Comments Add Comment

‘अष्ट्रेलिया डे‘ परेडमा साउथ अस्ट्रेलियाको नेपाली समुदायको सहभागिता हुने

nepalese-in-australia

२२ जनवरी, एडिलेड। अस्ट्रेलियामा पहिलो पटक बेलायति पहुंच स्थापना भएको सम्झना गर्दै मनाइने ‘अस्ट्रेलिया डे’ मा साउथ अस्ट्रेलियाको नेपाली समुदायले बिशेष सहभागिता जनाउने भएको छ । नेपाली समुदायले गर्ने प्रस्तुतिहरु र कार्यक्रमलाई स्तरीय गराउनको लागि एडिलेड नेपाली समाज अस्ट्रेलियाले यहाँ रहेका सम्पूर्ण संघसस्थाहरुसँग छलफल गरी समिति गठन गरेको छ।

यहाँ रहेका सम्पूर्ण संघसस्थाहरुको सहकार्यमा नेपाली समुदायबाट नेपालको पर्यटन र कलासंस्कृति झल्किने प्रस्तुतिहरु परेडमा देखाउने तयारी गरेको एडीलेड नेपाली समाज अस्ट्रेलियाकी अध्यक्ष सन्तोषी गौतमले बताइन्।

हरेक वर्ष जनवरी २६ तारिखमा बेलायति फौज सहितको जहाज अस्ट्रेलियाको भु-भागमा ल्याइएको सम्झनामा मनाइने अस्ट्रेलियन डेमा यहाँ रहेका धेरै समुदायको र हजारौ मानिसहरुको उपस्थिति हुने भएकाले पनि यसलाई अवसरको रुपमा प्रयोग गर्दै नेपाली समुदायले आफ्नो प्रस्तुति दिने गैरआवासीय नेपाली संघ साउथ अस्ट्रेलियाका संयोजक नबिन कंडेलले बताए।

australia-day

गभर्नर फिलिपको अगुवाइमा अस्ट्रेलियामा पहिलो पटक बेलायति कोलोनि स्थापना भएको दिनको सम्झना स्वरुप ‘अस्ट्र्लियन डे’ मनाइने गरिन्छ । परेड, कन्सर्ट र अतिश बाजिको रमाईलोसँगै साउथ अस्ट्रेलियाको एडिलेड सहरमा हुने उक्त कार्यक्रम मुख्य सार्बजनिक कार्यक्रमको रुपमा लिने गरिएको छ । २०१० बाट बृह्यत रुपमा एलडर पार्कमा गरीने यस बिशेष कार्यक्रममा करिब ४० हजार बढीको उपस्थिति रहँदै आएको अस्ट्रेलिया डे काउन्सिल अफ साउथ अस्ट्रेलियाले दाबी गर्दै आएको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment