शुक्रबार, २ भदौ, २०७४
OnlineKhabar.com

गुल्मीमा एमाले-माओवादी केन्द्रको चुनावी तालमेल, यस्तो छ भागवण्डा

अनलाइनखबर

८ बैशाख, गुल्मी । स्थानीय तहको निर्वाचनमा सत्तारुढ नेकपा माओवादी केन्द्र र प्रमुख विपक्षी नेकपा एमालेबीच तालमेल हुने भएको छ ।

गुल्मीमा १२ वटा स्थानीय तहमध्ये २ नगरपालिका र १० गाउँपालिका छन् । सबै स्थानीय तहमा चुनावी तालमेल गर्न माओवादी केन्द्र र एमाले सहमत भएका छन् ।

कसले कति पद पाए ?

दुई पार्टीवीचको जिल्ला नेतृत्वले १२ स्थानीय तहमध्ये माओवादी केन्द्रलाई तीन गाउँपालिकाको प्रमुख दिने सहमति गरेको छ । एमालेले २ नगरपालिका र ७ गाउँपालिकाको प्रमुख लिनेछ ।

यस्तै गुल्मी जिल्लाभरी ९३ वटा वडा रहेका छन् । त्यसमध्ये माओवादीले २४ वटा वडाको वडा अध्यक्ष पाउने भएको छ । बाँकीमा एमालेले वडा अध्यक्ष लिने समझदारी भएको छ ।

सहमतिअनुसार माओवादी केन्द्रले एक नगरपालिका सहित अन्य ५ गाउँपालिकामा उपप्रमुख पाउनेछन् । वडा अध्यक्ष पाएको पार्टीले उक्त वडामा एक जना मात्र सदस्य पाउनेछन् ।

हेर्नुहोस एमाले र माओवादी केन्द्रबीच भएको सम्झौता 

कुनै गाउँपालिकाको एक नम्बर वडा अध्यक्ष एमालेको भागमा पर्यो भने एमालेले त्यो वडामा एक जना सदस्य पनि पाउनेछ । बाँकी तीन वडा सदस्य माओवादी केन्द्रको भागमा पर्नेछ । यसरी माओवादी केन्द्र र एमालेवीच पदको भागबण्डा भएको माओवादी केन्द्रका गुल्मी संयोजक बीरबहादुर कार्कीले बताएका छन् । उनले भने, भाग बण्डा मिलिसक्यो । एकताबद्ध भएर चुनाव लड्ने सम्झौता भएको हो ।’

माओवादीको भागमा मालिका, दुर्कोट र चन्द्रकोट गाउँपालिका परेको छ । त्यसमध्ये मालिका गाउँपालिकामा एमाले पहिलो र माओवादी केन्द्र दोस्रो स्थानमा रहेको छ । यस्तै दुर्कोट गाउँपालिकामा भने एमाले पछि कांग्रेस बलियो छ । माओवादी केन्द्र तेस्रो स्थानमा छ । चन्द्रकोट गाउँपालिकामा भने माओवादी पहिलो र कांग्रेस दोस्रो स्थानमा छ ।

जिल्लामा रहेको दुई नगरपालिका एमालेले लिएको छ । रेसुंगा नगरपालिकाको उपप्रमुख भने माओवादी केन्द्रलाई दिने सहमति भएको छ । रेसुंगा नगरपालिका त्यस्तो ठाउँ हो, माओवादी केन्द्र र एमालेले मिलेर लड्दा पनि कांग्रेस हावी हुनसक्छ ।

एमालेलाई फाइदा

गुल्मीमा तेस्रो शक्तिको रुपमा रहेको माओवादी केन्द्र जुनसँग तालमेलमा गयो, त्यही मोर्चाले जित्ने देखिन्छ ।

एमालेले माओवादी केन्द्रको साथमा ९ वटा स्थानीय तहको प्रमुख पाएको छ । त्यसमध्ये दरबार गाउँपालिका भने एमाले र माओवादी केन्द्र दुवै मिल्दा पनि कांग्रेसलाई हराउन मुस्किल पर्छ । त्यो भने एमालेले गुमाउन सक्ने एमाले गुल्मीका जिल्ला अध्यक्ष मधुकृष्ण पन्तले बताए मुसीकोट नगरपालिकामा भने एमालेको बलियो उपस्थिति छ । अब माओवादी केन्द्रको साथमा उसलाई जित हातपार्न सहज हुनेछ ।

माओवादी-एमालेको गठबन्धनको कारण ?

गुल्मी नेपाली कांग्रेसको बलियो जनमत भएको जिल्ला हो र केन्द्रमा दुई पार्टीबिच सत्तासाझेदार भएपनि स्थानीय नेताले तालमेल अस्वीकार गरेको माओवादी केन्द्रको आरोप छ ।

माओवादी जिल्ला पार्टी अध्यक्ष कार्कीले भने, कांग्रेसले जिल्ला बैठकबाटै चुनावी तालमेल नगर्ने निर्णय गरेको छ ।’ एक्लाएक्लै चुनाव लड्दा कुनै पनि पार्टी सुरक्षित हुने स्थिति नभएको कार्कीको बिश्लेषण छ ।
गुल्मीमा को कति वलियो ?

२०७० सालको संविधानसभा निर्वाचनमा एमालेले एक सिट र कांग्रेसले दुई सिट जितेको थियो ।

कुल मतमा भने थोरै मतले एमाले अगाडी देखिएको थियो । पछिल्लो समय कांग्रेस नेता चन्द्र भण्डारीले कांग्रेसको पक्षमा जनमत बढाएको स्थानीय नेताहरुको बुझाइ छ ।

२०६४ सालको निर्वाचनमा परिणाम ठ्याक्कै उल्टो थियो । माओवादी केन्द्र पहिलो, कांग्रेस दोस्रो र एमाले तेस्रो स्थानमा रहेको थियो । उक्त निर्वाचनमा माओवादीले २ सिटमा विजय पाएको थियो भने एक सिटमा एमाले विजयी भएको थियो । मत संख्याको आधारमा भने माओवादी पछि कांग्रेस देखिएको थियो ।

कसरी हुन्छ चुनाव प्रचार ?

दुइ पार्टीवीच भएको सम्झौता अनुसार आफ्नो भागमा परेको पदमा बाहेक उम्मेदवारी घोषणा गर्न पाइने छैन । उक्त सम्झौता अनुसार माओवादीले तीन गाउँपालिकामा तीन जना प्रमुखको उम्मेदवार बनाउने छ । यस्तै ६ वटा गाउँपालिकामा उपप्रमुखको उम्मेदवार बनाउनेछ ।

त्यस स्थानीय तहमा एमालेले तीन प्रमुख र ६ उपप्रमुखको उम्मेदवार बनाउन पाउँदैन । यस्तै एमालेको भागमा परेको स्थानीय तहमा माओवादी केन्द्रले उम्मेदवार बनाउन पाउँदैन ।

दुवै पार्टीले संयुक्त सभागर्ने र संयुक्त चुनाव परिचालन समिति गठन गरेर चुनाव प्रचार गर्ने पनि सहमति गरेका छन् । स्थानीय कार्यकर्तावीचको सम्वन्ध सुधार गर्दै तालमेलबाट चुनावी परिणाम आफ्नो हातमा ल्याउने दुवै पार्टीले बताएका छन् ।

२०७४ वैशाख ८ गते २०:२३ मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
११ प्रतिकृयाहरू प्राप्त
  • Sagar लेख्नुहुन्छ    |   २०७४ वैशाख ८ गते १५:३७

    यो तालमेल नगरेको भऐ रामरो हूनेथियो।आफनो अाफनो सकति देखिने थियो।

    2
    1
    Share

  • Om Basnet लेख्नुहुन्छ    |   २०७४ वैशाख ८ गते १६:११

    Singal chunab ladn ta haisiyat pani hunu paryo ni.

    0
    5
    Share

  • Aait Bahadur Maden लेख्नुहुन्छ    |   २०७४ वैशाख ८ गते १७:०९

    Bad practice !!
    The end of Political Party !!!!

    It shows that either Maoist or UML have fear of failure, they have no confidence to win, OR
    Is this “KALE KALE MILER KHAUN BHALE”
    Why you guy want to “Capture'” local bodies. Very stupid decision!!
    Lets people decide !!

    2
    4
    Share

  • योग विक्रम शाह लेख्नुहुन्छ    |   २०७४ वैशाख ९ गते २:४८

    गुल्मी दरबार गाउॅ पालिका का नेपाली कांग्रेस,जितिन्छ भनेर ढुक्क नहुनुहोस चुनाव हो,ब्यापक प्रचार-प्रसार को साथ चुनाव मा लाग्नुहोस।नेपाली कांग्रेस का सम्पूर्ण उमेदबारहरूलाइ “शुभकामना”।

    1
    10
    Share

  • स्वतन्त्र नागरिक लेख्नुहुन्छ    |   २०७४ वैशाख ९ गते ९:५६

    कुरीकुरी एमाले, कुरीकुरी !राष्ट्रबादी एमालेको पनि हविगत देखियो । कुर्सीबाट झर्नु परेको झोँकमा प्रचण्डलार्इ लम्पसारबादी भनेर सत्तोसराप गर्ने, अनि स्थानीय सत्तामा तर मारेर खान चाहिँ माअोबादीकै बुइ चढनुपर्ने ? तिम्रो राष्ट्रबादको कट्टु खुस्किइसक्यो । तालमेल नगर्दा धुलो चाटनुपर्ने अबस्था एमालेले बेलैमा बुझेर माअोबादीलार्इ अंगालो मार्न पुगेछ ।

    16
    18
    Share

  • kamala लेख्नुहुन्छ    |   २०७४ वैशाख ९ गते १०:५४

    Both party is Kamnist, kamnist are brother. kamnist are social family. They wanted to collect money and one of the rich man in Nepal. Then they join the election.

    1
    2
    Share

  • Rnp लेख्नुहुन्छ    |   २०७४ वैशाख ९ गते ११:५८

    एमाले माअाेवादि दुवै देश लुटुवा पाटि हुन् दुवै िमल्दा पनि गुल्मिमा १ नगर रेसुङ्गा र ५ गाउपालिका कांगेस िजत्छ ।

    0
    18
    Share

  • गोविन्द क्षितिज लेख्नुहुन्छ    |   २०७४ वैशाख ९ गते १४:२९

    अब देशले सम्पुर्ण बामपंथी एक ठाउमा हुनेपर्ने अवस्था खोजेको छ।कांग्रेस विचारहिन राष्ट्रघाती बिकास बिरोधि पार्टी हो,जसले २०१५ देखि राष्ट्र लाई धोका दिदै आएको छ ।त्यसैले कांग्रेस मुक्त देश निर्माण अहिलेको अपरिहार्यता हो।अनेक बाम एक ठाम!!

    19
    3
    Share

  • Chandra kite sailo लेख्नुहुन्छ    |   २०७४ वैशाख ९ गते १५:१९

    Congress will win in Chandrakot VDC

    1
    4
    Share

  • madhu लेख्नुहुन्छ    |   २०७४ वैशाख १० गते ३:४०

    २ कांग्रेस ले जित्छ दरबार र रेसुङा ।।। तीन मावोबादी , एमाले ले जाबो 7 बाँकी पाउने न हो

    1
    1
    Share

  • rukmagat aryal लेख्नुहुन्छ    |   २०७४ वैशाख १० गते १०:३७

    मलाई त पटक्कै मन परेन | चुनाब त एक्ला एक्लै पार्टी भिड्नु पर्ने हो | यो त राजनीति गर्ने हरुको सिण्डिकेट हो | आफ्नो स्थान थाहा पाउन पनि एक्ला एक्लै चुनाब लडौ | एमाले किन डराएको म त बुझ्ने सकिन, यो पार्टीले त संयुक्त प्यानल बाट भन्दा एक्लै लड्दा त्यो भन्दा धेरै ल्याउछ जस्तो लाग्छ | किन आफ्नो स्थान घटुवा गर्न थालेको | खोई के के ????? माओवादी संग नमिली एक्लै भिड्नु पर्छ |

    1
    0
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this