७ जेठ, धनगढी । नेकपा एमालेले ७ नम्बर प्रदेशको एकमात्र उपमहानगरपालिका धनगढीमा आगामी जेठ ३१ गते हुने दोस्रो चरणकाको चुनावका लागि मेयर र उपमेयरका उम्मेदवार तय गरेको छ ।
एमालेेले धनगढीको मेयरमा दुर्गाप्रसाद जोशी र उपमेयरमा रुक्मणी देवकाटालाई छानेको छ । एमाले स्थायी कमिटीको बैठकले प्रदेश कमिटीबाट आएका सिफारिसमध्येबाट जोशी र देवकोटालाई छानेको हो ।
मेयरमा प्रदेशबाट जोशी सहित यज्ञराज बास्तोला र कलावती जोशीको नाम सिफारिस भएको थियो भने उपमेयरमा रुक्मणी देवकोटा, छायाँ थापा र सुशीला बुढाथोकी नामको नाम सिफारिस गरेको थियो ।
मेयरको टिकट पाएका जोशी एमालेका कैलाली जिल्ला कमिटी सचिवालय सदस्य हुन् । उनी शैक्षिक क्षेत्रमा स्थापित व्यक्ति हुन् ।
उपमेयरको टिकट पाएकी देवकोटा एमालेको जिल्लास्तरीय नेतृ हुन् । उनी कैलाली उद्योग वाणिज्य संघको उपाध्यक्ष समेत छिन् ।
