नायिका केकी अधिकारी अभिनित चलचित्र ‘लभ सासा’ यसै साता रिलिज भयो । चलचित्रको रिलिज अगाडि केकीको दौडधुप खुबै थियो । यो चलचित्रको कार्यकारी निर्माता भएकाले पनि केकी प्रचारमा खुबै दौडिइन् ।
चलचित्रले समिक्षकको राम्रै तारिफ पनि पाएको थियो । विभिन्न मिडियामा चलचित्रको प्रस्तुती र संवादको प्रशंसा भयो । बक्स अफिसमा भने चलचित्रले कमाल गरेन । बिहिबार नै रिलिज भएको यो चलचित्रले केकीको आशा अनुसारको व्यापार गरेन । 
केकी र अर्का कलाकार कर्माको कामको तारिफ राम्रै भयो । केकीका लागि बक्स अफिसमा खरो उत्रने चलचित्र चाहिएको थियो । जुन ‘लभ सासा’ले पुरा गर्ने अपेक्षा पनि उनको थियो ।
नायिका अधिकारीले अनलाइनखबरका लागि गराएको फोटोसुटमा उनको स्टाइल गजबको छ । सुन्दर अनुहारकी धनी केकीले धेरैको मन लोभ्याउने शैलीमा फोटो खिचाएकी छिन् ।
तस्बिरः श्रीधर पौडेल
केकीसँग गरिएको ‘मस्ती टक’को भिडियो यहाँ हेर्नुहोस्ः
