२९ पुस, काठमाडौं । स्पेनिस नकआउट फुटबल प्रतियोगिता कोपा डेल रे को क्वाटरफाइनलमा प्रतियोगिताका दावेदार टोलीहरुबीचको भेटको संभावना टरेको छ ।
आज भएको ड्र मा साविक बिजेता बार्सिलोना, रियल मडि्रड र एथ्लेटिको मडि्रडले क्रमसः रियल सोसिडाड, सेल्डा डि भिगो र एइबार प्रतिद्धन्दी पाएका छन् ।
त्यस्तै अर्को क्वाटरफाइनलमा आल्कोर्कोनले अलाभेससँग प्रतिस्पर्धा गर्नेछ । आल्कोर्कोन स्पेनको बी डिभिजन टोली हो भने अलाभेस यसै बर्ष शीर्ष डिभिजनमा उक्लिएको हो ।
प्रतियोगिताको क्वाटरफाइनल खेल आगामी जनवरी १८ र १९ मा हुनेछ ।
