तपाईं ननुहाइकन कति दिन बस्न सक्नुहुन्छ ? दुई-चार दिन नुहाएन भने जिउ सक्सकाउन थाल्छ होला । तर संसारमा यस्ता मानिसहरु पनि छन् जो जीवनभर नुहाउदैनन् ।
प्रसंग हो, अफ्रिकाको नर्थ नामिबियास्थित कुनैन प्रान्तमा बस्ने हिम्बा जातिका महिलाहरुको । उनीहरुलाई नुहाउन पुरै बन्देज छ । तर, पनि अफ्रिका सबैभन्दा सुन्दर स्त्रीहरुको रुपमा कहलाउँछन् उनीहरु ।
कुनैन प्रान्तमा बस्ने हिम्बा जनजातिमा कुल २० हजारदेखि ५० हजार मानिसहरु छन् । यहाँ पुरुषहरुको भन्दा महिलाहरुको जनसंख्या धेरै छ । यी महिलाहरु जिवनमा एक पल्ट पनि नुहाउँदैनन् । यति मात्रै होइन, पानीले हात धुने पनि अनुमति छैन उनीहरुलाई ।
आफूलाई फ्रेस राख्न महिलाहरुको विशेष तरिका अपनाउने गर्छन् । उनीहरु विशेष प्रकारका जडिबुटीलाई पानीमा उमाल्छन् र त्यसको धुवाँबाट आफ्नो शरीरलाई फ्रेस बनाउँछन् । यो जडिबुटीको सुवासले गर्दा कहिल्यै ननुहाए तापनि उनीहरुको शरीर गन्हाउँदैन ।
आफ्नो छालालाई गर्मीबाट बचाउन यी महिलाहरु विशेष प्रकारको लोसन प्रयोग गर्छन् । यो लोसन जनावरको बोसो र हेमाटाइटको धुलोबाट तयार गरिएकोउ हुन्छ । हेमाटाटको धुलोको कारणले उनीहरुको छाला रातो रंगको हुन्छ । यो लोसनले उनीहरुलाई किराहरुले टोक्नबाट पनि जोगाउँछ । यनी महिलाहरुलाई ‘रेड म्यान’ को नामले पनि चिनिन्छ । -एजेन्सी
