शनिबार, १३ जेठ, २०७४
OnlineKhabar.com

मुम्बई आइपिएलको फाइनलमा, उपाधिका लागि पुणेसँग भिड्ने

अनलाइनखबर

६ जेठ, काठमाडौं । बलरहरुले शानदार प्रदर्शन गरेपछि कोलकता नाइट राइडर्सलाई ६ विकेटले हराउँदै दुई पटकको च्याम्पियन मुम्बई इण्डियन्स इण्डियन पि्रमियर लिग क्रिकेटको फाइनलमा पुगेको छ ।

शुक्रबार सम्पन्न दोस्रो क्वालिफायरमा मुम्बईले कोलकतालाई पराजित गरेको हो । लिगको शीर्ष स्थानमा रहँदै प्लेअफमा पुगेको मुम्बई पहिलो क्वालिफायरमा राइजिङ पुनेसँग पराजित भएको थियो ।

आइपिएलको दशौं सिजनको फाइनल मुम्बई र पुनेबीच हैदराबादस्थित राजिव गान्धी अन्तर्राष्ट्रिय रंगशालामा आइतबार हुनेछ ।

मा चिन्नास्वामी रंगशाला बैंगलुरुमा शुक्रबार कोलकत्ताले दिएको १०८ रनको झिनो लक्ष्य मुम्बईले १४.३ ओभरमा ४ विकेट गुमाएर पूरा गर्‍यो । उसका लागि क्रुणल पण्ड्याले ४५ रनको अविजित पारी खेले ।

लेण्डिस सिमोन्स ३ र पार्थिव पटेललाई सुरुमै गुमाएको मुम्बईले अम्बती रायुडुलाई पनि ६ रनको व्यक्तिगत स्कोरमा गुमायो ।

तर क्रुणाल र कप्तान रोहित शर्माले चौथो विकेटका लागि ५४ रनको साझेदारी गरेपछि मुम्बईले सहज जित हासिल गरेको हो । रोहितले २४ रन बनाए ।

यसअघि टस हारेर पहिले ब्याटिङ गरेको कोलकत्ता १८.५ ओभरमा १०७ रनमै समेटियो । मुम्बईका बलरहरुको धारिलो बलिङसामू कोलकत्ता निरिह बन्यो । उसका लागि सूर्यकुमार यादवले ३१ र इशांक जाग्गीले २८ रन बनाउनुबाहेक अन्यले खासै रन बनाउन सकेनन् । उसका सात ब्याट्सम्यानले दोहोरो अंकको रन बनाउन सकेनन् ।

बलिङतर्फ मुम्बईका करन शर्माले ४, जसपि्रत बुम्राहले ३ र मिचेल जोन्सनले २ विकेट लिए । भेट्रान बलर लसिथ मालिंगाले पनि १ विकेट लिए ।

४ ओभरमा १६ रन खर्चेर ४ विकेट लिएका करण शर्मा खेलको म्यान अफ द म्याच भए । जसपि्रतले ३ ओभरमा १ मेडन राख्दै ७ रन खर्चेर २ विकेट लिए ।

समूह चरणका दुई खेल र पहिलो क्वालिफायरसमेत गरी जारी प्रतियोगितामा मुम्बईले पुणेलाई पराजित गर्न सकेको छैन । यसर्थमा फाइनल खेल मुम्बईका लागि बदला लिने अवसर हुनेछ भने तेस्रो पटक आइपिएल उपाधि हासिल गरी कीर्तिमान बनाउने अवसर पनि हुनेछ ।

२०७४ जेठ ६ गते १:२५ मा प्रकाशित (२०७४ जेठ ९ गते १५:३६मा अद्यावधिक गरिएको)
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
१ प्रतिकृया प्राप्त
  • Aait Bahadur Maden लेख्नुहुन्छ    |   २०७४ जेठ ६ गते १०:३२

    NOT INTERESTED to see the SLAVE GAME since British colony era

    0
    4
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this