बिहीबार, ८ भदौ, २०७४
OnlineKhabar.com

चितवनमा पूर्वराजा ज्ञानेन्द्रको स्वागत, गाडीबाट ओर्लिएर फूलमाला ग्रहण

राजेन्द्र आचार्य

६ फागुन, चितवन । पत्नी कोमल शाहको जन्मदिन मनाउन पूर्वराजा ज्ञानेन्द्र शाह शुक्रबार चितवन पुगेका छन् । अपरान्ह भरतपुर बिमानस्थलमा पूर्वराजा दम्पत्तिलाई समर्थकहरुले स्वागत गरेका छन् ।

दुई दिन चितवनको मेघौलीमा बिताउन आएका पूर्वराजा दम्पतीलाई भरतपुर विमानस्थलमा राजावादीहरुले ‘राजा आउ, देश बचाउ’ लगायतका नारा लगाउँदै ब्यानर टाँगेर स्वागत गरेका थिए ।

पूर्वराजा शनिबारसम्म चितवनमै रहनेछन् । उनका सवारी चालक सुदन थापाले दिएको जानकारी अनुसार आइतवार उनी पुनः बारा र्फकनेछन् । बा ४ च ३८०७ नम्बरको पजेरो गाडी आफैंले चलाएर पूर्वराजा ज्ञानेन्द्र भरतपुर विमानस्थलबाट बाहिरिएका थिए ।

आरामका लागि भरतपुर गार्डेन रिसोर्ट जाने क्रममा उनले चौबीस कोठीमा भेला भएका समर्थकहरुलाई गाडीबाट ओर्लेर अविवादन गरेका थिए । त्यहाँ उनले समर्थकको स्वागतका रुपमा फूलमाला ग्रहण गरेका थिए । गार्डेन रिसोर्टमा पनि उनले चितवनका राजनीतिक दलका नेताहरुसँग भेट गरेका छन् ।

भ्रमणलाई नितान्त पारिवारिक भनिएको छ । उनी आजै मेघौली पुगेका छन् । पश्चिम चितवनको मेघौलीस्थित बाराही रिसोर्टमा पनि उनले शुभेच्छुकहरुसँग भेट गर्ने कार्यक्रम रहेको बताइएको छ ।

२०७३ फागुन ६ गते १७:५७ मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
१ प्रतिकृया प्राप्त
  • Keshar singh लेख्नुहुन्छ    |   २०७३ फागुन ७ गते ३:५२

    Uhan ko attyanta niji bhraman ma pani Kati pachhadi lagnu ??? Ki patrakar Jiu haru ley kunai rajniti gandha paunu va ho ki ??

    0
    0
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this