शुक्रबार, १३ साउन, २०७४
OnlineKhabar.com

आईजीपी विवादमा सर्वोच्चले भोलि फैसला सुनाउने

७ चैत, काठमाडौं । नेपाल प्रहरीको महानिरीक्षक नियुक्ति विवादमा सर्वोच्च अदालतको पूर्ण इजलासमा बहस सकिएको छ । फैसला भने भोलि मात्र आउने भएको छ ।

प्रधानन्यायाधीश सुशीला कार्की नेतृत्वको पूर्ण इजलासमा भएको बहसमा डीआईजी जयबहादुर चन्द पक्षका वकिलले बहस गरेनन् । सोमबार सरकारी वकिलको तर्फबाट दुई उपमहान्यायाधिवत्ता टीकेन्द्र दाहाल र रेवती त्रिपाठीले बहस गरेका छन् ।

चन्द पक्षका वकिलहरु अनुपस्थित भएपछि माइकिङ गरेर नाम बोलाइएको थियो । तर, सुशील पन्त, प्रेमबहादुर खड्का, महादेव यादव, सतिश खरेल लगायत वरिष्ठ अधिवक्ताहरु गएनन् ।

रिट निवेदन कपिलदेव ढकाल र डीआईजी नवराज सिलवालका वकिलले आइतबार नै बहस गरेका थिए । सिलवालका तर्फबाट बद्रीबहादुर कार्की, तुलसी भट्ट, भीमार्जुन आचार्य र टिकाराम भट्टराईले बहस गरेका थिए ।

बहस सकिएपनि प्रधानन्यायाधीश कार्कीले सर्वोच्च अदालतको बाषिर्क प्रतिवेदन बुझाउन राष्ट्रपति कार्यालय जानु परेका कारण सोमबार फैसला आउन सकेन ।

भोलि फैसला सुनाउने तय भएको रिट निवेदक अधिवक्ता ढकालले जानकारी दिए ।

सरकारले माघ ३० गते डीआईजी चन्दलाई प्रहरी महानिरीक्षकमा बढुवा गरेको थियो ।

तर, ढकालले दायर गरेको रिटमा प्रधानन्यायाधीश कार्कीको एकल इजलासले त्यही दिन निर्णय कार्यान्वयन नगर्न अन्तरिम आदेश दियो ।
प्रहरी प्रमुखका अर्का दावेदार सिलवालले पनि माघ ३० गते नै अर्को रिट दायर गरेका थिए । त्यसमा पनि प्रधानन्यायाधीश कार्कीकै इजलासले सुुनुवाई गर्दै चन्दलाई पदस्थापन नगर्न अर्को आदेश दिएको थियो ।

फागुन १८ गते हरिकृष्ण कार्की र तेजबहादुर केसीको संयुक्त इजलासले अन्तरिम आदेशलाई निरन्तरता दिएको थियो ।

२०७३ चैत ७ गते १८:०० मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
७ प्रतिकृयाहरू प्राप्त
  • गाेकुल बाबु पाण्डे लेख्नुहुन्छ    |   २०७३ चैत ७ गते १६:१८

    शासन व्यक्तिको हाेईन बिधिकाे हुन पर्छ सवाल
    अवकाे नेपाल प्रहरी आईजीपी नवराज सिलवाल

    1
    0
    Share

  • Subindra लेख्नुहुन्छ    |   २०७३ चैत ७ गते १६:३०

    Yo deshma je pani adalat MA adalat ko nyadish rajaniti neta uniharuko phaisala sabailai manne hune

    0
    0
    Share

  • एम एस लेख्नुहुन्छ    |   २०७३ चैत ७ गते १६:४३

    प्रहरी प्रमुख जस्तो पदको निर्णय यति लामो सम्म न्यायालयको कारण थांति राख्न मिल्छ ?

    0
    0
    Share

  • दिपक कार्की लेख्नुहुन्छ    |   २०७३ चैत ७ गते १६:५०

    नेपालको एक मात्र मर्यादित क्षेत्रमा पनि अचेल घुस्पेट र बैमानी सुरु भएको छ । समय छँदै सकिएको बहसको फैसला आखिर भोली किन ? ? ? ? के यो रात रह्ए अग्राख पलाउने सन्केत हो ? ?

    0
    0
    Share

  • केके लेख्नुहुन्छ    |   २०७३ चैत ७ गते १७:०१

    यी शुशिला कार्कीको कार्यकाल पनि सारै विवादास्पद हुने भो ।

    0
    0
    Share

  • BN लेख्नुहुन्छ    |   २०७३ चैत ७ गते १७:१२

    इजलास बहिस्कार इजलासको अपमान होइन र? घोषित रुपमा नै इजलास बहिस्कारले अदालतको अपमान गरेको मानिदैन र?

    0
    0
    Share

  • salin लेख्नुहुन्छ    |   २०७३ चैत ८ गते ११:३०

    nc amale ra maobadi ko sasan ma jasto bived ra ananya autocracy regime ma pani vayena. nepal police afai janta lai justice dine state organ ho . tara yaska harek nirnaya le officers lai justice ko lagi court jana badhya pariyekochha. yo police ko leadership ko gaddari ho.

    0
    0
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this