८ फागुन, काठमाडौं । बंगलादेशमा जारी शेख कमल अन्तर्राष्ट्रिय क्लव कप फुटबलमा मनाङ मस्र्याङ्दीले बिजयी सुरुवात गरेको छ ।
प्रतियोगिताको समूह बी मा रहेको मनाङले घरेलु टोली मोहमेदन स्पोर्टिङलाई दुई शून्यले हराएको हो ।
चितगोङस्थित मोहम्मद अजिज रंगशालामा सुरुवातदेखि नै मोहमेदनलाई दवावमा राखेको मनाङले पहिलो हाफमा गोल गर्न नसकेपछि दोस्रो हाफको सुरुमै अग्रता लियो ।
५३औं मिनेटमा रोहित चन्दको पासमा स्ट्राइकर ओलावाले अफिजले गोल गर्दै मनाङलाई अग्रता दिलाएका थिए । अफिज खेलको म्यान अफ द म्यानसमेत चुनिए ।
खेल सकिनु ३ मिनेटअघि मनाङले दोस्रो गोल गर्दै जित सुनिश्चित गरायो । बिशाल राईले गोल गरेका थिए ।
तस्वीरः दिल तामाङ/एनएसजेएफ
