१५ चैत, काठमाडौं । निर्वाचन आयोगले उपप्रधान एवं गृहमन्त्री विमलेन्द्र निधीसँग स्पष्टीकरण सोधेको छ ।
निर्वाचन आचारसंहिता विपरीत हेलिकोप्टर चढेको र सहीदलाई राहत बाँड्न हिँडेको भन्दै उजुरी परेपछि आयोगले निधीसँग स्पष्टीकरण सोध्ने निर्णय गरेको हो । गृहमन्त्री निधीलाई पत्र पठाएर स्पष्टीकरण सोधिएको आयुक्त नरेन्द्र दाहालले अनलाइनखबरलाई जानकारी दिएका छन् ।
‘दलहरुले शहीद परिवारलाई रकम दिँदा आचारसंहिता लाग्दैन, तर मन्त्रीले पाउँदैनन्,’ निर्वाचन आयुक्त नरेन्द्र दाहालले अनलाइनखबरसँग भने ।
नेकपा एमालेका संसदीय दलका उपनेता सुवास नेम्वाङको नेतृत्वमा मंगलबार निर्वाचन आयोग पुगेको गृहमन्त्री निधिविरुद्ध उजुरी गरेका थिए । एमालेले आचारसंहिता विपरीत कर्मचारी सरुवा, मन्त्रीहरुको हेलिकोप्टर दौडाहा र बजेट रकमान्तर गरेको भन्दै सरकारविरुद्ध पनि उजुरी दिएको छ ।
यो पनि पढ्नुहोस्
आचारसंहिता मिचियो भन्दै एमाले टोली निर्वाचन आयोगमा