मंगलबार, ६ भदौ, २०७४
OnlineKhabar.com
Advertisment
SKIP THIS
Advertisment
SKIP THIS

लण्डनमा पक्राउ विजय माल्या को हुन् ? यस्तो थियो उनको विलासी जीवनशैली

अनलाइनखबर


सौखिन धनाड्यको छवी बनाएका र जीवनका भयानक आर्थिक उतार-चढाव झेलिरहेका भारतीय उद्योगी विजय माल्याको बिलासी जीवनशैली कम्ता घतलाग्दो थिएन ।

उनी, किङफिसर एयरलाइन्सका मालिक । वाहिरी हल्ला के छ भने, उनलाई उडिरहेको निजी जहाजमा सुरा र सुन्दरीका साथ चाहिन्थ्यो । हरेक क्षण नव-जवान सुन्दरीहरुबाट घेरिएर बस्न रुचाउने माल्यन समुन्द्रमाथि तैरिरहेका आफ्नो विलासी पानीजहाजमै भव्य भोज आयोजना गर्थे ।

उनी विश्वमै सर्वाधिक बिक्री हुने रक्सी कम्पनीका मालिक पनि । उनको युनाइटेट स्पि्रट्स कम्पनीबाट उत्पादित बियरले अन्तर्राष्ट्रिय बजारमा भारतको नेतत्व गरेको थियो । उनी पेज थ्री पार्टीमा अक्सर कामुक सुन्दरीका साथमा हुन्थे । किंगफिसर क्यालेन्डरका लागि ‘विकिनी सुट’ गर्ने नवप्रवेशी मोडलसँग उनको सामिप्यता पनि गजबको हुन्थ्यो ।

उनी लक्जरी कारका पनि सौखिन । उनको ग्यारेजमा २ सय ५० भन्दा बढी त लक्जरी कार मात्र हुन्थ्यो । संसारको सर्वाधिक महंगो र चल्तीको शहरमा उनको शानदार घरहरु थियो ।


किंग अफ गुड टाइमको उपमा पाएका माल्या हालै बेलायतको राजधानी लन्डनमा पक्राउ परे । लन्डन नजिकैको तिवेन गाउँमा माल्याको शानदार बंगला थियो । ३० एकड जमिनमा फैलिएको यस बंगाला बेलायतकै सबैभन्दा ठूलो घरमध्येमा पर्छ ।

बंगलाको नाम हो, लेडीवाक । उनले यो बंगला २००८ मा फर्मूला वान रेस च्याम्पियन लुईस हेमिल्टनबाट करोडौंमा किनेका थिए । कतिसम्म यो बंगलामा नोकर चाकरका लागि समेत स-सना कटेज बनाइएको छ । त्यसो त लन्डनमा उनको अर्को पनि बंगला छ ।

भातरको गोवामा रहेको उनको किङफिसर भिल्लाको बारम्बार चर्चा हुने गथ्र्यो । यो भिल्ला सडकदेखि समुन्द्रसम्म फैलिएको छ । यसलाई विशेषत गोवाको स्टाइलमा डिजाइन गरिएको थियो । अहिले त्यो भिल्ला लिलामीमा विक्री गरिएको छ । यसअघि पटक पटक लिलामीमा राखिएको यो भिल्लाको खरिद गर्ने भेटिएका थिएन ।

बेंगलुरुमा उनको किंगफिसर टावर पनि थियो । ३४ फ्लोरको यो टाउनशिपमा ३ ब्लक्स, ८२ अपार्टमेन्ट छ । यहाँ माल्यको पेन्ट हाउस पनि थियो । यसमाथि एक सानदार हेलिप्याड समेत छ । यहाँको एउटा फ्ल्याटको मूल्य चालिस करोड बराबर थियो । माल्यको न्युर्योक, अफ्रीकाको जोहानिसबर्गमा समेत आलिशान घर थियो ।

उनी निजी हवाइजहाज, पानीजहाज मालिक । उनीसँग बोइङ ७५७, एयरबस ए ३१९, हाकर एचएस १२५ र गल्फ स्टि्रम ३ जस्ता प्राइभेट जेट प्लेन पनि छ ।

माल्या २ वटा लक्जरी पानीजहाजका पनि मालिक थिए । त्यही जहाजमा हेलिप्याड र २ मर्सडिज कार राख्ने व्यवस्था समेत थियो ।

पछिल्लो समय भने उनी ऋणमा चुर्लुम्मै डुबेर भारत छाड्न बाध्य भए । उनलाई १७ वटा बैंकको भारु ७ हजार ८ सय करोड ऋण छ ।


केहि रोचक कुरा

– माल्याको सबैभन्दा पुरानो र शानदार घर क्यालिफोर्नियामा छ, जुन उनले १९८७ मा खरिद गरेका थिए । यो घर करिब ११ हजार वर्गफिटमा फैलिएको छ ।

– दक्षिण अफ्रीकाको जोहनिसबर्गस्थित माल्याको एक गेम लज थियो । १२ हजार हेक्टरमा फैलिएको यो सबैभन्दा उत्कृष्ट गेम लज हो । यसमा धेरै पंक्षी र जनवार पालिएको छ ।

– फ्रान्सको फेन्च रिवेरा आइल्यान्ड लर्निसमा उनको महंगो प्रपर्टी छ, जसलाई द ग्रेन्ड गार्डेन नाम दिइएको छ ।

– माल्या घोडाका पनि सौखिन । उनले कर्नाटकमा आलिशान हर्स फार्म हाउस खरिद गरेका थिए । करिब ४ सय एकडमा फैलिएको यो र्फम हाउसमा माल्या हर्स राइडिङका भरपुर मज्जा लिन्थे ।

– माल्यालाई पार्टी लभर्सको रुपमा पनि चिनिन्छ, उनी हाइ प्रोफाइल पार्टीका कारण सँधै चर्चामा रहन्थे ।

– ज्वेलरी खासगरी हीरा लगाउन रुचाउने माल्याको ब्रासलेट, औठी, कानको रिंगमा महंगो हिरा जडान गरिएको छ ।

– कोस्टल फूडका सौखिन उनी चिकन करी र केन फिस औधी रुचाउँछन् ।

पिताको विरासतमा मिलेको कारोबार

१९६६ मा कोलकातामा जन्मिएका विजय माल्यालाई मदिराको व्यवसाय उनको पिताबाट विरासतमा मिलेको थियो । २८ बर्षको उमेरसमा माल्या युनाइटेड बैभरेज ग्रुपको अध्यक्ष बने । यसपछि उनले कम्पनीलाई विस्तार गरेर देश विदेशमा फैलाए । उनको नेतृत्वपछि कम्पनीले लामो फड्को मार्‍यो ।

यूबी ग्रपमा ६० कम्पनी

माल्याले विस्तारै बर्जर पेन्ट्स, बेस्ट एन्ड क्राम्पटन, म्याङलोरको केमिकल एन्ड फर्टिलाइजर जस्ता कम्पनी अधिग्रहण गरे । उनले किंगफिसर ब्रान्डका विश्वभर बियरको कारोबार फैलाए । उनैले किंगफिसर एयरलाइन्स पनि स्थापना गरे । यसका साथै, केमिकल, फर्टिलाइजर, इलेक्टि्रक क्षेत्रमा पनि उनको युबी समूह सक्रिय छ ।

खेलमा दबदबा

– १९९६ मा माल्या पहिलो यस्ता कारोबारी बने, जसले वेस्टइंडिजका पुरै क्रिकेट टिमलाई स्पोन्सर गरे ।

– २००७ मा माल्याले फर्मुला वान रेसिङ टिम स्पायकर खरिद गरेर भारतमा पहिलो पटक एफ वान रेसिङ टिम बनाए ।

– आइपिएलमा रोयल च्यालेन्जर्स बेंगलुरुको टिम, किंगफिसर इस्ट बंगाल फुटवल क्लबका मालिक हुन्, माल्या ।

किंग साइज लाइफ 

– २ सय घोडाका मालिक

– २ सय ५० भिन्टेज कार कलेक्सन

– भारु ४ सय ५० करोड रुपैयाँको लक्जरी याट

– केहि निजी विमान, वोइङ ७२७ र गल्फस्ट्रीम खरिद गरेका थिए ।

– उनको विश्वभर २६ वटा घर थियो ।

२०७४ वैशाख ५ गते १८:०० मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
४ प्रतिकृयाहरू प्राप्त
  • R.K. Parajuli लेख्नुहुन्छ    |   २०७४ वैशाख ६ गते १०:३८

    Dear Reader,
    I think the heading is suitable enough.
    It explains about Mallya, who was arrested in London.
    The title doesn’t express meaning of how Mallya was arrested.

    Read carefully and then comment.

    Just an advice.

    24
    0
    Share

  • haha लेख्नुहुन्छ    |   २०७४ वैशाख ६ गते ११:२७

    ani aile jail ma

    8
    0
    Share

  • Aait Bahadur Maden लेख्नुहुन्छ    |   २०७४ वैशाख ६ गते ११:५५

    Please inform Madesee Morcha and Sanghiya Samajbadi because they may have “Roti Beti” Relation with this guy. They may blame our PM that he ask the Britain to arrest him…

    9
    7
    Share

  • abc लेख्नुहुन्छ    |   २०७४ वैशाख ६ गते १२:४०

    sabai youtube bata transcript gareko hola haina……….kasari dubyo. tyo kura haru video ma vetiyena ki k ho??

    8
    0
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this