१५ फागुन, काठमाडौं । मधेसी मोर्चा सहमतिमा आएको अवस्थामा सरकारले संविधान संशोधन प्रस्तावमा पूरक प्रस्ताव लैजाने भएको छ ।
शनिबार प्रधानमन्त्री प्रचण्ड र कांग्रेस सभापति शेरबहादुर देउवावीच भएको भेटवार्तामा यस्तो सहमति भएको नयाँ पत्रिका दैनिकमा खबर छ ।
संविधान संशोधन प्रस्तावमाथि संशोधन पेश गर्न संसद सचिवालयले दिएको ७२ घण्टा अवधिभित्रै राजनीतिक तहमा सहमति जुटेको अवस्थामा सरकारले पूरक प्रस्ताव दर्ता गराउने सरकारको योजना रहेको प्रधानमन्त्री कार्यालय स्रोतलाई उल्लेख गर्दै पत्रिकाले लेखेको छ ।
समाचारमा उल्लेख भए अनुसार मधेसी मोर्चाका नेता लक्ष्मणलाल कर्णले अब सरकार र मोर्चा दुबै तर्फबाट संशोधनमाथि पूरक प्रस्ताव दर्ता हुने र त्यसपछि सहमतिको प्रयास गरिने बताएका छन् ।
पूरक प्रस्ताव ल्याइए अस्वीकार्य
उता प्रमुख प्रतिपक्षी दल नेकपा एमालेले भने मधेसी मोर्चाको माग बमोजिम पूरक प्रस्ताव ल्याइए अस्वीकार्य हुने बताएको छ ।
‘यो कुरा हामीलाई स्वीकार्य हुँदैन’ एमाले सचिव योगेश भट्टराईको भनाइ उधृत गर्दै योगेश भट्टराईले नयाँपत्रिकामा भनेका छन्-‘यो भन्दाबाहेक कुनै प्रस्ताव ल्याउनुको अर्थ स्थानीय तहलाई पंगु बनाएर विघटन गर्ने नियोजित षड्यन्त्र हो, हामीलाई मान्य हुँदैन ।’