२५ माघ, काठमाडौं । एनसेलका ग्राहकहरुले आफूले छानेको एउटा विषेश नम्बरमा अब अझ सुलभ दरमा कुरा गर्न सक्ने भएका छन् र रिङ ब्याक टोनमापनि ५० प्रतिशत छुटको मजा पनि लिन सक्नेछन् ।
बुधबारदेखि लागु हुने गरी एनसेलले भ्यालेनटाइन अर्थात प्रणय दिवशको अवसारमा दुई आकर्षक योजनाहरु सार्वजनिक गरेको छ । एनसेलका सबै प्रिपेड तथा पोस्टपेड ग्राहकले एउटा एनसेल नम्बरलाई आफ्नो नम्बरसँग पेयर गरी आफ्नो पि्रयजनसँग अझ सुलभ दरमा कुरा गर्न सक्नेछन् ।
आफ्नो नम्बरसँग आफुले चाहेको अर्को एनसेल नम्बर पेयर गरी मात्र ५० पैसा (कर बाहेक) प्रतिमिनेटमा कुरा गर्न सक्नेछन् । यसका साथै यो सेवा सुचारु गर्ने ग्राहकले १०० वटा एसएमएस निःशुल्क पाउनेछन् । प्राप्त एसएमएस १५ दिनको लागि मान्य हुनेछ र निःशुल्क एसएमएस पेयर गरिएको नम्बरमा मात्र पठाउन सकिनेछ ।
ग्राहकहरुले १७१०६ डायल गरी यो सेवा निःशुल्क सुचारु तथा आफुले चाहेको एनसेल नम्बर पेयर गर्न सक्नेछन् । ग्राहकले एस्टि्रक्स् १७१०६ एस्टि्रक्स् पेयर गरिने मोबाइल नम्बर ह्यास डायल गरेर पनि यो सेवा सुचारु गर्न सक्नेछन् ।
त्यस्तै एसएमएम मार्फत पनि यो सेवा सुचारु गर्न सक्नेछन् । यसका लागि ग्राहकले अंग्रेजीमा एड अर्थात एडिडि (ठूलो ए र सानो अक्षरमा डिडि) स्पेस पेयर गरिने मोबाइल नम्बर टाइप गरी १७१०६ मा एसएमएस पठाउन सक्नेछन् ।
त्यस्तै पिआरबिटी सेवाको छुट अन्तर्गत, एनसेलका सबै पि्रपेड तथा पोस्टपेड ग्राहकले १७११७ डायल गरी प्राप्त निर्देशनअनुसार २० वटा रोमान्टिक गीतहरुको सूचिबाट आफ्नो रोजाइको गीतलाई ५० प्रतिशत छुटमा आफ्नो रिङ ब्याक टोन बनाउन सक्नेछन् ।
आफ्नो साथीभाईलाई कल गर्दा बज्ने रिङ ब्याक टोन यदी मन परेमा ग्राहकले उक्त टोन बजिरहेको बेलामा एस्टि्रक्स् डायल गरि त्यस टोनलाई कपी गर्न सक्नेछन् । यसरी कपी गरिएको टोन यदी अफरको सुचिमा समावेश गरिएका २० वटा गीत मध्य भयो भने ग्राहकले रिङ ब्याक टोनमा ५० प्रतिशत छुट पाउनेछन् ।
”ग्राहकहरुका लागि सुलभ दरमा आफ्ना पि्रयजनसँग कुरा गर्न तथा निःशुल्क एसएमएसको मजा लिन सकिने यी अफरहरु ल्याउन पाउँदा हामी हषिर्त छौ,”एनसेलका कर्पोरेट संवाद विज्ञ मिलन शर्माले भने ।
”एउटा नम्बर पेयर गरी सुलभ शुल्कमा कुरा गर्न सकिने र ५० प्रतिशत छुटमा आफुलाई मन परेको गीत रिङ ब्याक टोन राख्न मिल्ने सुविधाले ग्राहकलाई थप मूल्य प्रदान गर्नेमा हामी विश्वस्त छौं” उनले थपे ।
दुवै अफरहरु १५ दिनको लागि मान्य हुने कम्पनीले जनाएको छ ।
