Comments Add Comment

मधेसी मोर्चाको तीन बैठकः फागुनबाट आन्दोलन गर्ने चेतावनी

Madhesi-morcha

१४ माघ, काठमाडौं । मधेसी मोर्चाले संसदमा दर्ता भएको संविधान संशोधन विधेयक परिर्माजनसहित अघि बढाउन नयाँ शक्तिसँग मिलेर सरकारलाई दबाव बढाएको छ । उसले फागुनदेखि आन्दोलन गर्नेबारे छलफल पनि थालेको छ ।

संविधान संशोधन विधेयकमा गर्ने परिर्माजनबारे तीन दलीय कार्यदलले शुक्रबारबाट छलफल थालेको हो । त्यही दिन मधेसी मोर्चा, संघीय गठवन्धन र बाबुराम भट्टराई नेतृत्वको नयाँ शक्ति-मधेसी मोर्चाको बैठक छुट्टा छुट्टै बस्यो ।

मधेसी मोर्चाले सरकार गठनका क्रममा भएको तीनबुँदे सहमति कार्यान्वयनको समिक्षा गर्ने निर्णय गरेको छ । सरकारले संशोधन दर्ता गराए पनि प्रक्रिया अघि नबढेको र सबै माग सम्बोधन हुन सक्ने अवस्था नभएको मोर्चाका नेताहरुले बताएका छन् । सरकारले संशोधन अघि बढाउनुको सट्टा चुनाव मात्र भनेको भन्दै नेताहरुले असन्तुष्टि जनाए ।

बैठकमा संशोधन परिमार्जनसहित पास गर्न एक महिने अल्टिमेटम दिने र नभए फागुनबाट आन्दोलन थाल्नेबारे छलफल भएको रामसपाका महासचिव केशव झाले बताए ।

मोर्चामा आन्दोलनबारे दुई मत देखिएको छ । केहीले सामान्य दबावमुलक आन्दोलनमा जोड दिएका छन् भने केहीले हड्तालसहितको कडा आन्दोलन गर्नु पर्ने बताएका छन् ।

बैठकमा संविधान संशोधन विधेयकमा गरिने परिर्माजन र सरकारले ल्याउने भनेको पुरक संशोधनमा आफ्ना धेरैभन्दा धेरै माग कसरी समावेश गर्ने भन्नेबारे छलफल भएको छ ।

साथै स्थानीय तह पुनर्संरचनाको विरोधमा एकदिने दबावमुलक आन्दोलन गर्नेबारे छलफल भएको छ । यसबारे भोलिको बैठकले निर्णय गर्ने सम्भावना छ ।

लगत्तै मधेसी मोर्चासहित संघीय गठवन्धनको बैठक बसेको छ र, संशोधन अघि नबढे फागुनबाट आन्दोलन सुरु गर्नेबारे नेताहरु सहमत देखिएका छन् ।

बाबुराम र मोर्चाको सहकार्य

मधेसी मोर्चा र बाबुराम भट्टराई नेतृत्वको संघीय गठवन्धनको बैठक बसेर संविधान संशोधन विधेयकमा गरिने परिमार्जनबारे साझा धारणा बनाउने प्रयास भएको छ ।

भोलि तीन पक्षीय कार्यदलको बैठक बस्नु अघि नै संशोधनबारे साझा मत बनाइने नेताहरुले बताए ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment