शुक्रबार, ६ साउन, २०७४
OnlineKhabar.com

‘लेखेर राख्नुस्, मधेसमा पनि एमाले पहिलो बन्छ’

हिम्मत भए धारा २७४ खारेज गरेर देखाउन चुनौती

अनलाइनखबर

१७ माघ, काठमाडौं । एमाले महासचिव ईश्वर पोखरेलको राजनीतिक कर्मथलो मधेस हो भन्ने धेरैलाई थाहा छैन । धनुषामै बढेका र पढेका पोखरेल मैथिली भाषामा भाषण गर्न सक्छन् ।

यसबीचमा पोखरेलकै नेतृत्वमा रहेको एमालेको केन्द्रीय सचिवालयले आगामी फागुन २५ देखि थाल्ने मधेस अभियानमा लाखौं जनता परिचालन गर्ने दाबी समेत एमालेले गरिरहेको छ ।

मधेसको मनोविज्ञान बुझेको दावी गर्ने पोखरेल, आगामी चुनावमा एमाले तराई मधेसमा कमजोर हुन्छ भन्ने कुरा मान्न तयार छैनन् । अनलाइनखबरसँग कुरा गर्दै पोखरेलले तराई मधेसमा एमालेले पहिलेको भन्दा बढी मत ल्याउने दाबी गरे । आखिर कसरी ? एमाले महासचिव पोखरेलसँग अनलाइनखबरकर्मी मात्रिका पौडेलले गरेको कुराकानीः

एमालेको अहिलेको अडान र बोलीलाई मधेस बिरोधी भनेर सबैले आरोपित गरिरहेका छन्, तपाईहरु किन मधेसको मनोविज्ञान बुझ्न चाहानुहुन्न ?

मधेस र मधेसी कुनै अमूक दल वा विदेशी भरियाका बँधुवा मजदूर होइनन् । अहिले जुन विषयमा संविधान संसोधन गर्न खोजिँदैछ, त्यो कुन चाहिँ मधेस वा मधेसी जनताको माग हो ? खुलेर बहस गरौं । हामी पनि मधेसमै छौं । मधेसका जनतासँग दिनहुँ अन्तरक्रिया गरिरहेका छौं ।

कुनै पनि मधेसी जनताले पाल्पा, गुल्मी जस्ता जिल्लाहरु अलग हुनुपर्छ भनेर माग गरेका छैनन् । भाषा, नागरिकताका कुरा पनि मधेसी जनताको होइन, बाहृय शक्तिको इशारामा भइरहेको छ । मधेसको वास्तविक समस्या हामीले बुझेका छौं । जसको समाधानका लागि ओली सरकारका पालामा सबैभन्दा धेरै बजेट बिनियोजन मधेसमा भएको छ । जो जनताबाट तिरस्कृत भएका छन्, जनताले जमानत जफत गराएका छन्, तिनले भनेको कुरा मधेस र मधेसीको हुन सक्दैन ।

तर तिनै तिरस्कृत भनिएकाहरुको आह्वानमा लाखौं मान्छे आन्दोलनमा आएका हुन् नि, तिनीहरुलाई बेवास्ता गरेर चुनावमा जाने हिम्मत छ तपाईहरुमा ?

चुनाव गराउने हिम्मत सरकारले देखाउने हो । जनता चुनावका लागि तयार छन् । हामी पनि मधेसमा दिनहुँ भेला, जनसभाहरु ग्ारिरहेका छौं । चुनाव घोषणा गरोस, त्यसपछि जनताले सबैलाई चुनावमा ल्याउँछन् ।

मधेसी मोर्चा सहमत नभई चुनाव नहुने र नहुने चुनाव घोषणा गरेर आफू ज्ञानेन्द्र नबन्ने कुरा त प्रधानमन्त्रीले भनि सके नि सुन्नुभएन ?

पुष्पकमल दाहाल ज्ञानेन्द्र शाह बन्छन् कि अरु के के बन्छन् त्यो त अब तपाईहरु हेर्दै जानुहुनेछ । आउने दिनले उहाँलाई के के बनाउँछन् भन्ने देखिनेछ । उहाँ आफ्नै कर्मले सिद्धिने हो । जहाँसम्म मोर्चा आउने कि नआउने भन्ने कुरा छ, उनीहरु चुनावमा किन नआउने ? चुनावको मिति घोषणा गर्नुस, मोर्चा किन आउँदैन ? चुनाव एकै चरणमा होइन दुई-तीन चरणमा हुनेछ । जसले चुनाव बहिस्कार गर्छ वा मान्दैन, जनताले लाठो लिएर ठिक लाउने छन् । चुनाव राज्यले गराउने हो,को आउछन् को आउदैनन् भन्ने अलग कुरा हो ।

मधेसमा एमाले छिर्न सकेको छैन, एमाले मुक्त मधेस भन्दै गाउँ-गाउँबाट बाजा बजाएर बिदाइ गरिँदैछ, मधेसी जनताको मन जित्नेतिर नलागी यस्तो अवस्थामा पनि तपाईहरु चुनावप्रति निकै उत्साहित हुनुहुन्छ किन हो ?

यसमा मिडियासँग भन्दा पनि हामी आफ्नै कमजोरी आलोचित छौं । एमाले मधेसमा गएको मिडियाले देख्न छाडे, हामीले पनि प्रचार गर्न सकेनौं कि । होइन भने यसबीचमा हाम्रो पार्टीका शीर्ष नेतादेखि सबै तहका नेता कार्यकर्ता मधेसमा निरन्तर क्रियाशील छौं । हामीले लिएका अडानहरु मधेसी जनतालाई सुनाइरहेका छौं ।

एमाले मुक्त मधेस भन्नेहरु, बाजा बजाउनेहरु कहाँ छन् ? हामीले देखेनौं, बरु कतिपय ठाउँमा उनीहरुलाई मधेसी जनताले लखेटेका छन् । सुनसरीको हरिनगरा एउटा उदाहरण हो ।

तपाई आफैंलाई नढाँटी भन्नुस किनकि तपाई एमाले नेतामध्ये मधेसमा धेरै बसेको र बुझेको अनि अहिले पनि मधेसमा केन्द्रित हुनुहुन्छ, आउने चुनावमा तराई मधेसमा एमालेको आकार अहिलेको भन्दा कति सानो होला ?

म आत्मालाई नढाँटी भन्छु, मधेसमा निरन्तर गइरहेको हिसाबले ढुक्कका साथ भन्छु, आउने चुनावमा एमालेको आकार अहिलेको भन्दा ठूलो हुने देखिरहेको छु मैले त । हामी अहिलेको भन्दा बढोत्तरी गर्छौं । हाम्रा संगठन चलायमान छन् । एउटा पनि कार्यकर्ताले पार्टी छाडेका छैनन् बरु थपिएका छन् । जनतालाई हामीले हाम्रा अडानका बारेमा भोजपूरी, मैथली,अवधी भाषामै बुझाइरहेका छौं । लेखेर राख्नुस् मधेसमा हामी पहिलेको भन्दा बढी जित्छौं । हामी मधेसमा पनि पहिलो शक्ति बन्छौं, पहाड र हिमालमा त छदैछौं ।

यो त अलि पत्याउन नसकिने कुरा भयो, राजमार्ग क्षेत्रमा त एमालेको आकार बढ्ला, तर हुलाकी राजमार्ग दक्षिणमा क्षति पुग्छ भन्छन् नि ?

मैले समग्र तराई मधेसको कुरा गरेको छु । यसबीचमा तराईका २० जिल्लामा एमालेले २५ लाख जनता परिचालन पनि गर्दैछ । हामीले अघिल्लो चुनावमा यसअघि कहिल्यै नजितेका महोत्तरी, बाँके, पर्साका कोर मधेसमा चुनाव जितेका छौं । त्यहाँ हाम्रो शक्ति अझ बढेको छ । बाँकेका दिनेशचन्द्र यादव सीमा क्षेत्रबाट जितेका हुन् । महोत्तरीका दीपनारायण साह, रामदयाल मण्डल भन्नुस वा पर्साका राजकुमार गुप्ता, बिचारी यादव, जयप्रकाश थारुहरु भन्नुस् । ती को हुन् ? एमाले होइनन् ?

एमालेले विगतमा विभिन्न कमजोरीका कारण हुलाकी राजमार्गका दक्षिणका कतिपय क्षेत्रमा एक डेढ सय मतान्तरमा चुनाव हारेको छ, ती ठाउँमा पनि हामी बढोत्तरी गर्दैछौं । हामीलाई मधेसमा गुमाउँछौं कि भन्ने कत्ति पनि डर छैन । चुनाव घोषणा होस, हामी देखाउँछौं मधेस र मधेसीसँग एमालेको साइनो के हो भन्ने कुरा ।

स्थानीय चुनाव नभए एकैचोटि केन्द्रीय संसदका चुनाव गरौं भन्ने तपाईहरुको लाइन मधेसी मोर्चासँग मिल्न लागेको हो ?

हामीले बैशाखसम्म स्थानीय तहको चुनाव हुनुपर्छ भनेका हौं । बिभिन्न सन्दर्भमा कुनै चुनाव नै नहुने ढंगले अघि बढ्यो भने देशलाई जनप्रतिनिधिविहीन बन्न दिनुहुँदैन भनेर संघीय संसदको चुनावको प्रसंग निस्किएको हो । हामी यो वा त्यो भन्ने पक्षमा छैनौं तर चुनाव गराएर संविधान कार्यान्वयन हुनुपर्छ ।

चुनाव गराउनकै लागि राष्ट्रिय सहमतिको सरकारको कुरा पनि उठाउन थाल्नुभएको हो ?

हामीले सत्ता साझेदारी कदापि खोजेका छैनौं । यही सरकारले चुनाव गराओस् भनिरहेका छौं । निर्वाचनको मिति घोषणा गरोस, यही सरकारले चुनाव गराओस् । तर, हामी देखिरहेका छौं, चुनाव गराउनेतिर सरकार जाँदैन । किनकि चुनाव भयो भने संविधान कार्यान्वयन हुन्छ । त्यसो हुनु भनेको जुन कामका लागि यो गठबन्धन बनेको हो, त्यसको विपरीत हुन जान्छ ।

तर स्थानीय चुनाव नभई शेरवहादुर देउवाको पालो त आउँदैन नि ?

हेर्दै जाउँ कसरी बन्ने हुन् । उनीहरुले कहाँ कहाँ पुगेर तामो तुलसी भाकेका छन्, त्यहाँबाटै होला खेल । तर, एउटा कुरा के हो भने शेरवहादुर देउवा भनेको सत्ता प्राप्तिका लागि जे पनि गर्न नहिच्किचाउने व्यक्ति हो भन्ने कुरा कांग्रेसकै नेताहरुले भन्ने गरेका छन् । उहाँको विगत पनि त्यस्तै छ । एकपटक फेरि उहाँ परीक्षामा हुनुहुन्छ ।

निर्वाचन आयोगले दिएको माघ १५ को डेडलाइनमा संसदले निर्वाचन सम्बन्धी सबै कानुन दिन सकेन, अब जेठमा स्थानीय चुनावको सम्भावना कम भयो, यसको जिम्मेवारी त तपाईहरुले पनि लिनुपर्ला नि ?

यसमा सबैको भागेदारी भन्दा पनि कसको के जिम्मेवारी हो त्यो बुझ्नुपर्छ । होलसेलमा सबैले जिम्मेवारी लिनुपर्छ भन्नु युक्तिसंगत हुँदैन । मूल जिम्मेवारी सरकारको हो । हामीलाई यो सरकारले चुनाव गराउछ भन्ने कहिल्यै लागेको थिएन किनकी चुनाव हुन नदिन र संविधान कार्यान्वयन कसरी गर्दा रहेछौ हेरौंला भनेर चुनौति दिने शक्तिले बनाइदिएको गठबन्धन हो यो । यो गठबन्धन चुनाव गराउन बनाइएकै थिएन भन्ने तीनबुँदे सहमतिले पुष्टि गरेको हो । आज आएर हाम्रो आशंका र आरोप पुष्टि भएको छ ।

यो त एकजनाको रीसले अर्काको काख फोहोर गर्ने जस्तो कुरा भएन र ?

मिडिया र बौद्धिक जगतलाई हाम्रो आग्रह छ कि,एमालेले भन्यो भनेर होइन स्वतन्त्र ग्राउण्डमा बसेर बिश्लेषण गरौं । नेपालका संविधानसभाले जारी गरेको संविधान ‘होम ग्रन’ (घरेलु उत्पादन) हो । हामीलाई संविधान जारी नगर भनेर क कसले धम्की र दबाब दिए भन्ने सबैलाई थाहा छ । तिनै शक्तिले संविधान त जारी गर्‍यौ, अब कसरी कार्यान्वयन गर्छौ, हामी हेरौंला भनेर खुलेआम धम्की दिएकै हुन् ।

त्यसरी अमूर्त कुरा भन्दा पनि प्रष्ट भन्नुस न..

(बीचमै रोकेर) हामीले संविधान जारी गरेको हाम्रै छिमेकीलाई मन परेको थिएन । जारी त गर्‍यौ, लागु कसरी गर्छौ भनेकै हो । यही संविधान कार्यन्वयन रोक्न एमाले माओवादी गठबन्धन भत्काउनु उसको मुख्य उद्देश्य थियो । त्यस क्रममा पुष्पकमल दाहाललाई आश र त्रासको पत्ति देखाएर गठबन्धन भत्काउन प्रेरित गरियो । आशको पत्ति तिमीलाई प्रधानमन्त्री बनाइदिन्छौं भन्ने थियो । त्रासको पत्ति भनेको बिगतका मानवता बिरोधी अपराधमा अन्तर्राष्ट्रिय अदालतमा उभ्याउने धम्की थियो । आश र त्रासको पत्ति देखाएर प्रचण्डलाई कब्जा गरेपछि एमाले नेतृत्वको सरकार ढल्नु स्वाभाविक थियो, किनकि हामीसँग बहुमत थिएन । त्यहीँबाट शुरु भएको थियो संविधान कार्यान्वयन हुन नदिन चुनाव हुन नदिने खेल । जसमा अहिलेको सत्ता गठबन्धन मोहरा बनेको हो ।

संविधान संशोधन गर्दै असन्तुष्ट पक्षलाई समेटेर चुनाव गराउने र संविधान कार्यान्वयन गर्ने मिसनमा ओली असफल भएर प्रचण्ड गठबन्धन बनेको यथार्थ स्वीकार गर्न पनि तपाईहरुलाई किन सकस भएको ?

संविधान संसोधन नौटंकी हो । जसलाई मनाउन भनेर गर्न खोजिएको छ, उनीहरु कसका भरिया हुन् भन्ने सबैले बुझेका छन् । तर समयभित्र चुनाव भएन भने नेपाल त संकटमा पर्छ, संविधान कार्यन्वयन हुँदैन त्यसपछि हिजो देखौंला भन्ने शक्तिको जित हुन्छ । त्यसकै लागि यो सबै नौटंकी भइरहेको हो ।

ओली सरकारले त कार्य योजना बनाएरै निर्वाचनको तालिका पारित गरेको हो । त्यसपछि त्यो गठबन्धन भत्काइएको थियो । कांग्रेस माओवादी र मधेसी मोर्चाबीच जुन कथित ३ बुँदे सम्झौता भयो,त्यसको मूल उद्देश्य चुनाव हुन नदिने र संविधान असफल पार्ने हो । यस काममा पुष्पकमल दाहाल र शेरवहादुर देउवा त्यो विदेशी शक्तिका भरिया बनेका मात्र हुन् भन्ने कुरा समयक्रमले आफैं पुष्टि गर्छ ।

संविधान संशोधनमा तपाईहरु अलिकति लचिलो हुनुभयो भने त संविधान कार्यन्वयन सहज हुन अवस्था अहिले पनि छ नि होइन र ?

संविधान संशोधन किन र कसका लागि ? विदेशी शक्तिलाई रिझाउन, उसका तुष्टि पूरा गर्न हामीले संविधान संशोधन गरिदिनुपर्ने ? होइन भने संविधानको धारा २७४ ले सिमांकन हेरफेरको अधिकार यो रुपान्तरित संसदलाई दिएकै छैन ।

होइन, अदालतले यसबारेमा भनिसक्यो, सीमांकन फेरबदलमा बहस हुन सक्छ, तर पारित भयो भने न्यायिक निरुपण अदालतले नै गर्छ भनिसक्यो । तपाईहरुसँग दुई तिहाई पुग्न नदिने संख्या छँदैछ, प्रक्रियामा गएर टुंगो लगाउन किन डराएको ?

हेर्नुस अदालतले प्रष्ट भनिसकेको छ । सीमांकन हेरफेरको अधिकार यो संसदलाई छैन । तर, अर्को कुरा के पनि हो भने, हामीलाई मतदानमा जान कुनै डर छैन । तर यो त नेपालको राष्ट्रिय हित र अखण्डताको कुरा हो ।

यो देश कसैले भोट हालेर बनाएको होइन । संसारका कयौं देश भोट हालेर अस्थित्व लोप भएका उदाहरण पनि छन् । हामीले खुलेआम देखिरहेका छौं, सुनिरहेका छौं । नेपालमा मधेशी र पहाडे दुई अलग राष्ट्र छन् । हिमाल पहाड र तराई कुनै पनि हालतमा अलग अलग प्रदेश हुनुपर्छ । यी सबै कुराको चूरो हामीले बुझेका छौं । त्यसैले सीमांकन हेरफेरको विषय असंवैधानिक भएकाले हामी यसमा छलफल र मतदान हुन दिन्नौं ।

विधेयक संसदमा तपाईहरुले बिरोध गर्दा गर्दै पनि दर्ता भइसकेको छ,अब प्रक्रिया त तपाईहरुले स्वीकार गरिसक्नु भयो नि ?

यसमा हामीले संसदीय प्रक्रियामा सभामुखको भूमिकामाथि प्रश्न उठेको देखेका छौं । उहाँ आफैंले पटक पटक गर्नु भएको रुलिङ भनेको प्रतिपक्षका सांसदहरु उभिएको अवस्थामा संसदको कारवाही अघि बढ्न सक्दैन भनेर भन्नुभएको हो । तर जसरी बिधेयक दर्ता गराइयो त्यसले सभामुखकेा भूमिकामा प्रश्न उठेको छ । जहाँसम्म प्रक्रिया अघि बढेको कुरा छ,संविधान विपरितको प्रक्रिया अघि बढ्न हामी दिँदैनौं । शेरबहादुर देउवा र प्रचण्डलाई मेरो चुनौति छ-हिम्मत छ भने धारा २७४ खारेज गरेर देखाऊ । हामी अरु विषयमा संसदमा छलफल गर्न तयार छौं ।

तपाईको कुरा कुरा त उपेन्द्र यादवसँग मिल्यो नि, उपेन्द्र यादवले पनि धारा २७४ खारेज नभई सीमांकन हेरफेर हुन नसक्ने भएकाले त्यसमा संसोधन गरौं भनेका छन् नि होइन ?

हो, बरु यो विषयमा उपेन्द्र यादवको कुरा संगतिपूर्ण छ । संविधानको धारा २७४ ले सीमांकन हेरफेर गर्ने अधिकारका बारेमा प्रष्ट व्यवस्था गरेको छ । जबर्जस्ती गरियो भने अदालतले उल्ट्याउँछ ।

त्यसैले प्रचण्ड र देउवाले २७४ खारेज गर्छौं भनेर आए हुन्छ । आखिर उनीहरु विदेशीका एजेण्डा बोक्ने भरिया बनेका छन् । भरियानै बनेपछि इमान्दार भरिया बन्नुपर्छ, बेइमान भरिया बन्नुहुँदैन । धारा २७४ कायम राखेर सीमांकन हेरफेर हुँदैन भन्ने कुरा उनीहरुले बुझेर पनि किन मालिकलाई धोखा दिँदैछन् ? यो मेरो प्रश्न हो ।

२०७३ माघ १७ गते ११:४० मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
४२ प्रतिकृयाहरू प्राप्त
  • कुशलदेव घिमिरे लेख्नुहुन्छ    |   २०७३ माघ १७ गते ११:००

    पहिलै हुनुपर्छ भन्ने सबै देशभक्तहरुको चाहना हो ।

    69
    50
    Share

  • Confused लेख्नुहुन्छ    |   २०७३ माघ १७ गते ११:१९

    Ha Ha Ha………. लास्टै हसाँयो केटोले त………

    36
    48
    Share

  • mahendra लेख्नुहुन्छ    |   २०७३ माघ १७ गते ११:२८

    मधेशमा एमालेको १००% सिट आउछन् ..हेरी राखौ ….?

    55
    40
    Share

  • jimmy लेख्नुहुन्छ    |   २०७३ माघ १७ गते ११:३०

    yo online le biases comment matra publish garcha,,hell emale

    21
    47
    Share

  • Dev bdr लेख्नुहुन्छ    |   २०७३ माघ १७ गते ११:३३

    100% cpnuml first partyhun6a election hos na

    66
    32
    Share

  • BHIM लेख्नुहुन्छ    |   २०७३ माघ १७ गते ११:४१

    KATA ULTO BATA ?

    32
    56
    Share

  • रोशन लेख्नुहुन्छ    |   २०७३ माघ १७ गते ११:४७

    लेखेर राख्नुस्, मधेसमा पनि एमाले पहिलो बन्छ
    हा‍‍ हा हा हा what a jokes.

    38
    69
    Share

  • kumar लेख्नुहुन्छ    |   २०७३ माघ १७ गते १२:२७

    Respected Ishwar Jee

    You are absolutely right that Sherbhahadur Dewa and Prachand are bhariya of someone. But you are dishonest not to say that what you and your other senior leaders are. In our opinion all of the leaders irrespective of the parties are bariya of someone.

    27
    16
    Share

  • himal लेख्नुहुन्छ    |   २०७३ माघ १७ गते १२:३२

    एमाले बन्छ अब निर्बाचन पछि सीमाले मा प्रबेस””” लेखेर लेखेर राख्नुस् 100000%

    24
    33
    Share

  • Shyam लेख्नुहुन्छ    |   २०७३ माघ १७ गते १२:४२

    मलाई उहाँले जनाताको पैसा चोरेर ट्यान्किमा लुकायको याद आउँछ । उनले भनेको कुरा बकबाश मात्र होला ।

    17
    39
    Share

  • बिरेन्द्र शाह लेख्नुहुन्छ    |   २०७३ माघ १७ गते १२:४४

    क.ईश्वर जी तराईका जनतालाई बजेट (ललिप)दिएर ठगिनेबाला अब छैन तराईका जनतालाई अधिकार चाहीएको छ.बुझीराख्नुस क.

    20
    44
    Share

  • XYZ लेख्नुहुन्छ    |   २०७३ माघ १७ गते १२:४८

    यदि आएन भने तिमी आत्महत्या गर्छौ/ म ठोकुवा दिन्छु ५ सिट पनि आउदैन/

    21
    40
    Share

  • Kopila Bhujel लेख्नुहुन्छ    |   २०७३ माघ १७ गते १३:०१

    मधेशमा एमाले पहिलो पार्टी बन्छ,हिमाल र पहाडमा त पहिलोमात्र होइन एक्लो बिजेत शक्ति बन्नेछ ।

    45
    15
    Share

  • Sanjiv Thakur लेख्नुहुन्छ    |   २०७३ माघ १७ गते १३:०२

    यो देश कसैले भोट हालेर बनाएको होइन । संसारका कयौं देश भोट हालेर अस्थित्व लोप भएका उदाहरण पनि छन् । हामीले खुलेआम देखिरहेका छौं, सुनिरहेका छौं । नेपालमा मधेशी र पहाडे दुई अलग राष्ट्र छन् । हिमाल पहाड र तराई कुनै पनि हालतमा अलग अलग प्रदेश हुनुपर्छ । यी सबै कुराको चूरो हामीले बुझेका छौं । त्यसैले सीमांकन हेरफेरको विषय असंवैधानिक भएकाले हामी यसमा छलफल र मतदान हुन दिन्नौं ।

    Really touchy

    33
    4
    Share

  • Surendra Bhandari लेख्नुहुन्छ    |   २०७३ माघ १७ गते १३:०३

    एमाले मुक्त मधेस भन्नेहरु, बाजा बजाउनेहरु कहाँ छन् ? हामीले देखेनौं, बरु कतिपय ठाउँमा उनीहरुलाई मधेसी जनताले लखेटेका छन् । सुनसरीको हरिनगरा एउटा उदाहरण हो ।

    40
    9
    Share

  • Amrit Rai लेख्नुहुन्छ    |   २०७३ माघ १७ गते १३:०४

    शेरबहादुर देउवा र प्रचण्डलाई मेरो चुनौति छ-हिम्मत छ भने धारा २७४ खारेज गरेर देखाऊ । हामी अरु विषयमा संसदमा छलफल गर्न तयार छौं ।

    37
    7
    Share

  • Shakil लेख्नुहुन्छ    |   २०७३ माघ १७ गते १३:०५

    Sbai Party lai tastai lagi rakhe chha

    10
    3
    Share

  • dp लेख्नुहुन्छ    |   २०७३ माघ १७ गते १३:०६

    बिदेशी भरियालाई लाठो लगाएर भगाउन पर्छ
    #जय_नेपाल

    30
    7
    Share

  • Indira Ghale लेख्नुहुन्छ    |   २०७३ माघ १७ गते १३:०७

    मेरो घर सुनसरी हो तर म अहिले तराई मधेशको एक परियोजनामा काम गर्छु । म कुनै पार्टीमा आबद्ध छैन । तर पनि मैले देखेको कुरा के हो भने झापा,मोरङ,सुनसरी,कैलाली,कन्चनपुर,रुपन्देही,कपिलबस्तु र नवलपरासीमा एमालेको भोट बढ्छ । विशेष गरि राजमार्ग क्षेत्रमा एमालेको एकलौटी जित हुन सक्छ । दक्षिणतर्फ मधेशी मोर्चा र कांग्रेसको बढि प्रतिस्पर्धा हुने देखिन्छ । पहाड र हिमालमा एमालेलाई कांग्रेसले कति टक्कर दिन सक्छ,त्यस आधारमा भावी दिनमा एमाले वा कांग्रेस को पहिलो बन्ने भन्ने निर्धारण हुन्छ होला ।

    38
    5
    Share

  • dp लेख्नुहुन्छ    |   २०७३ माघ १७ गते १३:०८

    बिदेशी भरियालाई लाठो लगाएर भगाउन पर्छ #जय_नेपाल

    22
    3
    Share

  • subash chapagain लेख्नुहुन्छ    |   २०७३ माघ १७ गते १३:१०

    काठमाण्डौमा बसेर बिस्लेषण नगरौ साथिहरु, कोशीमा पानी धेरै बगिसकेको छ ।
    हिजो भरौटेहरुको पछाडी लाठा लिएर हिड्ने मधेशी साथिहरुले पनि बिस्तारै कुरा बुझ्दै गएका छन् । हामी मधेशिहरुलाई राजेन्द्र महतोले खोजेजस्तो अंगिकृतहरुको बाहुल्यहुने मधेश होइन, असली नेपालीहरुको बाहुल्य हुने मधेश चाहिएको छ ।हामी मधेशीहरुलाइ पनि हाम्रो देश नेपाल चाहिएको छ । अनि हामीलाइ पनि राष्ट्रिय एकता चाहिएको छ । चुनाब आओस हामिपनि देखाउछौ , हाम्ले पनि मान्छेहरु चिनि सकेका छौ ।

    27
    2
    Share

  • sasi sah लेख्नुहुन्छ    |   २०७३ माघ १७ गते १४:०१

    madhesi le sochanuparchh.mao r kangresh le lalipup din x.tra adhikar dine hoin.

    8
    6
    Share

  • santosh panthi लेख्नुहुन्छ    |   २०७३ माघ १७ गते १४:४०

    desh banauni belama chai yo first ra u first gardai hidxau…..kunai party ko kura nagarnu kamred….baru ishowr pokhrel thik manxe hola….party aagadi lyauni desh ko lagi kam garnus….nepal nai amele hunxa madesh matra hoina…

    3
    3
    Share

  • Pabitra Nepal लेख्नुहुन्छ    |   २०७३ माघ १७ गते १४:५८

    Madhesh Madheshi ko navai Yemale ko baunharuko hunchha re ha….ha….ha
    (tyo pani lekher rakhnus re ha.. ha.. ha) Pani tyankima vrast dhan lukauneharu….

    5
    8
    Share

  • Aait Bahadur Maden लेख्नुहुन्छ    |   २०७३ माघ १७ गते १५:१४

    You are right on hills but for Terai there will be no change for UML, NC seems forward than Madese Morcha.
    UML needs work hard in Terai to win, because most of Madesh people are NC supporters. Illegal immigrants are in Madese Morcha.

    10
    3
    Share

  • Bituk pandey लेख्नुहुन्छ    |   २०७३ माघ १७ गते १५:२५

    Yo kunai kal khanda ko sapana jastai lagdaina ra.

    3
    12
    Share

  • Bituk pandey लेख्नुहुन्छ    |   २०७३ माघ १७ गते १५:२७

    Tara bidai ta bhai sakyo hoina ra AAAAAAAAAAAAAAAAMMMMMMMMMMMMle ko tarai bata

    7
    13
    Share

  • jimmy लेख्नुहुन्छ    |   २०७३ माघ १७ गते १५:५९

    yedi madhesi le emale lai bhot dinnu bhanda suicide garnu thik,,emale ko naam pani sunna chahanau hami ta

    9
    15
    Share

  • san tosh लेख्नुहुन्छ    |   २०७३ माघ १८ गते १०:४५

    Ishor jee Time time ma medicine linu.. UMA lai Matra Desh Ko maya xa hai….Haami Lai Laaj Lagxa ki Nepal ma UMA xa bhanera….Bihar Ko Neta Jatti PAni mansikta xaena..

    5
    4
    Share

  • ss लेख्नुहुन्छ    |   २०७३ माघ १८ गते १०:५५

    Kera jasto Online Khbar haamro euta pani Comments aaudaina kina

    7
    0
    Share

  • jimmy लेख्नुहुन्छ    |   २०७३ माघ १८ गते १४:५३

    oye ishware this is the joke of the year

    5
    2
    Share

  • kb Thapa लेख्नुहुन्छ    |   २०७३ माघ १८ गते १५:४३

    Guf Dine pani Limit huncha ni hajur………….. tapai haru lay garda ta des yao gati ma cha.

    4
    2
    Share

  • Keadr Thapa लेख्नुहुन्छ    |   २०७३ माघ १८ गते १५:४५

    Guf dine pani limit huncha neta jyu. Tapai jasta neta ko karan lay ta des khadi muluk bhayasakao.

    4
    2
    Share

  • Madhu paudel लेख्नुहुन्छ    |   २०७३ माघ १९ गते ९:३८

    You are right Ishwor Pokhrelji. Yes, there is a problem in Madhesh but that problem is not related with real madhesi. It is only for Bihari Dhoti, who are not satisfy with our Sambidhan.Real Madheshies are with you,Amale will win again in Madhesh.

    2
    4
    Share

  • Ramkrishna mahato लेख्नुहुन्छ    |   २०७३ माघ १९ गते ११:२८

    Madesh UML ko thio, xa ra hunexa!!!!

    4
    2
    Share

  • Sharada Parajuli लेख्नुहुन्छ    |   २०७३ माघ १९ गते १४:३३

    Dr.Ahiraj Yadab jasta doshro tanaka abama anya naya karyakarta taiyar garnus pakkai A Ma Le le jitcha.Chora lai haka idie bhanja lai pakkai didainan.

    0
    1
    Share

  • brahama dev yadav लेख्नुहुन्छ    |   २०७३ माघ २० गते १३:२६

    Neta Jew le diusai sapna dekhna thalyo ki kya ho ma bhanxu tapai lekhera rakhnus 2 no Pradesh maa ek sit pani aaundaina ani kasari ek no party aauncha madhesh maa

    2
    3
    Share

  • HEM BOHARA लेख्नुहुन्छ    |   २०७३ माघ २६ गते १०:२५

    मधेशमा एमालेको १००% सिट आउछन् ..हेरी राखौ YO MERO DABI HO

    0
    0
    Share

  • sujan budhathoki लेख्नुहुन्छ    |   २०७३ माघ २६ गते १५:१५

    आगमी चुनावमा नेकपा एमाले पहिलो पार्टी १००% हुन्छ किनकी नेकपा माओबादी केन्द्र र नेपाली काङग्रेसले बुझे अुन्छ हेरी राख अब देशमा एमाले बाहेक अरु कोही छैनन……।

    0
    0
    Share

  • anjan dhai thapa लेख्नुहुन्छ    |   २०७३ माघ २६ गते १७:०४

    aafule ma nae
    thulo vanne kati murkha ho?

    0
    0
    Share

  • khem raj sapkota लेख्नुहुन्छ    |   २०७३ माघ २६ गते १७:१५

    kera k bhaisi ko su garne sthal jasto… mero pani euta pani aaudaina

    0
    0
    Share

  • Push pa लेख्नुहुन्छ    |   २०७३ फागुन ४ गते १४:४४

    Hawadari gaff. Janata le ya ma le bhaneko bahunbad bhanne bhujhi sakeko 6

    0
    0
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this