शुक्रबार, १२ जेठ, २०७४
OnlineKhabar.com

दुई दर्जन प्रेमकथाको ‘पर्फ्युम’ बजारमा

अनलाइनखबर

काठमाडौं । समकालीन लेखनमा क्रियाशील दुई दर्जन लेखकहरुको प्रेमकथा सङ्कलित ‘पर्फ्युम’ सङ्ग्रह बजारमा आएको छ ।

पुस्तकमा आख्यान क्षेत्रमा स्थापितदेखि नयाँ पुस्ताका गरी २४ लेखकका २४ वटा कथा समेटिएका छन् । कथाहरुको सङ्कलन र सम्पादन राजकुमार बानियाँ र दीपक सापकोटाले गरेका हुन् ।

प्रकाशन संस्था इन्डिगो इन्कले पुस्तकमा कथाकारको रुपमा चिनिएका मात्र नभई साहित्यका अरु विधामा लेख्ने नयाँ-पुराना लेखकलाई पनि समेटेको जनाएको छ । संस्थाका अध्यक्ष विष्णुकुमार पौडेलले भने, ‘फरक स्वाद पस्किनका लागि विभिन्न लेखकलाई एकै ठाउँमा ल्याएका हौं ।’

पुस्तक बजारमा गइसके पनि आगामी साता औपचारिक कार्यक्रम गरेर लोकार्पण गरिने भएको छ ।

सङ्ग्रहमा कुमार नगरकोटी, नयनराज पाण्डे, अभय श्रेष्ठ, अमर न्यौपाने, विनोदविक्रम केसी, अश्विनी कोइराला, ऋचा भट्टराई, मनिषा गौचन, श्याम साह, लेनिन बञ्जाडे, अशोक सिलवाल, गणेशकुमार राईको कथा सङ्ग्रहित छ । यसका साथै सुबिन भट्टराई, मनोज दाहाल, नवीन विभास, उमा सुवेदी, दिनमान गुर्मछान, विमल आचार्य, बच्चु विक, मुनाराज शेर्मा, निरुपा प्रसून, राजु स्याङ्तान, रिविन र योगेश ढकालका कथा पनि पढ्न पाइनेछ ।

२०७३ चैत ६ गते १५:५१ मा प्रकाशित (२०७३ चैत १३ गते ०:१४मा अद्यावधिक गरिएको)
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this