Comments Add Comment

भारतको छत्तीसगढमा माओवादी आक्रमण, १२ सैनिक मारिए

फाइल तस्वीर

११ बैशाख, काठमाडौं । भारतको छत्तीसगढमा माओवादी विद्रोहीहरुको आक्रमणबाट १२ सैनिकको मृत्यु भएको छ ।

माओवादीहरुले सोमबार छत्तीसगढको सुकमा भन्ने स्थानमा धराप थापेर सीआरपीएफका जवानहरुमाथि आक्रमण गरेका थिए ।

सीआरपीएफ ७४ बटालियनका १२ जनाको मृत्यु भएको र ६ जना घाइते भएको भारतीय सञ्चार माध्यमहरुले जनाएका छन् ।

आक्रमणको खबरलगत्तै मुख्यमन्त्री डाक्टर रमन सिंहले आपतकालीन बैठक बोलाएका छन् ।

समाचारमा जनाइएअनुसार चिन्तागुफा नजिक बुर्कापाल भन्ने स्थानमा सडक उदघाट कार्यक्रम थियो । सोही मौकामा माओवादी विद्रोहीहरुले सोमबार दिउँसो करिब एक बजेतिर धरापमा पारेर आक्रमण गरेका थिए । धराप विष्फोटलगत्तै गोली चलाएर आक्रमण गरिएको थियो । जवाफमा सैनिकहरुले पनि गोली चलाएका थिए । केहीबेर दुबैतर्फ दोहोरो फायरिङ भएको थियो ।

छत्तीसगढको सुकमा भन्ने स्थान माओवादी विद्रोहीहरुको गढ मानिन्छ । सोही स्थानमा यसै वर्ष गत मार्च महिनामा माओवादी विद्रोहीहरुले आक्रमण गर्दा सेनाका १२ जनाको मृत्यु भएको थियो । सन् २०१४ मा पनि माओवादी विद्रोहीको आक्रमणमा परी सीआरपीएफका १४ जना मारिएका थिए । छत्तीसगढको सुकमा भन्ने स्थानमा सीआरपीएफले माओवादीविरुद्ध कारबाही अभियान चलाउँदै आएको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment