शनिबार, ३ भदौ, २०७४
OnlineKhabar.com

सीमांकनलाई थाती राखेर कुनै सम्झौता गर्दैनौंः ठाकुर

एस.के. शान

सज्जन मेहताको घरमा तमलोपा अध्यक्ष महन्थ ठाकुर (बायाँ) ।

७ फागुन, सप्तरी । तराई मधेस लोकतान्त्रिक पार्टीका अध्यक्ष महन्थ ठाकुरले सीमांकनलाई थाती राखेर सरकारसँग कुनै सम्झौता नगर्ने बताएका छन् ।

बाहिर चर्चा भए जस्तो कुनै सहमति नभएको भन्दै उनले संविधान संशोधन नभई मधेसी मोर्चा चुनावमा जान नसक्ने बताए ।

गत फागुन २३ गते सप्तरीको मलेठमा प्रहरीको गोलीबाट मारिएका पाँच जनाको परिवारलाई भेट्न सप्तरी आएका ठाकुरले सीमांकन हेरफेरसहित संसदमा पेश भएको संम्शोधन विधेयक परिमार्जनसहित पास नभए मोर्चा निर्वाचनमा नजाने बताए ।

सरकार र मोर्चाबीच सहमति भएको कुराहरु बाहिर आएका सन्दर्भमा सञ्चारकर्मीले राखेको जिज्ञासामा मधेसी मोर्चाका नेता ठाकुरले भने, ‘अहिलेसम्म यस्तो कुनै सहमति भएको छैन र, यस्तो सहमति हामीले गर्दैनौं पनि ।’

जनआन्दोलन, मधेस आन्दोलनको मर्मलाई बुझ्दै आन्दोलनबाट आएका उपलब्धीहरुलाई संस्थागत गर्न संविधान संशोधन गर्नैपर्ने उनको भनाइ छ ।

‘प्रजातन्त्रमा बन्दुकको काम छैन’

तमलोपा अध्यक्ष ठाकुरले प्रजातान्त्रिक मुलुकहरुमा बन्दुकको काम नभएको बताउँदै शान्तिपूर्ण प्रदर्शन गर्नेमाथि बन्दुक चलाउने मुलुकलाई प्रजातान्त्रिक भन्न नसकिने बताए । ‘नेपालमा प्रजातन्त्रदेखि गणतन्त्र आइसकेको छ भनिन्छ’ उनले भने, ‘तर शान्तिपूर्ण प्रदर्शनमा समेत गोली प्रहार गरी जनता मार्ने देशलाई के भन्ने ?’

मृतक परिवारलाई २५/२५ हजार

मृतक परिवारलाई नै भेट्न आएका ठाकुरले पाँचै जनाको घरमा गएर सान्तवना दिएका छन् । मलेठ २ का सञ्जन मेहता, बिरेन्द्र महतो, मलेठ ४ का पिताम्बर मण्डल, जमुनी मधेपुरा गाविसका इनरदेव यादव र प्रसवनी गाविसका आनन्द साहको घरमा पुगेर उनीसहित उनका पार्टी नेताहरुले सान्वतना दिएका छन् ।

ठाकुरले पाँचै जनाको परिवारलाई रु २५ हजारका दरले नगद सहयोग समेत गरेको तमलोपाका जिल्ला अध्यक्ष रामपि्रत यादवले जानकारी दिए ।

२०७३ चैत ७ गते १७:२४ मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
१ प्रतिकृया प्राप्त
  • Manjit लेख्नुहुन्छ    |   २०७३ चैत ७ गते १७:४७

    falgun 7 ko news kinna aja hehe

    0
    0
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this