शनिबार, १३ जेठ, २०७४
OnlineKhabar.com

ललितपुरको महालक्ष्मी नगरपालिकामा ३ दिनदेखि मतगणना रोकियो

अनलाइनखबर

५ जेठ,ललितपुर । ललितपुरको महालक्ष्मी नगरपालिकाको मतगणना तीन दिनदेखि रोकिएको छ । वडा नम्बर ६ को पुनःमतगणना हुनुपर्ने माओवादीको मागका कारण विवाद भएको थियो ।

सो वडामा ६ मतले कांग्रेस उम्मेदवार बिजयी भएका थिए । निर्वाचन अधिकृत रामप्रसाद घिमिरे निर्वाचन आयोगसँग सल्लाह गर्ने भन्दै हिडेकोमा फर्किएका छैनन् ।

विहीबार सर्वदलीय बैठक बसेर मतगणना सुचारु गर्ने सहमति भए पनि गणना अघि बढ्न सकेको छैन ।

मतगणना रोकिएको कारण खोज्दै एमालेका उम्मेदवार रामेश्वर श्रेष्ठ निर्वाचन आयोग पुगेका छन् भने माओवादी पनि पुनः मतगणनाको माग गर्दै आयोग पुगेको छ ।

निर्वाचन अधिकृत घिमिरेले पुनःमतगणनाबारे निर्वाचन आयोगको निर्णय अन्तिम हुने बताए ।

महालक्ष्मी नगरपालिकाका ५ वडामा एमालेले जितेको छ भने एउटामा कांग्रेसले जितेको छ ।

सोही वडामा पुनः मतगणनाको माग माओवादीले गरेको छ तर कांग्रेसले मानेको छैन । हालसम्मको गणनामा एमालेले ४२३० र कांग्रेसले ३१४५ मत प्राप्त गरेको छ ।

२०७४ जेठ ५ गते १०:५६ मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this