शुक्रबार, ९ असार, २०७४
OnlineKhabar.com

पत्रपत्रिकाको फ्रन्टपेज- दलीय सहमतिबिना निर्वाचन गर्न गाह्रोः निर्वाचन आयोग

अनलाइनखबर

७ चैत, काठमाडौं । निर्वाचन आयोगले दलीय सहमतिबिना बैशाख ३१ गते स्थानीय तहको निर्वाचन गर्न कठिन हुने बताएको समाचारलाई सोमबार प्रकाशित प्रायः दैनिक पत्रिकाहरुले फ्रन्टपेजमा छापेका छन् । त्यस्तै सत्ताघटक राप्रपाले संसद सचिवालयमा हिन्दु राज्य माग्दै संविधान संशोधन प्रस्ताव दर्ता गरेको समाचारले पनि पत्रिकाहरुमा महत्वपूर्ण स्थान पाएको छ ।

यससँगै वरियता क्रममा उपप्रधानमन्त्री कमल थापा अघि भएकोप्रति अर्का उपप्रधानमन्त्री विमलेन्द्र निधिले आपत्ति जनाएकोलाई मुख्य समाचार बनाएको नयाँ पत्रिका दैनिकले आईजीपी विवाद फैसला आज हुनसक्नेलाई पनि प्राथमिकताका साथ उल्लेख गरेको छ । त्यस्तै आजदेखि पाँचखालमा बहुर्राष्ट्रिय सैन्य अभ्यास हुने समाचार र उपत्यका भित्रने १० नाका बन्दै गरेको समाचारले पनि फ्रन्टपेजमा स्थान पाएको छ ।

स्थानीय तहमा ३६ हजार ६ सय ३९ प्रतिनिधि निर्वाचित हुनेलाई मुख्य समाचार बनाएको अन्नपूर्ण पोस्ट् दैनिकमा  आईजीपी मुद्दा सुनुवाईप्रति सरकारी वकिलहरुले बहस गर्न अस्वीकार गरेकोलाई महत्वका साथ प्रकाशित छ । त्यस्तै राप्रपाको विधान संशोधन गरेर निर्वाचन आयोगले ‘अराजकता’ प्रस्तुत गरेको भन्दै समाचार छापेको छ ।

नागरिक दैनिकमा चीन जोड्ने १३ सडक योजना तीव्रताका साथ अघि बढेको समाचार र बैंकको चर्को ब्याजबाट ठूलालाई लाभ भएको तर सानालाई मर्का परेको समाचार महत्वका साथ छापिएको छ ।

निर्वाचन आयोगले समयमै निर्वाचन गर्न राजनीतिक वातावरण नबनेको भनेकोलाई मुख्य समाचार बनाएको कान्तिपुर दैनिकले मधेसी मोर्चासँग कार्यदलमार्फत सहमतिको प्रयास भएको समाचारलाई प्राथमिकता दिएको छ । त्यस्तै, राप्रपाद्वारा संविधान संशोधन प्रस्ताव दर्ता भएको समाचारले पनि महत्व पाएको छ ।

निर्वाचन आयोगले दलीय सहमतिबिना निर्वाचन गर्न कठिन हुने बताएको समाचारलाई नै मुख्य समाचार बनाएको राजधानी दैनिकमा राउटे समुदायको जीवनशैली फेरिँदै गएकोलाई एंकर समाचार बनाएको छ ।

अत्यधिक वायु प्रदूषणका कारण उद्घाटनको एक सातामै प्रदूषण मापनयन्त्र बिग्रिएको समाचारलाई गोरखापत्र दैनिकले महत्वका साथ छापेको छ । नेपाल समाचारपत्र दैनिकको फ्रन्टपेजमा मधेसी मोर्चाभित्रै कार्यकर्ता तानातान भएको समाचार प्रकाशित छ ।

२०७३ चैत ७ गते ५:५८ मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
२ प्रतिकृयाहरू प्राप्त
  • ramesh लेख्नुहुन्छ    |   २०७३ चैत ७ गते ७:४९

    pratika ko heading scan matra k natak gareko hola you onlinekhaber le. Your readership is going down editor jyu, be responsible in your profession.

    1
    0
    Share

  • ramesh लेख्नुहुन्छ    |   २०७३ चैत ७ गते ९:०६

    Good, the voice is heard. Another, do investigative journalism rather than superficial writing. I see many articles are biased, one-sided, sometimes they might disrupt social harmony. All the best onlinekhabar.

    1
    0
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this