Comments Add Comment

रुस विश्वकपमा छनौट हुने पहिलो देश बन्यो ब्राजिल

१६ चैत, काठमाडौं । पाँच पटकको विश्व च्याम्पियन ब्राजिल रसिया विश्वकपमा स्थान बनाउने पहिलो देश बनेको छ ।

विश्वकप छनौटमा ब्राजिलले पाराग्वेमाथि ३-० ले हराएको छ । साथै अर्जेन्टिना र उरुग्वे दुबैले हार व्यहारेको छ । यससँगै अब चार खेल खेल्न बाँकी रहेको ब्राजिल दक्षिण अमेरिकी समूहको शीर्ष चारमा पर्ने पक्का भएको छ ।

घरेलु मैदानमा भएको खेलमा ब्राजिलका नेयमारले पेनाल्टी मिस गरेका थिए । तर, उनीसँगै काउटिन्हो र मार्सेलोले गोल गरेपछि पाराग्वेमाथि ३-० गोल अन्तरको जित हात पार्न सफल भएको छ ।

जितसँगै ब्राजिलको १४ खेलबाट ३३ अंक  छ । र, दोस्रो स्थानमा रहेको कोलम्बियाभन्दा ९ अंकले अगाडि छ ।

एउटा प्रशिक्षकले ल्याएको फरक

एक वर्ष अघिसम्म ब्राजिल विश्वकप छनोटका लागि सघर्ष गरिरहेको थियो । दक्षिण अमेरिकी फुटबल विज्ञ टिम विक्की भन्छन्, सुरुवाती तीन खेल खेल्दा ब्राजिल छैटौं स्थानमा थियो र, विश्वकप गुमाउने खतरा थियो ।’

तर, डुंगालाई बर्खास्त गरेर टिटेलाई प्रशिक्षणको बागडोर दिएपछि ब्राजिलियन टोलीको खेल फेरिएको छ । ब्राजिलले लगातार ८ खेल जितेको छ, २४ गोल गरेको छ र, मात्र दुई गोल खाएको छ ।

फुटबल विज्ञ विक्की भन्छन् कि नेयमार र काउटिन्होले स्टाइलिस ब्राण्डले जस्तै खेल्न थालेका छन्, जुन विगतमा ब्राजिलको फुटबलमा हुन्थ्यो । यसले प्रशिद्ध पहिलो टिसर्टको प्रेममा धेरै परिसकेका छन् ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment