बुधबार, ४ असोज, २०७४
OnlineKhabar.com

बर्षका उत्कृष्ट ५ नायक (भिडियोसहित)

अनलाइनखबर

यो बर्ष ७ दर्जन बढी चलचित्र रिलिज भएका छन् । वैशाखदेखि चैत्रको २५ गतेसम्म नयाँ नेपाली चलचित्र रिलिज भए । जसमा औलामा गन्न सकिने केही चलचित्रले मात्र लगानी उठाए भने अधिकांश असफल भए ।

ती चलचित्रमा अभिनय गर्ने कलाकारहरुमध्ये पनि केहिको चर्चा बढी भयो त केहिको कम । केहिले बर्षैभरी काम पाए त धेरै समय खाली बसे । अनलाइनखबरमा हामीले, बर्ष २०७३ का उत्कृष्ट ५ नायकहरु को-को हुन सफल भए भनेर प्रस्तुत गर्दैछौं । कलाकारको चलचित्र रिलिज र त्यसको बक्स अफिस कलेक्शन, अनलाइनखबरमा ती नायकप्रति दर्शकले देखाएको चासो, उनीहरुको व्यस्तता, मिडिया चर्चा र बजारको मागलाई मुख्य आधार बनाएर हामीले उत्कृष्ट ५ नायकको छनोट गरेका छौं ।


५. अर्पण थापाः यो बर्ष नायक अर्पण थापाको व्यस्ततामा कमी आएन । उनले अभिनय गरेका ‘बाटो मुनिको फूल २, डाइङ क्यान्डल, विर विक्रम, लप्पन छप्पन’ जस्ता चलचित्र रिलिज भए । जसमा, विर विक्रमले व्यवसायिक रुपमा सफलता कायम गर्‍यो । ‘बाटो मुनिको फूल २, लप्पन छप्पन’को व्यापार औषत रह्यो ।

यो बर्ष चलचित्रमा अभिनय गरेर अर्पण थापाले सर्वाधिक चर्चा पाए ।

‘विर विक्रम, लप्पन छप्पन’मा उनले निर्वाहा गरेको भूमिकालाई सबैले रुचाए । विर विक्रमले हलमा लोभलाग्दो व्यापार गर्नुको पछाडि अर्पणको कमेडी शैली प्रशंसनिय छ । यसैले, उनी यो बर्षको उत्कृष्ट ५ नायकको पाँचौं नम्बरमा पर्न सफल भएका छन् ।

४. निखिल उप्रेतीः यो बर्ष नायक निखिल उप्रेतीको चर्चा भइनै रह्यो । यो बर्ष उनले अभिनय गरेका ‘किङ र निर्भय’ रिलिज भए । दुबै चलचित्र बक्स अफिसमा सफल सावित हुन सकेनन् । तर, पनि निखिलको क्रेज घटेन । सिंगल थिएटरमा निखिलको क्रेज कमजोर बनेन । यो बर्ष निखिल खाली नै बसेनन् । उनले यो बर्ष एकपछि अर्को चलचित्रमा काम गरे ।

हुनत, निखिलले अब चलचित्र कम खेलेनन् भने उनको स्टारडम र एक्सनको जादु चल्दैन भन्ने विश्लेषण गरिएको छ । निखिल बर्षभरि नै मिडियाको नजरमा परे । चलचित्र असफल भएपनि बर्षभरि नै व्यस्त बनेका निखिल हाम्रो उत्कृष्ट ५ नायकको सूचीको चौथो स्थानमा पर्न सफल भएका छन् ।

३. सौगात मल्लः बक्स अफिसमा यो बर्ष नायक सौगात मल्लको दम खासै चलेन । उनले अभिनय गरेको ‘लुट २’ले इनिसियल व्यापार राम्रो गर्‍यो भने ‘लप्पन छप्पन’ औषत रहन पुग्यो । ‘शब्द’ नामक चलचित्रले बक्स अफिसमा साह्रै कमजोर व्यापार गर्‍यो । तर, पनि मल्टिप्लेक्सका हलमा सौगातको चलचित्रको प्रतिक्षा दर्शकले सधै नै गरिरहे ।

चलचित्रले बक्स अफिसमा बम्पर कमाई नगरेपनि सौगातले आफ्नो भूमिकालाई भने गहन तरिकाले निर्वाहा गरे । अर्कोतिर, यो बर्ष सौगात मल्लको हात खाली रहेन । उनी, विदेशमा हुने चलचित्रको शोदेखि नेपालमा चलचित्रको छायांकनमा खुबै व्यस्त भए । नायिका श्रृष्टी श्रेष्ठसँगको प्रेम चर्चाले पनि उनलाई मिडियामा चर्चित बनाइ नै रह्यो । उनै, सौगात यो बर्षको उत्कृष्ट ५ नायकको तेश्रो स्थान ओगट्न सफल भएका छन् ।

२. अनमोल केसीः यो बर्ष नायक अनमोल केसीको एउटा मात्र चलचित्र रिलिज भयो, ‘गाजलु’ । यो चलचित्रले निर्माताको गोजीमा राम्रै रकम भरिदियो । अनमोलकै कारणले गर्दा हलमा दर्शक ओइरिए । जेठमा रिलिज भएको ‘गाजलु’पछि अनमोल एकाएक लुके । उनले चलचित्र ‘कृ’का लागि २० लाख पारिश्रमिक लिएर अनुवन्धित भए । २० लाख पारिश्रमिक लिने पहिलो नायक भएका कारण पनि अनमोलको चर्चा बर्षभरि नै भैरह्यो ।

चलचित्र कृको छायांकन सुरु नहुँदै अनमोलको स्टारडमका कारण यसले राम्रो हाइप पाइसकेको छ । चलचित्रका लागि अनमोलले गरेको मिहिनेतको बर्षभरि नै चर्चा भै नै भयो । नामकै आधारमा हलमा दर्शक ओइरिने एक मात्र नायक बने अनमोल । अनलाइनखबरमा अनमोलका हरेक समाचार दर्शकले चासो देखाएर पढ्नुभएको छ । यी र यस्तै कारणले अनमालले यो बर्ष ‘अनलाइनखबरको उत्कृष्ट ५ नायक’को सूचीमा दोश्रो स्थान ओगट्न सफल भएका छन् ।

१. दयाहाङ राईः यदि, यो बर्ष धेरै चलचित्र कसैको रिलिज भयो भने, त्यो दयाहाङ राइको मात्र भयो । ‘हाउ फन्नी, विर विक्रम, झुम्की, सेतो सूर्य, पुरानो डुङ्गा, लुट २, लप्पन छप्पन’ गरि कुल ७ वटा दया अभिनित चलचित्र रिलिज भए । जसमध्ये, ‘विर विक्रम र लुट २’ सफल भए । झुम्की, सेतो सूर्य असफल हुँदा, ‘हाउ फन्नी, पुरानो डुङ्गा, लप्पन छप्पन’ जस्ता चलचित्र बक्स अफिसमा त्यती साह्रो जमेनन् । यी चलचित्रमा दयाको कामलाई लिएर पनि आलोचना भयो ।

अफर आएका सबै चलचित्र खेलेको भन्दै दयाहाङ राइप्रति मिडिया र दर्शक नै सकारात्मक बन्न सकेनन् । तर, पनि दयाको व्यस्तता घटेको छैन । आउँदो बर्ष उनका आधा दर्जन बढी चलचित्र रिलिज हुने तयारीमा छन् । यसैले, दयाले आफ्नो अभिनयमा अब विविधता ल्याउनुपर्ने, कम चलचित्र खेल्नुपर्ने भन्दै दर्शकले आलोचना पनि गरेका छन् । यो बर्ष नायिका पि्रयंका कार्कीसँगको निकटताका कारण पनि दयाको चर्चा भयो । उनै, दया गतबर्ष जस्तै यो बर्ष पनि अनलाइनखबरको उत्कृष्ट ५ नायकको पहिलो स्थान ओगट्न सफल भएका छन् ।

२०७३ चैत २५ गते १८:३८ मा प्रकाशित (२०७३ चैत २८ गते १५:५२मा अद्यावधिक गरिएको)

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

९ प्रतिकृयाहरू प्राप्त
  • ABC लेख्नुहुन्छ    |   २०७३ चैत २५ गते १९:२८

    Anompl ko tasto lato jasto tastso pani top 2 re lag lagdaina gay ho tyo ta

    18
    10
    Share

  • सुरेन्द्र पुरी लेख्नुहुन्छ    |   २०७३ चैत २६ गते १४:०७

    धेरै फिल्ममा खेलेर उत्कृष्ट नायक भइन्छ? जसको अभिनय उत्कृष्ट हुन्छ त्यो पो उत्कृष्ट नायक हुन्छ ।
    १ अर्पण
    २ सौगात
    ३ दयाहाङ
    अरु नायक हुन कि नाइका थाहा छैन ।

    14
    23
    Share

  • pushpa लेख्नुहुन्छ    |   २०७३ चैत २७ गते १०:२८

    Mr. Anmol KC ,
    you need to learn acting !!!

    19
    1
    Share

  • गोपाल थापा लेख्नुहुन्छ    |   २०७३ चैत २७ गते १०:५५

    उत्कृष्ट नायक अनमोल नै हुन । नयाँ पुस्ताको लागी

    10
    22
    Share

  • काँचुली, देवचुली, नवलपरासी लेख्नुहुन्छ    |   २०७३ चैत २९ गते १७:३२

    I think

    1 दयाहाङ
    २ सौगात

    find other 3 ??

    8
    1
    Share

  • सुरज मगर नेपाली लेख्नुहुन्छ    |   २०७४ असार २० गते ९:०१

    केहो यार झन उत्कृष्ट नायक हरुको त झन नामै देख्न पाइएन।।।।

    1
    1
    Share

  • सुरज मगर नेपाली लेख्नुहुन्छ    |   २०७४ असार २० गते ९:०२

    केहो यार झन उत्कृष्ट नायक हरुको त झन नामै देख्न पाइएन।ज।।।

    0
    0
    Share

  • khaken bhatta लेख्नुहुन्छ    |   २०७४ साउन २६ गते १५:४०

    1 दयाहाङ

    0
    1
    Share

  • Naw Raj Devkota लेख्नुहुन्छ    |   २०७४ भदौ ७ गते २०:०९

    Hait, Daya hang Rai ni Nayak ho ra .nepali movie ma comedian laai ni nayak mando ra chha kyaa re ?teso bhaye ta deepak raj giri jhan super hiro ani Maha jodi super Duper hero hunuhunchha hola

    7
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this