मंगलबार, ६ भदौ, २०७४
OnlineKhabar.com
Advertisment
SKIP THIS
Advertisment
SKIP THIS

प्रचण्डजी कांग्रेसतिर नगएको भए म प्रधानमन्त्री बन्थें

'प्रचण्डलाई हामी चुँड्छौं, शेरबहादुरसँग सिद्धान्त छैन'

मात्रिका पौडेल

३१ चैत, काठमाडौं । एमाले अध्यक्ष केपी ओली उपचारका लागि थाइल्याण्ड गएपछि वामदेव गौतमले कार्यवाहक अध्यक्षको जिम्मेवारी सम्हालेका छन् । यहीबेला हामी समसामयिक राजनीतिबारे कुराकानी गर्न भैंसेपाटीस्थित गौतमनिवासमा पुग्यौं । जहाँ, कार्यवाहक अध्यक्ष गौतमले विगत, आगत र भविश्य तीनै कालको राजनीतिक समीक्षा गरे ।

विगतमा माओवादी अध्यक्ष प्रचण्ड कांग्रेसतिर नलागेको भए प्रधानमन्त्री बन्ने पालो आफ्नो आउने गौतमले विश्लेषण सुनाए । तर, अब ०७४ साल माघ ७ पछि एमालेको नेतृत्वमा कम्युनिष्टहरुको सरकार गठन हुने उनले भविश्यवाणी गरे । त्यसबेलासम्म प्रचण्डलाई कांग्रेसबाट चुँडेर एमालेतिर ल्याइने गौतमले भविश्यवाणी गरे ।

कार्यवाहक अध्यक्ष गौतम अन्तरवार्ताका क्रममा कांग्रेस सभापति शेरबहादुर देउवाविरुद्ध निकै आक्रामक रुपमा प्रस्तुत भए । देउवासँग ओलीको उखान टुक्काको अर्थ बुझ्ने क्षमता नै नरहेको गौतमले बताए । देउवा नेपाली भाषामा कमजोर रहेको र उनीसँग नैतिकतासमेत नभएको गौतमले थप आरोप लगाए ।

सरकारले संसदमा दर्ता गरेको संविधान संशोधन प्रस्तावलाई एमालेले कुनै हालतमा नमान्ने भन्दै गौतम कठोर रुपमा प्रस्तुत भए । आगामी चुनावमा कांग्रेस, माओवादी मधेसवादी सबै मिलेर आए पनि एमालेले एक्लै प्रतिवाद गर्ने र जनताले उनीहरुलाई हराइदिने नेता गौतमले ठोकुवासमेत गरे ।

पछिल्लो समय कांग्रेसका सभापति शेरबहादुर देउवा एमालेप्रति निकै आक्रामक बनेका छन् । के तपाईहरु देउवालाई प्रधानमन्त्री बन्न नदिनेतिर लाग्नुभएको हो र ?

हामी नेपाली कांग्रेसको सभापतिको नेतृत्वमा सरकारमा सामेल भएका हौं । तर, उहाँहरु हाम्रो नेताको नेतृत्वको सरकारमा आउनुभएन । उहाँहरुले बरु एउटा नक्कली सिद्धान्त खडा गरेर मुख्य प्रतिस्पर्धी पार्टी मिलेर सरकार चलाउनु हुन्न भन्नुभयो । सिद्धान्तविहीन मान्छेले जे मन लाग्यो त्यही बोल्छन् । शेरबहादुर देउवा सिद्धान्तविहीन मान्छे हुन्, जे पनि बोल्छन् । अहिले शेरवहादुरसँग कुनै बैचारिक मुद्दा नभएपछि अत्यन्त तल्लोस्तरमा उत्रिएका छन् ।

शेरबहादुरले उखान टुक्काले देश चल्ने भए कलाकार छन् भनेर केपी ओलीको बिरोध गरेको मैले सुनेँ । केपी ओलीको उखानटुक्का हो कि नेपाली भाषामा दख्खलको एउटा प्रमाण हो ? यति पनि नबुझेको र सडकमा मान्छेहरुले जे भन्छन्, त्यही विषयलाई उनले भाषणको विषय बनाए । त्यसपछि मैले बुझेँ शेरबहादुर देउवालाई नेपाली भाषामा दख्खल नै रहेनछ । नबुझेको मान्छेले टिप्पणी नै नगर्नु बेस हो । शेरबहादुर देउवासँग एक वर्षको दूरदृष्टि पनि छैन ।

एमाले देउवालाई प्रधानमन्त्री बन्न नदिने बाटोमा लागेको हो कि होइन ?

आफ्नो शक्तिमा प्रधानमन्त्री बन्नुस, राष्ट्रपति बन्नुस शुभकामना छ । हामी प्रतिपक्षमा बसेकाहरुले उहाँहरुको गठबन्धन तोड्ने, नयाँ गठनबन्धन बनाउने काम त हामीले गर्नैपर्छ । उहाँहरुले त्यसमा रीस राग गर्नुहुँदैन । उहाँहरुको गठबन्धन बलियो बनाए भैगो नि, हामीलाई किन आरोप लाउनु ? नेपाल राष्ट्रको विरुद्ध खडा भएको गठबन्धन तोड्ने प्रयास त हामी गरिरहन्छौं नि ।

तपाईहरुले प्रचण्डलाई काँध थाप्ने आश्वासन दिएको हो ?

हाम्रो मुख्य प्रतिद्वन्द्वी नेपाली कांग्रेस हो । अब हुने निर्वाचनमा पनि कांग्रेस नै प्रतिद्वन्द्वी हो । कांग्रेसले हाम्रो गठबन्धन तोड्नका निम्ति सबैभन्दा कमजोर विन्दु प्रधानमन्त्री पद र प्रचण्ड हो भन्ने बुझेर चुँडालेर लग्यो । हामीले पनि त्यस्तै किसिमले चुँडालेर अर्को गठबन्धन बनाउँछौं भने शेरबहादुर रिसिनु पर्ने जरुरी छैन । प्रचण्डलाई हामीले चुँड्नु सिद्धान्तसम्मत हुन्छ ।

खासमा माओवादी र हामी एउटा मोर्चाको हौं र कांग्रेस अलग मोर्चाको हो । हामी त मिल्नुपर्ने हो । हामीले यसै आधारमा माओवादीसँग मोर्चा खडा गरेका हौं । केपी ओली प्रधानमन्त्री भएको बेला एक वर्षअघि एकपटक देउवाले चुँड्ने प्रयास गरे । बीचमा ३ महिनासम्म फुट्न नदिएर प्रचण्डसँग कुरा गरेर मैले नै टिकाएको हो । भविश्यमा पनि हाम्रो मिल्ने सम्भावना छ । माओवादी र कांग्रेसको मोर्चा बनिरहने सम्भावना छैन । यसमा हामीले कुनै लप्पन-छप्पन गरेका छैनौं ।

भनेपछि यही जेठमै गठबन्धन भत्काउने कि ?

यो बीचमा चाहिँ हामी त्यस्तो गर्दैनौं । किनकि हामील्ााई निर्वाचन चाहिएको छ । अहिले सरकार फेर्न थाल्यौं भने चुनावमा असर पर्छ । अब माघ ७ पछि एमालेको नेतृत्वमा नेपालका सबै कम्युनिस्टहरुको सरकार बन्न सक्छ । त्यसअघि चाहिँ नहोला ।

मैले धेरैपटक प्रचण्डसँग कुरा गरेँ । हामीसँग हुन्छ हुन्छ भन्नुहुन्छ तर कांग्रेसलाई नै फाइदा हुने काम गरिरहनुभएको छ । उहाँलाई शेरबहादुरको डर देखिन्छ ।

प्रचण्डले आफू प्रधानमन्त्री बन्दै गर्दा एमालेका तीन जनालाई प्रधानमन्त्री बनाएँ, अब बामदेवजी बाँकी हुनुहुन्छ भन्दै तपाईलाई सघाउने संकेत गर्नुभएको थियो, यसबीचमा प्रचण्डबाट त्यस्तो सहयोगको सम्भावना देख्नुहुन्छ ?

मैले प्रचण्डजीलाई जे जति गुन लगाएको छु, त्यो गुनकै बदलामा उहाँले माधव नेपाललाई सरकारले मनोनित गर्ने सिटमा सांसद मनोनित गर्नुभयो । पछि प्रचण्डकै विरुद्धमा उहाँ प्रधानमन्त्री पनि बन्नुभयो । माधव नेपाललाई संसदमा ल्याउन मैले नै प्रचण्डलाई मनाएको थिएँ । झलनाथ र केपी ओलीलाई प्रधानमन्त्री बनाउन पनि मैले प्रचण्डसँग भूमिका खेलेको हो ।

तर, मैले प्रचण्डलाई यो भन्दा पनि धेरै गुन लगाएको छु । उहाँले गुन तिर्न सक्ने भन्दा बढी गरेको छु । त्यसैले उहाँ यस्तो कुरा भनिरहनु हुन्छ ।

तर, प्रधानमन्त्री बन्न तपाईलाई एमालेबाटै बाधा भएको हो ?

त्यस्तो होइन । एमालेबाट कुनै बाधा थिएन र छैन । प्रचण्डजी फुटेर कांग्रेससँग मिल्न नगएको भए प्रचण्डजीले एउटा कार्यकाल र त्यसपछि एमालेको अर्को कार्यकाल आउने अवस्थामा म प्रधानमन्त्री बन्ने अवस्था आउने थियो ।

अब प्रधानमन्त्री बन्ने पालो आउँदा केपी ओलीले तपाईलाई न्याय गर्नुपर्छ भन्ने हो ?

मलाई कसैले न्याय दिनुपर्दैन । म न्यायको बाटोमा हिँडिरहेको छु । मलाई पार्टी सदस्यहरुले न्याय दिने हो । कुनै नेताहरुले न्याय दिनुहुन्छ भन्ने आश पनि छैन ।

एकाएक आश मरेको किन नि ? केपी ओलीले के आश्वासन पूरा गर्नुभएन ?

उहाँ प्रधानमन्त्री भएपछि कार्यवाहक अध्यक्ष मैले सम्हाल्ने कुरा भएको थियो । संसदीय दलको नेता पार्टी अध्यक्ष जितेपछि मलाई दिने भन्ने पनि थियो । मैले पछि बिचार गरेँ, यो संसदीय व्यवस्थामा पार्टी अध्यक्ष संसदमा छ भने अध्यक्ष नै संसदीय दलको नेता हुनुपर्छ । झलनाथ खनाल अध्यक्ष हुँदाहुँदै उहाँलाई दलको नेता बन्नबाट रोक्यौं, त्यो गल्ती मैले महशुस गरेँ । अहिले केपी ओली अध्यक्ष हुनुहुन्छ । उहाँले भने पनि म संसदीय दलको नेता हुने थिइनँ ।

केपी ओलीसँग गुनासो छ कि छैन ?

अब अहिले केपी ओलीले जे गरिरहिनुभएको छ, मेरो कुनै गुनासो छैन । असहमति पनि छैन । तर, एमालेमा मेरो कुनै गुट छैन । महाधिवेशनमा केपी ओलीलाई साथ दिएँ, अध्यक्ष बनाएँ । केपीको गुटबाट जितेँ । तर, त्यसपछि मेरो गुट छैन ।

अब वर्तमान राजनीतिबारे कुराकानी गरौं, संविधान संशोधन विधेयक तपाईहरुको आग्रह बमोजिम फिर्ता भयो । र, चुनावका लागि नयाँ सहमति गरौं भनेर नयाँ विधेयक ल्याउँदा पनि तपाईहरुले बिरोध गर्नुपर्ने किन ?

यसअघि संविधान विरोधी प्रस्तावलाई हामीले संसदमा प्रस्तुत हुन दिएका थिएनौं । सर्वोच्च अदालतले हाम्रो अडान नै सही देखायो । हामीले यो प्रस्ताव फिर्ता हुनुपर्छ भनेका थियौं । सरकारले फिर्ता लियो यो ठिकै छ । तर, अहिलेको जुन नयाँ संशोधन आएको छ, यो पहिलेको भन्दा पनि झनै प्रतिगामी छ । यसलाई हामी स्वीकार गर्न वा समर्थन गर्न सक्दैनौं ।

तपाईहरुले सीमांकन हेरफेरको विरोध गर्नुभएको थियो, त्यो हटाएर संशोधन प्रस्ताव ल्याइएको छ, यो कसरी प्रतिगामी भयो ?

यसमा मुख्यतः दुई विषय आपत्तिजनक छन् । पहिलो कुरा त, स्थानीय तहका जनप्रतिनिधिलाई राष्ट्रियसभाको निर्वाचक मण्डलबाट हटाउने कुरा दीर्घकालिन रुपमा राष्ट्रघात हुने खालको छ ।

हामी संघीयतामा प्रवेश गर्दाखेरि स्थानीय तह बलियो भएको संघीयतामा गएका हौं । स्थानीय तहलाई भारतको जस्तो सरपञ्च खडा गर्ने होइन, स्क्यान्डेभियन मोडल अपनाएका हौं । तर, अहिले एकाएक किन स्थानीय तहका प्रमुख र उपप्रमुखलाई निर्वाचक मण्डलबाट हटाउन खोजिँदैछ ? यो त कुनै हालतमा स्वीकार गर्नै सकिन्न ।

जनताका अधिकार खोसेर सीमित व्यक्तिले राष्ट्रिय सभाका सांसद छान्ने व्यवस्था गर्न लागिएको छ । यो त स्थानीय तह समाप्ति गर्ने कुरा भयो । नेपाललाई बहुराष्ट्रिय राज्य बनाउने चालभित्र यो आइरहेको छ । जति प्रदेश छन्, ती सबैलाई राष्ट्र बनाउने र संघ चाहिँ ती राष्ट्रहरुको संयोजनकारी अंग हुने अवधारणा अनुसार उहाँहरुले स्थानीय तहलाई भंग गर्न खोज्नुभएको छ ।

दोस्रो चाहिँ संविधानको धारा २७४ को संसोधन गर्ने कुरा अहिले आएको छ । यो त झनै प्रतिगामी र संविधानवादको विपरीत छ । त्यो संशोधनको आशय के हो भने, प्रदेश सभाको अधिकार कटौति गरेर केन्द्रमा त्यो अधिकार ल्याउने । सदा कालका निम्ति पनि होइन, अहिलेकै सरकारले आफ्नो पक्षमा दुई तिहाई खडा गरेर केन्द्रले निर्णय गरिदिने र ७ को ठाउँमा ८,९ प्रदेश बनाउने वा चार/पाँच प्रदेशमा झार्ने नियतबाट यो संसोधन ल्याइएको छ ।

प्रदेशलाई जुन धाराले अधिकार दिएको छ, त्यो धारालाई नै समाप्त पार्ने गरि आएको छ । नरहे बाँस, नबजे बाँसुरी जसरी जुन धाराले प्रदेशलाई अधिकार दिएको छ, त्यो धारा नै समाप्त पार्ने ढंगले आएको छ । यो संघीयता विरोधी र संविधानवादको बिरोधी छ । यसकारण हामीले यसको समर्थन गर्न सक्दैनौं ।

तर, यी दुई बाहेक अन्य ६ वटा विषयमा एमालेको सहमति हो ?

होइन । हुँदै होइन । भाषा, नागरिकता र राष्ट्रियसभामा प्रतिनिधित्व जस्ता विषयमा हाम्रो बिरोध यथावत छ । जहाँसम्म सीमांकन आयोगको कुरा छ, त्यसमा हाम्रो विरोध छैन । त्यो आयोग भनेको ठूलो कुरा होइन । नेपाल सरकारले जुन बेला चाहियो, त्योबेला बनाउँछ । चाहेको बेला भंग गर्न सक्छ । यो आयोग बनाउने कुरा त केपी ओली प्रधानमन्त्री भएकै बेला ल्याएको हो ।

प्रधानमन्त्री प्रचण्डले सबैलाई मिलाएर चुनावमा जाने वातावरण बनाउन यस्तो प्रस्ताव ल्याउनुभएको छ, तपाईहरु चुनावका लागि अलिकति लचिलो बन्न सक्नुहुन्न ?

प्रधानमन्त्री प्रचण्डजी मेरो घनिष्ठ मित्र हो । उहाँ र मेरोबीच मित्रता छ । तर, उहाँले अहिले जसरी एमालेको समेत सहमतिमा नयाँ प्रस्ताव ल्याएको भनेर जालझेलपूर्ण कुरा गरिरहनुभएको छ, त्यसले मलाई दुःखित बनाएको छ । उहाँले कुनै छलफल गर्नुभएको छैन र हाम्रो सहमति पनि छैन । अहिले जे जति संशोधन उहाँले ल्याउनुभएको छ, त्यसको औचित्य पुष्टि नगरी त कसरी सघाउन सकिन्छ र ? यो संशोधनले चुनावलाई अनिश्चित बनाउनेमात्र हो । यसमा उहाँलाई सघाउन सकिन्न ।

संविधान संशोधन विरुद्ध तपाईहरुसँग सरकारलाई दुई तिहाई पुग्न नदिने संख्या अब नरहेको हो ?

त्यस्तो शंका नगर्नुस । तर, उहाँहरुले चाहिँ त्यस्तो सपना देख्नुभएको छ । हामी त्यस्तो गर्न सक्छौं भन्नुभएको छ । कांग्रेसका सभापति शेरवहादुर देउवाजीले त हामी अनेकौं चलखेल गर्छौं भन्नुभएको छ । त्यसको अर्थ हामी पैसा खर्च गरेर भने पनि दुई तिहाई बहुमत पुर्‍याउछौं भन्नुभएको हो । उहाँ यस्तो खेलमा माहिर हुनुहुन्छ ।

तपाईहरु पनि त एकातिर चुनावको झ्याली पिट्ने,अर्कोतिर चुनावका लागि मधेसी मोर्चालाई मनाउने सरकारको प्रयासमा साथ पनि नदिने दोहोरो खेल देखियो नि ?

हामी संविधानलाई अपाङ्ग बनाएर, नेपालको सार्वभौसत्ता, अखण्डतामाथि खतरा निम्त्याएर मधेसी मोर्चा चुनावमा आउँछ भने यति त मान्दिनुस् भन्ने कुरा आउँछ भने हामी त्यसमा सहमत हुन सक्दैनौं ।

मधेसी मोर्चा चुनावमा आउँछ भन्ने नाममा अनुचित कुरामा सम्झौता हुन सक्दैन । मधेसी मोर्चा नआए पनि चुनाव हुन्छ । अरु पनि धेरै दल छन्, सबै चुनावमा नआउन सक्छन् । जसले हामीले भनेको नभए मधेस अलग देश हुन सक्छ भनेर धम्क्याउँछन्, उनीहरुसँग लतारिएर जान एमाले सक्दैन ।

तर, तपाईहरुको यही अडानकै कारण मधेसमा तपाईहरु विरुद्ध प्रचार भइरहेको छ, यतिसम्म कि एमालेले मधेसी र थारुको अपमान गरेको भनेर कांग्रेस सभापति शेरवहादुर देउवाले समेत आरोप लगाएको सुन्नुभएन ?

शेरबहादुर देउवा नेपाल बिरोधी हुन् । नेपालको स्वतन्त्रता र सार्वभौमसत्ता बिरोधी हुन् । जो नेपालको विरुद्धमा खडा भएका छन्, उनीहरुले हामीलाई मधेसी बिरोधी, जनजाति बिरोधी भन्नु एकदम स्वाभाविक हो । किनकि जनता नभड्काई हाम्रो शक्ति कमजोर बनाउन सकिँदैन ।

हामीले जुन अडान लिइरहेका छौं, उनीहरुसँग त्यो छैन । उनीहरुसँग कुनै बिचार, सिद्धान्त र एजेण्डा छैन । शेरवहादुर देउवा जस्ता व्यक्तिले के आरोप लगाए भन्ने कुराको अर्थ छैन ।

भिडियो

मधेसी र थारुलाई अधिकार दिन खोज्दा एमाले बाधक बन्यो भन्ने देउवाको आरोप छ नि ?

शेरबहादुर जस्ताको प्रतिवाद गर्नुपर्छ र ? कैलाली र कञ्चनपुरमा त्यहाँका थारु अगुवाले हामीलाई ५ नम्बर प्रदेशमा मिसिन देऊ भन्दाखेरि कुरै सुन्न नचाहने शेरबहादुर देउवा हुन् । कैलाली कञ्चनपुरको एक इञ्च जमिन पनि थारुलाई दिइन्न भन्ने शेरबहादुर होइनन् ? के त्यो जमिन उनको बिर्ता हो ? सिद्धान्तविहीन र तर्कविहीन भनाइ हुन् उनका । के कारणले उहाँले कैलाली कञ्चनपुरलाई बाँके बर्दियासँग मिसिन दिनुहुन्न, के कारणले ५ नम्बर प्रदेशका पहाडी जिल्लालाई जसरी पनि छुट्याउनुपर्छ भनेर लाग्नुभएको छ ? प्रष्टै छ, उहाँ तत्कालको फाइदाका लागि जे पनि गर्ने व्यक्ति हो । कुनै सिद्धान्त, निष्ठा र नैतिक नभएको मान्छे हो । जसले थारुलाई एक इञ्च छाडिन्न भन्छ, उसले थारु र मधेसीलाई अधिकार दिन एमालेले मानेन भन्दा कसैले पत्याउदैन ।

तर, अहिले मधेसको माग एमालेले मात्रै नमानेर बिग्रिएको होइन र ?

मधेसी मोर्चा र मधेसी जनता फरक हुन् भन्ने नबुझेसम्म देशले निकास पाउँदैन । के मधेसी मोर्चा भनेको तराई मधेसको प्रतिनिधि संस्था हो ? उसले सबै मधेसीको प्रतिनिधित्व गर्छ ? मोर्चासँग केही हजार मान्छे छन्, एमालेसँग त लाखौं मधेसी जनताको मत छ ।

मधेसी जनताका नाममा विदेशीका एजेण्डा बोक्ने दलालहरुले भनेको एमालेले मानिदिनुपर्ने भन्ने उहाँहरुको भनाइ हो भने त्यो एमालेले मान्दैन । एमालेले मधेसी जनताको पक्षमा आउने जुनसुकै प्रस्तावको अगुवाइ गर्छ । तर मधेसी मोर्चाको अनुचित कुनै पनि माग पूरा गराउन साथ दिँदैन ।

त्यसो भए अहिले शेरबहादुर देउवाले तपाईहरुमाथि लगाएको आरोप चुनावी खपतका लागि मात्रै हो त ?

चुनावी खपतको लागिमात्र होइन, उनले विदेशीको अगाडि आत्मसमर्पण गरेका हुन् । राष्ट्र विखण्डन गछौर्ं भन्नेहरुका अगाडि लम्पसार परेका हुन् । शेरबहादुर देउवाको कुनै सिद्धान्त नै छैन । जे गर्दा तत्काल फाइदा हुन्छ त्यही गर्ने हो ।

तपाईहरुको यही अडानका कारण मधेसमा तपाईहरु विरुद्ध सबै पार्टी एकजुट भएको थाहा छ कि छैन ?

यिनीहरु सबै पार्टी मिलेर एमाले बनाएका हुन् र हामी डराउने ? सबै मिलेर एमालेसँग लड्न बाध्य भएका छन् । यसले पनि के सिद्ध गर्छ भने एमालेले लिएको अडान सही छ । उनीहरु कमजोर भएर एमालेविरुद्ध मधेसमा एकजुट भएका हुन् । एमालेलाई कमजोर बनाउने बिचारको पक्षमा कांग्रेस, माओवादी, मधेसी मोर्चा एक ठाउँमा भएका छन् ।

बहुदलीय व्यवस्थामा प्रतिपक्ष विरुद्ध सत्तापक्षहरुकाले मोर्चा बनाउने काम संसारमा कहीँ नभएको नेपालमा भइरहेको छ । हामी त यसबाट कत्ति पनि डराएका छैनौं ।

तर, यही मोर्चा चुनावसम्म गयो भने तपाईहरुलाई पराजित गर्न सजिलो होला नि ?

एमाले विरुद्ध उनीहरु एकजुट भएर गए भने नेपाली जनताले थाहा पाउँछन्, जनता अरु उर्लेर एमालेको पक्षमा आउँछन् र चुनावमा यिनीहरुको मोर्चालाई धरासायी बनाउँछन् । कांग्रेसलाई धरासायी बनाउँछन् ।

मधेसीलाई अधिकार दिने सवालमा एमाले किन यति धेरै अनुदार भएको ?

मधेसीलाई अधिकार दिने भनेको मोर्चाका केही नेताले जे भन्यो, त्यही मान्नुपर्ने हो भने त्यसमा एमाले अझै अनुदार हुन्छ ।

तराईमा के-के अधिकार जाँदाखेरि त्यहाँका जनता सशक्त हुन सक्छन् र जीवनस्तर माथि उठ्छ ? मधेसका जनताको सामाजिक न्यायको हक कसरी स्थापत गर्ने भन्नेमा कुनै कुरा छैन । उनीहरुको त्यसमा कुनै चासो छैन । उनीहरुको एउटै कुरा छ, झापादेखि कञ्चनपुरसम्मको समथर भूभाग हाम्रो हो, यहाँ एमाले आउन पाउँदैन, पहाडे छिर्न पाउँदैनन् । के यो तराईका जनताको माग हो ? यसो गर्दा मधेसीले अधिकार पाउने हुन् ?

मोर्चा भनेको कुनै विदेशी प्रभुको नेपाली प्रतिरुप हो । यिनलाई बेखुसी बनाउँदा उनीहरु बेखुसी हुन्छन्, त्यसैले यिनीहरुको पाउमा लम्पसार परेर आफ्ना प्रभु खुसी बनाउन शेरबहादुर जस्ताले आरोप लाउँदैमा एमाले मधेस बिरोधी हुँदैन । मधेसी जनताको सच्चा प्रतिनिधि एमाले हो ।

तर, मधेसमै एमालेका नेता कार्यकर्ता रक्षात्मक अवस्थामा पुगिसके नि ?

मधेसी मोर्चाको आवरणमा सत्तापक्षका अपराधिक व्यक्तिले हाम्रा मधेसी नेता कार्यकर्तामाथि हमला गर्दैछन् । यदि सरकारले जनताको रक्षा गर्दैन, एमालेका नेता कार्यकर्ताको सुरक्षा गर्दैन भने एमाले आफैंले सुरक्षा शक्ति निर्माण गरेर आफ्ना कार्यकर्ता संरक्षण गर्न सक्छ ।

हामीले आफैं लड्ने भिड्ने गर्नु हुदैन भनेर मात्र सहेको हेा । नत्र मधेसमा हाम्रा कार्यकर्तामाथि ज्यादती बढ्यो भने हामी आफ्नो सुरक्षाका लागि उपाय अपनाउन बाध्य हुनेछौं ।

कुनै पनि कुरा नमान्दा, मधेसमा हारिने डर छैन ?

मधेसी मोर्चाका नेताहरुले हामीले भनेको माग पूरा नगर्ने हो भने हामी देश टुक्राउछौं भनिरहेका छन् । उनीहरुको यस्तो भनाइबाट डराएर हामी हात जोड्दै जान्छौं भन्ने कसैले सोचेको छ भने त्यो नचिताए हुन्छ । शेरबहादुरजी उनीहरुको खुट्टामा तेल लाउन जानुहोस् । मधेसको नाममा जुन नयाँ-नयाँ मागहरु ल्याइएको छ, त्यो महन्थ ठाकुर, उपेन्द्र यादव, राजेन्द्र महतको माग हो । मधेसी जनताको माग होइन ।

जहाँसम्म चुनाव हार्ने डरको कुरा छ, हामीलाई कत्ति पनि डर छैन । हामीले मधेसमा चुनावको तयारी गरेका छौं । हामी तराईमा अरुले भन्दा बढी स्थान जित्छौं । हामी विश्वस्त छौं ।

तपाईहरुको कारण स्थानीय चुनाव नहुने डर भो होइन ?

सत्ताधारी पार्टी र सरकारको चालामाला चाहिँ चुनाव गर्ने छैन । वैशाख ३१ ग्ाते आउन ३१ दिन बाँकी छ । संविधान संशोधन प्रस्ताव दर्ता भएको छ संसदमा । त्यसलाई कमसेकम २१ दिन पारित हुन लाग्छ । बाँकी हुन्छ, सात-आठ दिन । त्यो सात-आठ दिनमा निर्वाचन हुन्छ ? उहाँहरुले जे प्रक्रिया चलाउनुभएको छ, त्यसले त चुनाव गराउन चाहानुहुन्न भन्ने प्रष्टै छ ।

तर, शेरहवादुर देउवाको सत्तारोहणसँग गाँसिएकाले चुनाव हुन्छ कि भन्ने आशा बाँकी छ होइन ?

त्यो त उहाँहरुको कुरा हो । त्यसमा हामी गएर फस्ने सवालै छैन । उहाँहरुले चुनाव गराएर सत्ता हस्तान्तरण गर्नुहुन्छ कि अगाडि नै गर्नुहुन्छ कि उहाँहरुको कुरा हो । तर, चुनाव मुख्य कुरा हो ।

स्थानीय र प्रदेशको चुनाव गरे पनि वा नगरे पनि संवैधानिक संकट आउँदैन । तर, माघ ७ गतेभित्र केन्द्रको चुनाव गरिएन भने गम्भीर संवैधानिक संकट आउँछ । हाम्रो पार्टी अध्यक्ष प्रधानमन्त्री हुँदा तीन तहको चुनाव गर्ने योजना संसदमा पेश गरेर पारित भएको हो । तर, अहिलेको गतिविधि हेर्दा कुनै पनि चुनाव हुन नदिनेतर्फ उहाँहरु अघि बढ्नु भएको छ ।

यसको अर्थ, स्थानीय चुनाव एमालेको प्राथमिकता होइन ? केही दिनअघि वर्षमान पुनले पनि यस्तै कुरा गर्नभएको थियो नि ?

स्थानीय चुनाव त एमालेको मुख्य एजेण्डा हो । यसमा हामी सम्झौता गर्दैनौं । तर, आउने मंसिरमा केन्द्रको चुनाव गरिएन भने संवैधानिक संकट आउँछ भनेको हो ।

जहाँसम्म वर्षमान पुनको कुरा छ, प्रचण्डजीले पनि यस्ता किसिमका वाहियात कुरा गरिरहनु भएको छ । वर्षमानले पनि सपनामा कुनै एमालेका व्यक्तिसँग कुरा गरेको हो भने कुन्नि, नत्र एमालेले चुनाव सारेर कात्तिकमा लैजाउँ भन्ने कुरा सोचेको पनि छैन ।

मेची-महाकाली अभियान चलाउने पार्टी हार्छ रे, प्रधानमन्त्रीले यसपटक हार्ने पालो एमालेको हो भनिसक्नुभयो, तपाईहरु आत्तिएको हो ?

उहाँले एकपटकको भेटमा मसित पनि भन्नुभएको थियो । त्यो एउटा भावनात्मक कुरा हो । कांग्रेसले हार्‍यो, माओवादीले हार्‍यो, अब एमालेले हार्छ भन्नुभयो । संघीय लोकतान्त्रिक गणतन्त्रको यो कालमा हामीले हेर्दा पहिलो निर्वाचन माओवादीले जित्यो, अब ऊ कहिल्यै पनि नउठ्ने गरी पराजित भएको छ । यसपटक नेपाली कांग्रेस ठूलो पार्टी भएको छ । अब सबैभन्दा ठूलो पार्टी बहुमतको पार्टी हुने पालो नेकपा एमालेको हो । उहाँहरुले मेची महाकाली अभियान चलाएको भनेको कार्यकर्ता चलाएको हो । एमालेले चलाएको मेची महाकाली अभियान चुनाव जित्ने आधार हो ।

तस्वीरः श्रीधर पाैडेल/अनलाइनखबर

२०७३ चैत ३१ गते २०:४० मा प्रकाशित (२०७४ वैशाख १ गते १३:५२मा अद्यावधिक गरिएको)
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
१७ प्रतिकृयाहरू प्राप्त
  • haha लेख्नुहुन्छ    |   २०७३ चैत ३१ गते ११:१०

    haina aba mero banne pali pm nepal ko

    14
    1
    Share

  • ram लेख्नुहुन्छ    |   २०७३ चैत ३१ गते ११:३२

    naslbadi rajnitni garne party rastriya party huna sakdaina.tapai haru ko party aba chhetriya party ma simit hunechh.

    48
    50
    Share

  • rakesh,janakpur लेख्नुहुन्छ    |   २०७३ चैत ३१ गते ११:३७

    uml le madhesi janta lai adhikar din chahdain.

    46
    66
    Share

  • ramesh लेख्नुहुन्छ    |   २०७३ चैत ३१ गते ११:४८

    almost another add in the name list of PM. Nothing meaningful for country.

    35
    7
    Share

  • up लेख्नुहुन्छ    |   २०७३ चैत ३१ गते १२:२२

    UML ko arko Hasya Kalakar after the greatest Hasya Kalakar Oli.
    Gyan Budhi kehi chhaina.
    India ma gayer banduk chalayeu.PM banne sapana dekhchhau.
    You do not deserve to be PM.

    11
    13
    Share

  • buddha लेख्नुहुन्छ    |   २०७३ चैत ३१ गते १२:२६

    तपाई जस्तै अनपढ ले राजनिती सम्हालेकाले त पढेलेखेका युवाहरु खाडी पलाएन हुनु परेको होनी ।

    20
    12
    Share

  • arjun kc लेख्नुहुन्छ    |   २०७३ चैत ३१ गते १२:३३

    gafai ta ho samdhi jiu, bichara maobadilai thalai parne gari parajit bhaechha, timro mudda k chhan, bektigat rupma timile prachandlai k gun lagayeka chhau ra? kunai ghatana ghatnuko karan tesko antar bastu ma hunchha, timile bhanera prachanda chalne bhae janayoudda hunda k herera baseka thiyu, 12 bunde samjhauta timro karan le bhaeko ho, bado gun lagaye re, khutti dekherai pataiyo, kunai kal khandama emale ma timi kaha thiu, ani maobadi ko youddama uslai siddhyaune kanun banaune timinai hainau, maobadi afno plan le shanti shamjhautama aayeko ho, teen wota pm banauda samma lazai namani manto jhukaera tum saranam garne? ani katuwal kanta, ra bhadra sahamati gareko bhaeko bhae ra timro chairman ko chothale ra apamanjanak shabdaban maobadilai nagareko bhae gathabandhan tutaunai pardainathyo, aruko gun lazai namai ghichirahane, afule prachandalai samarthan garera pm banaune kurako bhadra sahamati ko kura garda tyo sahamati bhaekai chhaina, timi eklai karayera k hundo rahechha ra? kp le timro boli lai dhoti lagaideko tha payenau ra?

    3
    0
    Share

  • Avas Upadhyay लेख्नुहुन्छ    |   २०७३ चैत ३१ गते १३:१३

    Hey Vagwan…Position, power ko vagbanda, politics kahile ending hunchha hamro Nepal bata?

    5
    1
    Share

  • jitan लेख्नुहुन्छ    |   २०७३ चैत ३१ गते १३:२४

    खाली प्रधान मुन्तरी त बन्ने होउ त देस बनाए पो केहि हुन्छ त गाँठो हो……………..

    12
    0
    Share

  • Pabitra Nepal लेख्नुहुन्छ    |   २०७३ चैत ३१ गते १३:४३

    timiharuko siddant KPo ho ? K.Po (KiPo) communism lyaune ho ? tukke communism lyaune ho ?

    K garyou communismko lagi, khali janata jhukyaune,
    MadanBhandari ko naum arabaunko sampati jorne bahek kun communism lyaechhau.

    timiharulai ta Surya chhaple (Aputalie chhap)le matrai bachai rakhechha ? hain vane chhalenge garchhun Surya chinha ferer chunb lad , natija afai thaha hunchha.

    Mahalma baser KiPo communist banner janata jhukyaune khel dherai nagare hunnchha ….

    timiharu sakali communist hau vane MaLe communism kati dinma aunchhan Janatalai samjhai deu…. thagharu….

    5
    3
    Share

  • Aait Bahadur Maden लेख्नुहुन्छ    |   २०७३ चैत ३१ गते १४:५९

    UML has been paying price because nominating very incompetent, poorly educated, person sending for senior positions, now, you have been claiming that you were nearly PM. I don’t think
    UML can not pay this price again. It is our unfurtune since KP Bhattarai left than this country never got good PM, although Mr. Oli was just OK, but he could not deliver either. BP Koirala, 2 KP were OK, Sushil & Manmohan , Kritinidhi, Marich Man were not bad PM either. But rest others eother LAMPASRBDI or CORRUPTED COMPLETED HOPELESS,

    3
    3
    Share

  • Aait Bahadur Maden लेख्नुहुन्छ    |   २०७३ चैत ३१ गते २१:५०

    It is serious blame to UML that always nominate very incompetent & poorly educated people for Top Post of Nepal, people request them not to undermine top most post

    7
    0
    Share

  • pardeshi लेख्नुहुन्छ    |   २०७४ वैशाख १ गते ५:१३

    नेता जि हरु कुर्सी ताक्ने काम मात्र, देशलाई केही दिन्छु भन्ने त कुरै छैन

    13
    0
    Share

  • nepali लेख्नुहुन्छ    |   २०७४ वैशाख १ गते ६:३६

    ma congressi bhaya pani yo bamdev n aja ko uml ko adan ma 100% sahamat chu. deuba congres end garaune dhritrastra hunechan.

    5
    4
    Share

  • drj लेख्नुहुन्छ    |   २०७४ वैशाख ३ गते १०:४६

    लेखमा के लेखेको छ पढ्ने जाँगर चलेन तर बामदेव प्रधानमन्त्री बन्नु नबन्नुमा वहाँ स्वयं बाहेक अरु लाइ के चासोको विषय हुन सक्छ र? बामदेवजी त यसरी कुरा गर्दै हुनु हुन्छ मानौ वहाँ प्रधानमन्त्री बन्नु देश र जनताको लागी ज्यादै महत्वपूर्ण कुरा हो | 😉

    10
    1
    Share

  • ukp लेख्नुहुन्छ    |   २०७४ वैशाख ८ गते ११:१०

    Yesta unpadh Gautam PM banna khojchha. Ani Desh ko bikas kasari hunchha. Peon jagir khan SCL padhna parne tar P.M. ko jagir khan napadhe pani hune.
    Ha Ha Ha Desh ko rajniti.

    2
    0
    Share

  • nayabichar लेख्नुहुन्छ    |   २०७४ वैशाख ८ गते २१:५१

    bamdevji ko rajnitiko antim goal- curruption. timi jasta byakti hajar patak pm bane pani desh inch agadi badhne xaina. barbad hunechha.

    1
    0
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this