१२ फागुन, काठमाडौं । सनराइज बैंक लिमिटेडको अगुवाइमा राष्ट्रिय वाणिज्य बैंक सहित संयुक्त सहभागितामा कास्कीको सराङकोटमा निमार्ण हुन लागेको २।३ किलोमिटर लामो केवलकार परियोजनाको वित्तीय व्यवस्थापन (फाइनान्सियल क्लोजर) सम्पन्न भएको छ ।
दुई बैंकको सहवित्तियकरण लगानी गर्नेगरि परियोजना अगाडी बढ्ने भएको हो । दुई बर्षमा सम्पन्न गर्ने लक्ष्य लिईएको उक्त परियोजना प्रतिष्ठित व्यवसायी कालु गुरुङ् तथा जापानी मुलका नेपाली नागरिक टाकासी मियाहाराले प्रवद्र्धन गरेका हुन् । अन्नपुर्ण केवल कार प्रालिको यो परियोजनाको कुल लागत रु. ८९ करोड ६० लाख अनुमान गरिएको छ ।
यो परियोजनामा बैकहरुले रु. ६६ करोड लगानी गर्ने छन् र यस आयोजना सम्पन्न भए पश्चात पर्यटकीय नगरी पोखराको पर्यटन प्रवद्र्धनमा थप टेवा पुग्ने विश्वास गरिएको छ ।