१० चैत, काठमाडौं । संसदमा नरहेका दलहरुलाई दलीय चुनाव चिन्ह नदिने व्यवस्थाविरुद्ध नयाँ शक्ति नेपाल पार्टीसहित २३ दल एक ठाउँमा उभिएका छन् ।
२३ दलले बिहीबार पत्रकार सम्मेलन गरेर स्थानीय तह निर्वाचन ऐनको विरोध गरेका छन् ।
संसदमा भएका २७ दललाई चुनाव चिह्न दिने र अरुले स्वतन्त्रको हैसियतमा चुनाव लड्नु पर्ने व्यवस्था विभेदकारी भएको उनीहरुले बताएका छन् । २३ दलले यसलाई खारेज गर्न र आफ्नो चुनाव चिह्नसहित चुनावमा भाग लिने वातावरण बनाउन सरकार र निर्वाचन आयोगसँग माग गरेका छन् ।
अन्यथा आफूहरु आन्दोलनमा उत्रने नयाँ शक्तिका नेता परशुराम तामाङले बताए ।
