ प्रष्टै पारीदिएको छ । डा साहेबलाइ विनम्र अनुरोध – आफ्नो देशको इतिहासबारे अरुलाइ बताउनु भन्दा पहिले त्यसको यथेष्ट ज्ञान आफुले पहिले हासील गर्ने कि ।
    जीन्दगीमा कत्ती पल्ट आफ्नो हार स्विकार्नु पनि व्यक्तिको महानता हुन्छ भन्ने कुरा पनि विचार गर्ने कि……

    2
    4
    Share

  • devendra लेख्नुहुन्छ    |   २०७३ पुष २९ गते १६:५१

    …bijuli chor, soon chor haru ko kura sakiyo? Prithivi Narayan Shah lai samjhine ho bt vetna sakindaina, baru P.N. Shah jastai neta hunuparyo……

    4
    0
    Share

  • SP acharya लेख्नुहुन्छ    |   २०७३ माघ १ गते १०:१९

    Please try focus on mmajor issue for sake of nation and people do not show your personal intefest on linking other topics as you can do it on seperate topic.in myopenion holiday for what is not much than honour the past nattiona countributers.blaming to third is not a goos justification as one has full decision making autority.

    0
    0
    Share

  • Desert लेख्नुहुन्छ    |   २०७३ माघ १ गते १९:४३

    Nepal is at crossroad now. If you look at history of the world missionaries have anahilated many cultures and indigenous religions.Dr. Dungel is an learned scholar but it’s his interpretation of history. I read comments posted here that are personal attack on him. Which is uncalled for. It’s evident but that Western hegemony is at play.

    1
    1
    Share

  • मीना शेर्चन, भोटेबहाल लेख्नुहुन्छ    |   २०७३ माघ २ गते १६:२८

    भरत नेपालजी तपाईंको नाम त भरत नेपालको सत्ता पित्तर जोन्सोन राखे कसो होला की कसो ?

    3
    0
    Share

  • Ram Nepali लेख्नुहुन्छ    |   २०७३ माघ २ गते २१:५३

    jo hocho usailai ghocho vanne ukhan ta ramrari thaha hola hai ,tapai jasto samajhdaar vekti vayera kehi garna nasakne jaati lai dos lagaune ….waw yo ta hami tapai jasta nepali ko jatai ho ……
    edi dam chha vane asti nepal blocked ko samayema vaeko bela tesko birodh gareko khai ta ani estai kura garera hunccha ta ……..garchhan kura ….

    0
    1
    Share

  • bhupendra लेख्नुहुन्छ    |   २०७३ माघ ३ गते ११:०७

    Nachna najane Aagan tedo, GALI matraile problem hune hoina NETA haru, kohi DhaniMani arko dharmama lageko x ? jati lage, GARIB, NIMUKHA lage, so that kasle banaya , hamrai NETA harule banaya …………..

    1
    0
    Share

  • Jerome लेख्नुहुन्छ    |   २०७३ माघ ४ गते १३:३९

    इसाई हरुले यो गर्‍यो त्यो गर्‍यो भन्दा पनि हिन्दूहरुको बाहुल्य भएको भारतले नेपाल लाई के गर्दै छ र बेलायत तथा इसाइ बाहुल्य राश्ट्रहरुले नेपाल को लागी के गर्दै छ आखा छ भने प्रस्टै देखिराछौ ।
    आफ्नो गल्ती लुकाउन अरुलाई दोश दिन छोडौ पडेलेखेका अनपड ।

    2
    2
    Share

  • Prem Rai लेख्नुहुन्छ    |   २०७३ माघ ५ गते ९:५५

    सत्य जतिसुकै तितो भए पनि गोर्खाली अधीनस्थ अधिराज्यलाई नेपालका रूपमा स्वीकार्ने र यहाँका राजालाई गोर्खाराज्यका राजाका रूपमा होइन, नेपालका महाराजाका रूपमा लेख्ने काममा पहिले इस्ट इन्डिया कम्पनी र ब्रिटिस साम्राज्य तथा तिनका अधिकारीहरूले गरेका थिए । चाहे सन् १८१६ को सुगौली सन्धि होस् या सन् १९२३ को नेपाल–ब्रिटेन सन्धि, चाहे विलियम ह्यामिल्टनका किताब होस् या एफ.बी. कर्कप्याट्रिकका रचना तिनमा नेपाल, नेपाल अधिराज्य, नेपालका महाराजाको रूपमा प्रयोग गरिएको पाइन्छ, जसले सन् १९३६ मा आएर मात्रै नेपालका शाह र राणा शासकबाट सहमति पाएको देखिन्छ । गोर्खाराज्यलाई नेपाल अधिराज्य मान्ने कामसँगै गोर्खाली भाषालाई नेपाली भाषा बनाउने र सर्वत्र नेपालीकरण गर्ने क्रम तेज पारिएको हो । त्यसको नेपथ्यमा एक भाषा, जाति, धर्म, संस्कृति, क्षेत्रको प्रभुत्व रहेको छ । ‘गोर्खालीकरण’देखि ‘नेपालीकरण’सम्मको नेपालको राजनीतिक–वैचारिक यात्रा र यसबारे नेपाली राज्य र बुद्धिजीवीहरूबाट भएको ‘ज्ञान निर्माण’बारे प्रश्न राखिँंदा कसैका देउता रिसाउने वा देश नै भत्किने काम पक्कै नहोला कि !

    0
    1
    Share

  • Nir Bajra Syangbo लेख्नुहुन्छ    |   २०७३ माघ ७ गते २०:१३

    Prithwi Narayan Shah is a unifier only for a certain groups, NOT for all. He can never be called a unifier for the ethnic group, Tamangs, whome he betrayed and cheated. He is the one who began a long road to oppression and suppression for the Tamangs. Even it never occured to Nepali historians that Tamangs existed because they were not hisorians, they were just sycophants and biased. Mr. Dhungel certainly falls into this category.
    I do not know about the Christians destryoing the national symbol as alleged by Dr. Dhungel. But I do see that many of the poverty striken people in my group are being converted to christianity day in and day out. I have nothing to say if the people chose to convert to another religion on their own by way of an informed consent or without any pressure, be it through temptation of gains or mental.
    As an educated Tamang myself, I do not see how I can accept Prithwi Narayan as a unifier eventhough it was put down through my throat by means of a stereotype textbooks since the childhood.
    Dr. Dhungel, I hope you know the meaning of “only a wearer knows where the shoe pinches” but if you have any empathy left on you, please change your tone at the very least.

    0
    0
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this