बुधबार, १४ असार, २०७४
OnlineKhabar.com

प्रहरी प्रमुख जयबहादुर कि नवराज ? सर्वोच्चको फैसला आज

अनलाइनखबर

७ चैत, काठमाडौं । प्रहरी महानिरीक्षक नियुक्ति विवाद सम्बन्धी मुद्दामा सर्वोच्च अदालतले आज अन्तिम फैसला गर्दैछ । सरकारको तर्फबाट सरकारी वकिलले प्रतिरक्षा गरेपछि सर्वोच्चले अन्तिम फैसला गर्ने स्रोतको दाबी छ ।

गत फागुन १ गतेको मन्त्रिपरिषद बैठकले डिआइजी जयबहादुर चन्दलाई आइजीमा बढुवा गरेपछि अधिवक्ता कपिलदेव ढकालले त्यसविरुद्ध रिट दायर गरेका थिए । यसैगरी बढुवाका अर्का दाबेदार डिआईजी नवराज सिलवालले पनि रिट दायर गरेका थिए ।

सोमबारको अन्तिम सुनुवाइले गत फागुन १८ गते जारी अन्तरिम आदेश खारेज गरे जयबहादुर चन्दको सिफारिस कार्यान्वनको बाटो खुल्नेछ । तर, अन्तरिम आदेशलाई निरन्तरता दिए सरकारले फेरि नयाँ प्रहरी प्रमुख सिफारिस गर्नुपर्नेछ ।

चन्दको बढुवाविरुद्धको मुद्दाको अन्तिम सुनुवाईका लागि प्रधानन्यायाधीश सुशीला कार्कीको नेतृत्वमा पूर्ण इजलाश गठन गरिएको छ । आइतबार रिट निवेदकका तर्फबाट शम्भु थापा, भीमार्जुन आचार्य, ओमप्रकाश अर्याल, बद्रीबहादुर कार्कीलगायतले बहस गरेका थिए । तर, महान्यायाधिवक्ता रमणकुमार श्रेष्ठसहितका सरकार पक्षका वकिलले यसअघि अन्तरिम आदेश जारी गर्ने न्यायाधीश समेतको इजलासमा पेसी तोकिएको भन्दै इजलाश बहिस्कार गरेका थिए ।

अधिवक्ता कपिलदेव ढकालको रिटमा सुनुवाइ गर्दै गत फागुन १ गते प्रधानन्यायाधीश सुशीला कार्कीको एकल इजलासले निर्णय कार्यान्वयन नगर्न सरकारलाई अन्तरिम आदेश दिएको थियो । सोही दिन डिआइजी सिलवालले पनि सर्वोच्चमा रिट दायर गरेका थिए ।

२०७३ चैत ७ गते ११:२९ मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
२ प्रतिकृयाहरू प्राप्त
  • गाेकुल बाबु पाण्डे लेख्नुहुन्छ    |   २०७३ चैत ७ गते १२:०६

    सर्वोच्च अदालतले अन्तरिम आदेशलाई निरन्तरता दिदै सरकारले बरियता र चेन अफ कमाणड लाइ ध्यान मा राखी प्रहरी प्रमुख काे रुपका डिआईजी नवराज सिलवाल सिफारिस गराेस

    2
    0
    Share

  • Umesh sharma लेख्नुहुन्छ    |   २०७३ चैत ७ गते १२:२८

    कार्यपालिका लाई शुसिला कार्किले सन्चालन गर्ने भए पछी त अब प्रधान-मन्त्री ,मन्त्री लगायत पदहरु मा पनि उन्कै इजलास ले नियुक्ती गर्ने होलानी !!!कुकुर ले पुछार हल्लाउने हो कि ,पुछरले कुकुर हल्लाउने हो !!!हेर्न पाउने भए !!!!

    3
    1
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this