मंगलबार, १० साउन, २०७४
OnlineKhabar.com

आईजीपी विवादः डीआईजी अर्याल पनि अदालत पुगे, आफूलाई महानिरीक्षक बनाउन माग

अनलाइनखबर

डीआईजी प्रकाश अर्याल

७ चैत, काठमाडौं । नेपाल प्रहरीको महानिरीक्षक पदका लागि सर्वोच्च अदालतमा चलिरहेको विवादमा तेस्रो पात्रको प्रवेश भएको छ ।

डीआईजी जयबहादुर चन्द र नवराज सिलवालको मुद्दाको पूर्ण इजलासमा बहस सकिएकै दिन अर्का डीआईजी प्रकाश अर्यालले रिट दायर गरेका हुन् ।

चन्दलाई प्रहरी प्रमुख बनाउने निर्णयविरुद्ध अधिवक्ता कपिलदेव ढकाल र डीआईजी सिलवालले दायर गरेको रिटमा प्रधानन्यायाशीश सुशीला कार्की नेतृत्वको पूर्ण इजलासमा बहस सकिएको छ । र, भोलि फैसला सुनाउने तय भएको छ ।

तर, त्यही दिन अर्यालले आफूलाई प्रहरी महानिरीक्षक बनाउन माग गर्दै रिट दायर गरेका छन् । उनले आइतबार नै रिट दायर गर्न चाहेका थिए । तर, सर्वोच्च प्रशासनले दिनभर कुराएर पनि दर्ता नगरेको उनको गुनासो छ ।

सोमबार दायर भएको रिटमा चन्द र सिलवालको मात्र कार्यसम्पादन मूल्यांकन झिकाउने सर्वोच्चको आदेशले आफू अन्यायमा परेको अर्यालले जिकिर गरेका छन् ।

साथै उनले चन्दलाई प्रहरी महानिरीक्षक बनाउने निर्णय बदर गरी आफूलाई आईजीपी बढुवा गर्न मन्त्रिपरिषदमा प्रस्ताव पेश गर्न र बढुवा गरी पदस्थापन गर्न सरकारको नाममा परमादेश दिन माग गरेका छन् ।

दोस्रो बरियतामा रहेका डीआईजी अर्यालले रिटको टुंगो नलागेसम्म प्रहरी महानिरीक्षकमा कसैलाई बढुवा नगर्न अन्तरिम आदेशको पनि माग गरेका छन् ।

२०७३ चैत ७ गते १७:१५ मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
२ प्रतिकृयाहरू प्राप्त
  • rupen rautar लेख्नुहुन्छ    |   २०७३ चैत ७ गते १७:३३

    Ms sushila G Nepal Police Organization ko uper level ka Badhuwa prakriya ma sohi sangathan ka jawan, hawaldar, junior adhikrit, senior adhikrit marfat election garera sangathan pramukh chunne adhikar dinu parda6 kina ki sangathan ka karmchari bhanda arule bujheko hudain ko kasto 6 ra kasto karya sampadan gare6 so anya karyalay sarah afno sangathan pramukh aafai chain garna paunu par6

    0
    0
    Share

  • kishor singh karkee लेख्नुहुन्छ    |   २०७३ चैत ७ गते १८:२३

    आइजिपी जै बहादुर चन्द हुनु parछ

    0
    2
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this