बिहीबार, ८ भदौ, २०७४
OnlineKhabar.com

चीनमा बन्यो ठ्याक्कै मानिसजस्तो रोबोट

अनलाइनखबर

robortजिया जिया नामको यो रोबोटले केवल अनुहारको हाउभाउ बदल्नेमात्र होइन आम रुपमा मानिसले जस्तै कुराकानी समेत गर्न सक्दछ । चीनमा बनेको पहिलो मानव जस्तै रोबोटलाई युनिभर्सिटी अफ साइन्स एण्ड टेक्नोलोजी अफ चाइनका इन्जिनियरहरुले तयार पारेका हुन् ।

 

सांघाइतको फ्युचरिस्टिक फाइनान्सियल सेन्टरमा आयोजित सम्मेलनमा टोली नेता चेन शाओपिंगले एक बाबुले सन्तानको परिचय दिएजस्तै गर्वसाथ उक्त रोबोट सार्वजनिक गरिरहेका थिए ।

आउँदो एक दशकमा जिया जिया जस्तै रोबोटहरुले चीनका रेष्टुरेन्ट, नर्सिंग होम, अस्पताल तथा घरहरुका कार्यमा सघाउनेछन् । ५-१० वर्ष भित्रमा रोबोटको माग निकै बढ्ने दाबी उनको छ ।

परम्परागत चिनिया पहिरनमा सजिएको महिला स्वरुपको जिया जिया रोबोट ठ्याक्कै चिनिया महिलाजस्तै देखिन्छ । आफ्नो टीमले पछिल्ला २ वर्षमा यस्तो रोबोटको क्षेत्रमा उत्कृष्ट काम गरेको चेनले बताए ।

जिया जियाले दिनभरको मौसमका बारेमा तथा लैंगिक विषयमा सोँचविचार गरी जवाफ दिन सक्दछ । प्रदर्शनीमा आफूनजिक आएको एक युवातर्फ इंगित गर्दै जिया जियाले भन्यो, तिमी निकै सुन्दर छौँ । जब उक्त रोबोटलाई सोधियोः के तिम्रो केटा साथी छ ? तब जिया जियाले जवाफ दियो ः म सिंगल रहन मन पराउँछु ।
सम्मेलनमा जिया जिया यति सुन्दर देखिएको थियो कि मानिसहरुको नजर उसैमाथि अडेको थियो । जिया जियाले त्यहाँ उपस्थित मानिसहरुसँग
हाउभाउका साथ सम्वाद पनि गर्यो । एजेन्सी

२०७३ पुष २८ गते १:२५ मा प्रकाशित (२०७३ पुष २७ गते २०:३२मा अद्यावधिक गरिएको)
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
१ प्रतिकृया प्राप्त
  • दावा लेख्नुहुन्छ    |   २०७३ पुष २८ गते ६:४९

    I like it next time i want used

    1
    0
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this