सोमबार, ५ भदौ, २०७४
OnlineKhabar.com

प्रेममा तगारो बनेपछि श्रीमानको हत्या

गौतम श्रेष्ठ

sakuntala

२७ पुस, रौतहट । रौतहटको करुनिया २ का अभिनन्दन साहको हत्या उनकै श्रीमतीले गराएको खुलेको छ । र, प्रहरीले साही पत्नी सकुन्तला देवी र अर्का एक युवकलाई पक्राउ गरेको छ ।

कतारमा रोजगारी गरेर एक महिनाअघि मात्र घर फर्किएका २३ वर्षीय साहको २१ पुसमा घाँटी रेटेर हत्या भएको थियो ।

अनुसन्धानका क्रममा सकुन्तलाले प्रेमीसँग मिलेर श्रीमानको हत्या गरेको खुलेको प्रहरीले जनाएको छ ।

अभिनन्दन विदेशमा रहेका बेला सकुन्तला र नातामा मृतकको भाइ पर्ने मनिषकुमार सुमन प्रेममा परिसकेका थिए । उनीहरुबीच दुई वर्षअघि मोबाइल फोनमार्फत सम्वन्ध गाँसिएको थियो ।

अभिनन्दन घर फर्किएपछि खटपट सुरु भयो । र, सकुन्तला र मनिषको प्रेममा अवरोध भयो । अभिनन्दनले श्रीमतीमाथि शंका गर्दै मोबाइल खोसे ।

उनले आफ्नो श्रीमतीको मोबाइलमा बारम्बार फोन आउने नम्बर देखाउँदै कसको हो पत्ता लगाइदिन तिनै मनिषलाई भने जो पत्नीको प्रेमी थिए । यसले पतिले आफूमाथि शंका गरेको सकुन्तलाले सहजै थाहा पाइन् ।

र, प्रेमीसँग मिलेर पतिको हत्या गर्ने योजना बनाइन् । ‘हामी दुई वर्षदेखि प्रेममा थियौं तर, अभिनन्दन घर फर्किएपछि शंका लागेर सकुन्तलाको मोबाइल पनि खोस्यो र कुटपिट समेत गरेपछि सकुन्तला ले नै अब अभिनन्दनलाई मार्नु पर्छ भनेकी थिइन्,’ मनिषले प्रहरीसामू भनेका छन् ।

प्रेमिकासँगको योजना अनुसार २१ गते गाउँकै कामदेही खोला नजिकको सिसौको घारीमा लगेर मनिषले अभिनन्दनको हत्या गरेका छन् । नातामा काकाको छोरा पर्ने मनिषले नम्बर पत्ता लगाइदिने भन्दै सिसौ घारीमा लगेर पछाडिबाट रडले टाउकोमा प्रहार गरे र बेहोस भएपछि घाँटी रेटेर हत्या गरे ।

‘प्रेम सम्वन्धमा बाधा उत्पन्न भएपछि र श्रीमानलाई श्रीमतीप्रति शंका हुन थालेपछि सकुन्तलाले नै पतिको हत्या गराएकी हुन्,’ रौतहटका प्रहरी प्रमुख एसपी यज्ञविनोद पोखरेलले भनेका छन् ।

प्रहरीले हत्यामा प्रयोग भएको रड र चक्कुका साथै मोबाइल बरामद गरेको छ । पक्राउ परेका दुवैलाई कर्तव्य ज्यान मुद्दामा म्याद थप गरेर हिरासतमा राखिएको प्रहरी उपरिक्षक पोखरेलले बताए ।

२०७३ पुष २७ गते १८:१२ मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
२ प्रतिकृयाहरू प्राप्त
  • Chhedi lal लेख्नुहुन्छ    |   २०७३ पुष २८ गते ६:१७

    baibesik rojgar ko negative effect.

    1
    0
    Share

  • yam koirala. लेख्नुहुन्छ    |   २०७३ पुष २८ गते ८:५६

    hatya garne ti 2 jana lai pani ghati reter nai marnu parxa. ball marne ko atma le shanti pauxa. yastai le garda ho nepali samaj ma biswas bhanda shanka ko had badeko.chahe त्यो husband or wife योजना बनायर गल्ती गर्ने लाई तेस्को जिन्दगी सङ्ह पनि योजना बनायर मार्नु पर्छ बल्ल घटना कम हुन्छ।

    5
    0
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this