बुधबार, ७ भदौ, २०७४
OnlineKhabar.com
Advertisment
SKIP THIS
Advertisment
SKIP THIS

रविन्द्र अधिकारीको आरोप- सरकारले ९९ अर्ब रकमान्तर गरेर ब्रम्हलुट मच्चायो

अनलाइनखबर

७ चैत, काठमाडौं । संसदको विकास समितिका सभापति रविन्द्र अधिकारीले सरकारले बिभिन्न मन्त्रालयबाट ९९ अर्ब रुपैयाँ रकमान्तर गरेर राष्ट्रको ढुकुटीमा ब्रहृलुट मच्चाउन खोजेको आरोप लगाएका छन् ।

व्यवस्थापिका संसदको सोमबारको बैठकमा विशेष समय लिएर बोल्दै एमाले सांसद अधिकारीले निर्वाचन आचारसंहिता लागू हुनै लाग्दा चैत ४ गतेसम्म योजना नै नभएका ठाउँमा करीव एक खर्ब रुपैयाँ रकमान्तर गरेर आर्थिक अराजकता मच्चाइएको आरोप लगाए ।

उनले भने, ‘नियम अनुसार बढीमा १० प्रतिशतमात्र रकमान्तर गर्न पाइन्छ तर, आज ९९ अर्बभन्दा बढी रकमान्तर भएको छ । अर्थ मन्त्रालय आफैंमा आर्थिक अनुशासन मन्त्रालय हो तर, आज आर्थिक अराजकता मच्चाउने मन्त्रालय बनेको छ । योजना आयोग निरीह बनेको छ ।’

अधिकारीले सबैभन्दा बढी भौतिक पूर्वाधार मन्त्रालयबाट ४० अर्ब र सिंचाइ मन्त्रालयबाट ७ अर्ब रुपैयाँ रकमान्तर भएको दाबी गरे । त्यस्तै शहरी र शिक्षा मन्त्रालयबाट ५ अर्ब रकमान्तर भएको तथ्यांक उनले पेश गरे ।

एमाले सांसद अधिकारीले भने, ‘आज खर्च गरेर भोलि योजनामा राख्न स्वीकृत दिएको भन्ने जस्तो शव्द प्रयोग गरेर मुलुकको ढुकुटीमाथि ब्रम्हलुट गर्न खोजिएको छ । सरकारले संविधान, कानुन र नैतिकता सबै भूलेर राज्यको ढुकुटीमा लुट मच्चाएको छ, संसदले केही गर्न सकेन ।’

२०७३ चैत ७ गते १५:०१ मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
२ प्रतिकृयाहरू प्राप्त
  • Bibek gupta लेख्नुहुन्छ    |   २०७३ चैत ७ गते १५:५८

    When will election is fixed?

    0
    0
    Share

  • Pabitra Nepal लेख्नुहुन्छ    |   २०७३ चैत ७ गते १६:२८

    nab dhanadhya hundai gareka nakkali communistharuko sahi kura…….

    Sanchai, yiniharu communist hun ?????

    0
    0
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this